ឯកឧត្ដម អ៉ិន ចន្ថា បានដឹកនាំកិច្ចប្រជុំស្ដីពីការបើកឯកសារស្ទង់តម្លៃចំនួន ២គម្រោង

រាជធានីភ្នំពេញ៖ នាព្រឹកថ្ងៃព្រហស្បតិ៍ ១៣កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៨ ខែកក្កដា ឆ្នាំ២០២៤ ឯកឧត្ដម អ៉ិន ចន្ថា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឬទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានដឹកនាំកិច្ចប្រជុំស្ដីពីការបើកឯកសារស្ទង់តម្លៃចំនួន ២គម្រោង ដោយមានការអញ្ជើញចូលរួមពីតំណាងក្រុមហ៊ុនចំនួន ៣ និងសមាជិកសមាជិកាគណៈកម្មាធិការលទ្ធកម្ម នៃក្រសួងអភិវឌ្ឍន៍ជនបទ។

ដោយឡែកគម្រោងទាំង២ នេះរួមមាន ÷

– គម្រោងទី១៖ ការចំណាយឃោសនា និងផ្សព្វផ្សាយព័ត៌មានសាធារណៈឆ្នាំ២០២៤ ជូន នាយកដ្ឋានថែទាំសុខភាពជនបទ នៃក្រសួងអភិវឌ្ឍន៍ជនបទ។

– គម្រោងទី២៖ ការចំណាយរៀបចំតាំងពិព័រណ៍នៅក្នុង និងក្រៅប្រទេស ជូននាយកដ្ឋាន អភិវឌ្ឍន៍សេដ្ឋកិច្ចជនបទ អញ្ជើញចូលរួមក្នុងកិច្ចប្រជុំ អន្តរក្រសួងនេះរួមមាន (ក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ) ។

កិច្ចប្រជុំនេះប្រព្រឹត្តទៅ ដោយទទួលបានផ្លែផ្កាជោគជ័យ នឹងមានការឯកភាពគ្នាទាំងស្រុងទៅលើអនុវត្តគម្រោងនោះ ។