ឯកឧត្ដម ហួត  សារឹម អញ្ជើញចូលរួម សិក្ខាសាលាពិគ្រោះយោបល់លើសេចក្តីព្រាងគោលការណ៍ណែនាំស្តីពីការគ្រប់គ្រងហិរញ្ញវត្ថុសាធារណៈ (FMM) នៅទីស្ដីការក្រសួងធនធានទឹក និងឧតុនិយម

រាជធានីភ្នំពេញ៖ នាព្រឹកថ្ងៃព្រហស្បតិ៏ ១១កើត ខែស្រាពណ៍  ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៥  ខែសីហា ឆ្នាំ២០២៤ ឯកឧត្ដម ហួត សារឹម អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ  អមដំណើរដោយមន្ត្រីជំនាញនៃនាយកដ្ឋានផែនការ និងទំនាក់ទំនងសាធារណៈ បានអញ្ជើញចូលរួម សិក្ខាសាលាពិគ្រោះយោបល់លើសេចក្តីព្រាងគោលការណ៍ណែនាំស្តីពីការគ្រប់គ្រងហិរញ្ញវត្ថុសាធារណៈ (FMM) របស់ក្រសួងធនធានទឹក និងឧតុនិយមប្រចាំឆ្នាំ ក្រោមអធិបតីភាព  ឯកឧត្ដមបណ្ឌិត ចាន់ យុត្ថា  រដ្ឋលេខាធិការ និងប្រធានក្រុមការងារកែទម្រង់ការ គ្រប់គ្រងហិរញ្ញវត្ថុសាធារណៈប្រចាំក្រសួងធនធានទឹក និងឧតុនិយម  ដោយមានការអញ្ជើញចូលរួមពីសំណាក់ ឯកឧត្ដម លោកជំទាវ លោក លោកស្រី ដែលមកពីស្ថាប័នជាតិ និងដៃគូពាក់ព័ន្ធផងដែរ។

សិក្ខាសាលានេះមានគោលបំណងប្រមូលធាតុចូលពីភាគីពាក់ព័ន្ធ  ដើម្បីឲ្យការរៀបចំសេចក្តីព្រាងគោលការណ៍ណែនាំស្តីពីការគ្រប់គ្រងហិរញ្ញវត្ថុសាធារណៈ (FMM) របស់ក្រសួងធនធានទឹក និងឧតុនិយម កាន់តែប្រសើរ គ្រប់ជ្រុងជ្រោយ និងអាចប្រើប្រាស់បាននៅឆ្នាំ២០២៥ ខាងមុខនេះ។