ស្រុកវើនសៃ នៃខេត្តរតនគិរី បានរៀបចំពិធីប្រកាសបញ្ចប់ការបន្ទោបង់ពាសវាលពាសកាល

ខេត្តរតនគិរី៖ នាព្រឹកថ្ងៃព្រហស្បតិ៍ ៨រោច ខែ ពិសាខ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣០ខែឧសភា ឆ្នាំ២០២៤ លោក អៀម អឿន ប្រធានមន្ទីរអភិវឌ្ឍន៍ជនបទ ខេត្តរតនគិរី នឹងថ្នាក់ដឹកនាំព្រមទាំងមន្រ្តីរាជការរបស់មន្ទីរ បានចូលរួមក្នុងពិធីអបអរសាទរប្រកាសទទួលស្គាល់ ស្រុកវើនសៃ ខេត្តរតនគិរី ដែលបានបញ្ចប់ការបន្ទោបង់ពាសវាលពាសកាល (ODF)។

កម្មវិធីនេះប្រព្រឹត្តទៅក្រោមអធិបតីភាព ឯកឧត្តម ងួន គឿន សមាជិកក្រុមប្រឹក្សាខេត្តតំណាងដ៏ខ្ពង់ខ្ពស់ ឯកឧត្ដម ណាប់ ប៊ុនហេង ប្រធានក្រុមប្រឹក្សាខេត្ត ឯកឧត្តម ជា ថាវរិទ្ឋិ អភិបាលរងខេត្តជាប្រធាន (PWG) តំណាងដ៏ខ្ពង់ខ្ពស់ ឯកឧត្តម ញ៉ែម សំអឿន អភិបាលនៃគណអភិបាលខេត្តរតនគិរី និងលោក វេជ្ជបណ្ឌិត លន់ សាយតេង ប្រធាននាយកដ្ឋានថែទាំសុខភាព របស់ក្រសួងអភិវឌ្ឍន៍ជនបទ ដោយមានការចូលរួមពីឯកឧត្តម លោកលោកស្រី ថ្នាក់ដឹកនាំខេត្ត លោក លោកស្រីប្រធាន អនុប្រធានមន្ទីរអង្គភាពជុំវិញខេត្តកងកម្លាំងប្រដាប់អាវុធទាំងបីប្រភេទ លោកប្រធានក្រុមប្រឹក្សាស្រុក ឃុំ និង អភិបាលស្រុក អភិបាលរងស្រុក មន្រ្តីជំនាញការិយាល័យជុំវិញស្រុក លោកគ្រូអ្នកគ្រូ សិស្សកាយរិទ្ទ សិស្សកាកបាទក្រហម តំណាងប្រជាពលរដ្ឋក្នុងឃុំទាំង៩របស់ស្រុកវើនសៃ ចំនួន ២៣៥នាក់ ស្រ្តី ៥៥ នាក់។