លោក លីវ សំណាង ដឹកនាំក្រុមការងារបច្ចេកទេសនៃមន្ទីរអភិវឌ្ឍន៍ជនបទខេត្តតាកែវ ចុះធ្វើការជួសជុលបន្ទាន់ផ្លូវកម្រាលកៅស៊ូពីរជាន់ ចំនួន ០១ខ្សែ

ខេត្តតាកែវ ៖ នាព្រឹកថ្ងៃពុធ ៦កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១២ ខែមិថុនា ឆ្នាំ២០២៤ លោក លីវ សំណាង ប្រធានមន្ទីរ បានដឹកនាំក្រុមការងារបច្ចេកទេស  នៃមន្ទីរអភិវឌ្ឍន៍ជនបទខេត្តតាកែវ ចុះធ្វើការជួសជុលបន្ទាន់ផ្លូវកម្រាលកៅស៊ូពីរជាន់ ចំនួន០១ខ្សែ ដើម្បីជួយសម្រួលដល់ប្រជាពលរដ្ឋ ក្នុងការធ្វើចរាចរណ៍ឆ្លងកាត់ទៅប្រកបមុខរបរទទួលទាន និងដឹកកសិផល ផ្សេងៗទៅកាន់ទីផ្សារ និងសិស្សានុសិស្សធ្វើដំណើរទៅសាលារៀន ជាពិសេសត្រៀមសម្រាប់ថ្ងៃទី៩ ខែកក្កដា ឆ្នាំ២០២៤ ក្នុងកម្មវិធីបុណ្យរុក្ខទិវា ក្នុងខេត្តតាកែវ ផ្លូវនេះមានប្រវែង ១២ ០០០ ម៉ែត្រ ចាប់ពីទីរួមខេត្ត ដល់ផ្លូវជាតិលេខ៣ (ខ្នាទៃ-ប្រហ៊ូត ) (TK9) ខ្សែផ្លូវនេះ ឆ្លងកាត់ឃុំចំនួន ០៣ឃុំ ២ស្រុក ខេត្តតាកែវ៕