លោក ព្រំ ចាន់ថា ដឹកនាំមន្រ្តីជំនាញចុះត្រួតពិនិត្យការងារស្ថាបនាផ្លូវចំនួន០១ខ្សែ ប្រវែង ១៥,៧៥៥ គីឡូម៉ែត្រ នៅស្រុកសៀមបូក

ខេត្តស្ទឹងត្រែង៖នាថ្ងៃពុធ ១៤រោច ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៦ ខែកុម្ភៈ ឆ្នាំ ២០២៥ លោក ព្រំ ចាន់ថា ប្រធានមន្ទីរអភិវឌ្ឍន៍ជនបទខេត្តស្ទឹងត្រែង បានដឹកនាំលោកអនុប្រធានមន្ទីរ និងមន្ត្រីបច្ចេកទេសរបស់មន្ទីរ ចូលរួមអមដំណើរ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង ចុះពិនិត្យការងារស្ថាបនាផ្លូវចំនួន០១ខ្សែ ប្រវែងសរុប ១៥,៧៥៥ គីឡូម៉ែត្រ ជាប្រភេទផ្លូវក្រាលកៅស៊ូពីរជាន់ (DBST) និងផ្លូវបេតុង រួមទាំងសំណង់សិល្បការ្យមួយចំនួន ស្ថិតនៅឃុំកោះសំពាយ ឃុំស្រែក្រសាំង និងឃុំអូរម្រះ ស្រុកសៀមបូក ក្រោមគម្រោងគាំទ្រនិរន្តរភាពហេដ្ឋរចនាសម្ព័ន្ធជនបទដើម្បីទីផ្សារកសិករ និងពាណិជ្ជូបនីយកម្មកសិកម្ម ហៅកាត់ថា (SAAMBAT) នៃក្រសួងអភិវឌ្ឍន៍ជនបទ បច្ចុប្បន្នសម្រេចបានលទ្ធផលប្រមាណ ៥៥ %។