លោក និន ស៊ីណាត ដឹកនាំមន្ត្រីបច្ចេកទេសផ្លូវជនបទ  ចុះត្រួតពិនិត្យវឌ្ឍនភាពការស្ថាបនាផ្លូវចំនួន៣ខ្សែ នៅខេត្តពោធិ៍សាត់

ខេត្តពោធិ៍សាត់ ៖​ នាថ្ងៃសុក្រ ១១រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៤ ខែមករា ឆ្នាំ២០២៥ លោក និន ស៊ីណាត អនុប្រធានមន្ទីរ ដឹកនាំមន្ត្រីបច្ចេកទេសផ្លូវជនបទ  ចុះត្រួតពិនិត្យវឌ្ឍនភាពការងារផ្លូវ(ប្រេីប្រាស់ថវិកាជំពូក២១)​ ចំនួន ៣ខ្សែដូចខាងក្រោម៖

ខ្សែទី១​ ៖​ការងារស្តារឡើងវិញផ្លូវក្រាលដីល្បាយក្រួសចំនួន ០១ខ្សែ ប្រវែង ៨,៩គីឡូម៉ែត្រ ទទឹង ៥ម៉ែត្រ និងសាងសង់លូប្រអប់ចំនួន ០២កន្លែង និងលូមូលចំនួន ០២កន្លែង ស្ថិតនៅភូមិរហាលទិល-សំសាន ឃុំតាលោស្រុកតាលោសែនជ័យ  សម្រេចបាន១០០%។

ខ្សែទី២​ ៖​ ការងារសាងសង់ផ្លូវល្បាយក្រួស១ខ្សែ ប្រវែង ៧ គីឡូម៉ែត្រ (ផ្សារអណ្តែត-ស្រះម្កាក់) ស្ថិតក្នុងឃុំអូរតាប៉ោង ស្រុកបាកាន សម្រេចបាន ២០% ។

ខ្សែទី៣​ ៖​ ការងារសាងសង់ផ្លូវកៅស៊ូ ១ខ្សែ ប្រវែង ២, ២៦គីឡូម៉ែត្រ ទទឹង៦ម៉ែត្រ ផ្លូវត្បែងជ្រុំ-រ៉ាទទឹងថ្ងៃ ស្ថិតក្នុងឃុំត្នោតជុំ ស្រុកក្រគរ សម្រេចបាន ៣០% ។

ចំពោះផ្លូវទាំង ៣ខ្សែខាងលើនេះគ្រោងនឹងបញ្ចប់តាមការគ្រោងទុកផងដែរ។