លោកស្រី នួន មុនីចិន្ដា ប្រធាននាយកដ្ឋានអភិវឌ្ឍន៍ជនជាតិភាគតិច នៃក្រសួងអភិវឌ្ឍន៍ជនបទ បានដឹកនាំក្រុមការងារបច្ចេកទេសនាយកដ្ឋាន ចុះមករៀបចំកិច្ចប្រជុំ ស្ដីពីការផ្សព្វផ្សាយគោលនយោបាយជាតិស្តីពីការអភិវឌ្ឍជនជាតិដើមភាគតិច នីតិវិធី និងទម្រង់ឯកសារនានា ដល់សហគមន៍ជនជាតិដើមភាគតិច ជង នៅភូមិជំនាប់ ឃុំនាប់ និងភូមិប្រឡាយ ឃុំប្រឡាយ ស្រុកថ្មបាំង ខេត្តកោះកុង

នាព្រឹកថ្ងៃសុក្រ ៦ រោច ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹង ថ្ងៃទី៩ ខែមិថុនា ឆ្នាំ២០២៣ លោកស្រី នួន មុនីចិន្ដា ប្រធាននាយកដ្ឋានអភិវឌ្ឍន៍ជនជាតិភាគតិច នៃក្រសួងអភិវឌ្ឍន៍ជនបទ បានដឹកនាំក្រុមការងារបច្ចេកទេសនាយកដ្ឋាន ចុះមករៀបចំកិច្ចប្រជុំ ស្ដីពីការ ផ្សព្វផ្សាយគោលនយោបាយជាតិស្តីពីការអភិវឌ្ឍជនជាតិដើមភាគតិច នីតិវិធី និងទម្រង់ឯកសារនានា ដល់សហគមន៍ជនជាតិដើមភាគតិច ជង នៅភូមិជំនាប់ ឃុំនាប់ និងភូមិប្រឡាយ ឃុំប្រឡាយ ស្រុកថ្មបាំង ខេត្តកោះកុង។

នារសៀលថ្ងៃដដែលនោះដែរ ក៏មានកិច្ចប្រជុំបូកសរុបលទ្ធផលការងារជាមួយតំណាងសាលាខេត្ត លោកអភិបាលរងស្រុក មន្ទីរពាក់ព័ន្ធ និងអាជ្ញាធរមូលដ្ឋាន ដោយកំណត់ក្នុងត្រីមាសទី៤ ឆ្នាំ២០២៣ ត្រូវសម្រេចឱ្យបានក្នុងការងារទទួលស្គាល់អត្តសញ្ញាណសហគមន៍ ជនជាតិដើមភាគតិចជងក្នុងភូមិប្រឡាយ និងបន្តសិក្សាបន្ថែមពីឆន្ទៈរបស់សហគមន៍ជនជាតិដើមភាគតិចក្នុងភូមិជំនាប់ ផងដែរ៕