លោក ព្រំ ចាន់ថា ចុះត្រួតពិនិត្យវឌ្ឍនភាពការងារជួសជុលស្ពានឈើមួយកន្លែងនៅស្រុកបុរីអូរស្វាយសែនជ័យ

ខេត្តស្ទឹងត្រែង៖នារសៀលថ្ងៃចន្ទ ២រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២ ខែធ្នូ ឆ្នាំ២០២៤ លោក ព្រំ ចាន់ថា ប្រធានមន្ទីរអភិវឌ្ឍន៍ជនបទខេត្តស្ទឹងត្រែង អមដំណើរ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង ចុះត្រួតពិនិត្យវឌ្ឍនភាពការងាររបស់មន្ទីរអភិវឌ្ឍន៍ជនបទខេត្តស្ទឹងត្រែង ក្នុងការជួសជុលស្ពានឈើមួយកន្លែងឡើងវិញមានបណ្តោយប្រវែង55ម៉ែត្រ និងទទឹង3.5ម៉ែត្រ នៅឃុំអូស្វាយ ស្រុកបុរីអូរស្វាយសែនជ័យ។

គួររំលឹកផងដែរថា ស្ពាននេះត្រូវបានបាក់ស្រុតកាលពីថ្ងៃទី១៣ ខែកក្កដា ឆ្នា២០២៤ ដោយជំនន់ទឹកភ្លៀង ពេលនេះគឺបានជួសជុលរួចរាល់ ១០០% ហើយ ។