![ឯកឧត្តម ម៉ា សុវណ្ណា បានដឹកនាំកិច្ចប្រជុំក្រុមលេខាធិការដ្ឋានរៀបចំគោល នយោបាយជាតិអភិវឌ្ឍន៍ជនបទឆ្នាំ២០២៥-២០៣៨ 9 photo 2024 07 25 18 10 55 2](https://www.mrd.gov.kh/wp-content/uploads/2024/07/photo_2024-07-25_18-10-55-2-150x150.jpg)
ឯកឧត្តមបណ្ឌិត ជ្រុន ថេរ៉ាវ៉ា អញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅអនុវត្តបន្តខែមីនា នៃកម្មវិធីអាទិភាពទី១ ក្រសួងអភិវឌ្ឍន៍ជនបទ
- ថ្ងៃទី២០ ខែកុម្ភៈ ឆ្នាំ២០២៤ ម៉ោង ២:០០ ល្ងាច
- សកម្មភាពក្រសួង
![ឯកឧត្តមបណ្ឌិត ជ្រុន ថេរ៉ាវ៉ា អញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅអនុវត្តបន្តខែមីនា នៃកម្មវិធីអាទិភាពទី១ ក្រសួងអភិវឌ្ឍន៍ជនបទ 2 photo 2024 02 19 14 53 37](https://www.mrd.gov.kh/wp-content/uploads/2024/02/photo_2024-02-19_14-53-37-1000x566.jpg)
រាជធានីភ្នំពេញ៖ នៅព្រឹកថ្ងៃចន្ទ ១០កើត ខែមាឃ ឆ្នាំថោះ បញ្ចស័ក ព.ស.២០៦៧ ត្រូវនឹងថ្ងៃទី១៩ ខែកុម្ភៈ ឆ្នាំ២០២៤ នៅទីស្ដីការក្រសួង ឯកឧត្តមបណ្ឌិត ជ្រុន ថេរ៉ាវ៉ាត រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅអនុវត្តបន្តខែមីនា នៃកម្មវិធីអាទិភាពទី១ ក្រសួងអភិវឌ្ឍន៍ជនបទ ដោយមានការចូលរួមពី ឯកឧត្តមរដ្ឋលេខាធិការ, ឯកឧត្តមអនុរដ្ឋលេខាធិការ, ឯកឧត្តមអគ្គនាយក, អគ្គនាយករង, ឯកឧត្តមប្រធាននាយកដ្ឋាន, ព្រមទាំងថ្នាក់ដឹកនាំ និងមន្រ្តីជំនាញជាច្រើនរូប។
កិច្ចប្រជុំបានប្រព្រឹត្តទៅយ៉ាងផុលផុស ដោយមានការពិនិត្យ និងកែសម្រួលសេចក្តីព្រាងរបាយការណ៍បូកសរុបលទ្ធផលការងាររបស់កម្មវិធីទី១ ជាពិសេសពិនិត្យលើបញ្ហាដែលមិនទាន់ដោះស្រាយបាន។ ដើម្បីឱ្យការអនុវត្តការងារមានប្រសិទ្ធភាពខ្ពស់ ឯកឧត្តមបណ្ឌិតរដ្ឋលេខាធិការ បានមានផ្ដាំផ្ញើដល់គ្រប់ភាគីដែលមានភារកិច្ចពាក់ព័ន្ធត្រូវកិច្ចសហការគ្នា មានសាមគ្គីភាព និងឯកភាពផ្ទៃជាមួយគ្នាឱ្យបានល្អ។ ក្នុងនោះក៏ត្រូវរៀបចំសិក្ខាសាលានានា ក្នុងគោលបំណងពង្រឹងចំណេះដឹង និងជំនាញបច្ចេកទេស ដល់មន្រ្តីពាក់ព័ន្ធ ឱ្យអនុវត្តការងារតាមបទដ្ឋានបច្ចេកទេស ដើម្បីធានាបាននូវ គុណភាព សោភ័ណភាព សុវត្ថិភាព និងភាពធន់ អាចប្រើប្រាស់បានយូរ និងគ្រប់រដូវកាល ស្របតាមអនុសាសន៍ដ៏ខ្ពង់ខ្ពស់របស់សម្តេចធិបតីនាយករដ្ឋមន្ដ្រី និងឯកឧត្តមរដ្ឋមន្រ្តី គឺ ពង្រឹង ៧០ % និង ពង្រីក ៣០%៕