ក្រុមការងារការិយាល័យសង្គម និងបរិស្ថាន នៃនាយកដ្ឋានផ្លូវលំជនបទ ចុះផ្សព្វផ្សាយ សកម្មភាពអប់រំ និងការបំប៉នសមត្ថភាពបន្ថែមផ្នែកសុវត្ថិភាពចរាចរណ៍ផ្លូវគោក

ខេត្តស្វាយរៀង៖ ក្រុមការងារការិយាល័យសង្គម និងបរិស្ថាន នៃនាយកដ្ឋានផ្លូវលំជនបទ ក្រសួងអភិវឌ្ឍន៍ជនបទ បានសហការជាមួយមន្រ្តីគម្រោងខេត្តស្វាយរៀង   និងមានការចូលរួមពីមន្ដ្រីប៉ុស្តិ៍នគរបាលរដ្ឋបាលឃុំសំយ៉ោង និងឃុំបន្ទាយក្រាំង ស្រុកកំពង់រោទិ៍ ចុះផ្សព្វផ្សាយ សកម្មភាពអប់រំ និងការបំប៉នសមត្ថភាពបន្ថែមផ្នែកសុវត្ថិភាពចរាចរណ៍ផ្លូវគោក (Road safety refresh training) ដល់លោកគ្រូ អ្នកគ្រូ និងសិស្សានុសិស្ស ដែលនៅតាមបណ្តោយខ្សែផ្លូវកំពុងសាងសង់របស់គម្រោងកែលម្អផ្លូវជនបទជំហានទី៣ (RRIP-3) ។

ការចុះផ្សព្វផ្សាយនេះមានរយៈពេល ០៥ថ្ងៃ គឺចាប់ពីថ្ងៃចន្ទ ទី២២ ដល់ថ្ងៃសុក្រ ទី២៦ ខែមករា ឆ្នាំ២០២៤ នៅតាមសាលារៀនចំនួន ០៥សាលា ស្ថិតនៅតាមបណ្តោយខ្សែផ្លូវស្ថាបនាថ្មី (SVR8) ក្នុងខេត្តស្វាយរៀង ដែលមានអ្នកចូលរួមសរុបចំនួន   ៥៦១ នាក់ ស្រ្តី ២៣៣ នាក់៕