ក្រុមស្នូលនៃក្រុមប្រើប្រាស់ទឹក និងអនាម័យនៅតាមស្រះសហគមន៍ ទាំង៩កន្លែង ត្រូវបានបង្កើតឡើងដោយ ក្រុមការងារការិយាល័យផ្គត់ផ្គង់ទឹកជនបទ នៃមន្ទីរអភិវឌ្ឍន៍ជនបទ ខេត្តត្បូងឃ្មុ

ខេត្តត្បូងឃ្មុំ៖ នៅថ្ងៃព្រហស្បតិ៍ ១២កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦ ខែតុលា ឆ្នាំ២០២៣ លោក ស សេន អនុប្រធានមន្ទីរអភិវឌ្ឍន៍ជនបទខេត្ត និងក្រុមការងារការិយាល័យផ្គត់ផ្គង់ទឹកជនបទ បានរួមសហការជាមួយក្រុមការងារបច្ចេកទេសនៃគម្រោងពង្រឹងសមត្ថភាពផលិតភាពជនបទ(PMU) បានចុះបង្កើត និងជ្រើសរើសក្រុមស្នូលនៃក្រុមប្រើប្រាស់ទឹក និងអនាម័យនៅតាមស្រះសហគមន៍នីមួយៗនៃគម្រោងពង្រឹងសមត្ថភាពផលិតភាពជនបទ ដែលមានសមាភាពមកពីអាជ្ញាធរមូលដ្ឋានថ្នាក់ភូមិ ឃុំ និងស្រុកនៅមូលដ្ឋានដែលមានស្រះសហគមន៍ ចំនួន ៩កន្លែង។

គោលបំណងនៃការបង្កើតក្រុមស្នូលនេះដើម្បីផ្សព្វផ្សាយការងារទឹកស្អាត និងអនាម័យដល់ប្រជាពលរដ្ឋអ្នកទទួលផលពីស្រះសហគមន៍នីមួយៗ ដើម្បីគ្រប់គ្រង ការពារ ថែទាំ និងប្រើប្រាស់ស្រះសហគមន៍ប្រកបដោយនិរន្ដន៍ភាព។

ជាលទ្ធផលក្រុមការងារបច្ចេកទេសទឹកស្អាត និងអនាម័យសសម្រេចបង្កើតក្រុមស្នូលនៃក្រុមប្រើប្រាស់ទឹក និងអនាម័យទៅតាមទីតាំងទាំង ០៩ កន្លែងដែលរួមមាន:
១.ភូមិក្របីក្រៀក ឃុំឈូក ស្រុកក្រូចឆ្មារ ចំនួន ០១កន្លែង ទំហំស្រះ ១០០ម៉ែត្រ គុណនឹង ១០០ម៉ែត្រ មានប្រជាពលរដ្ឋចូលរួមចំនួន ៤០នាក់ ស្រី ២៦នាក់។
២.ភូមិថ្មដាប់ ឃុំរំចេក ស្រុកមេមត់ ចំនួន ០១កន្លែង ទំហំស្រះ ៩៥ម៉ែត្រ គុណនឹង ១៥៥ម៉ែត្រ មានប្រជាពលរដ្ឋចូលរួមចំនួន ៤០នាក់ ស្រី ១៣នាក់។
៣.ភូមិខ្ជាយ ឃុំតំបែរ ស្រុកតំបែរ ចំនួន ០១កន្លែង ទំហំ ៧០ម៉ែត្រ គុណនឹង ១៥០ម៉ែត្រ មានប្រជាពលរដ្ឋចូលរួមចំនួន ១៥នាក់ ស្រី ០១នាក់។
៤.ភូមិគោកចារ ឃុំគោកស្រុក ស្រុកតំបែរ ចំនួន ០១កន្លែង ទំហំ ៥៥ម៉ែត្រ គុណនឹង ៨០ម៉ែត្រ មានប្រជាពលរដ្ឋចូលរួមចំនួន ៤១នាក់ ស្រី ២២នាក់។
៥.ភូមិតារាម ឃុំចុងជាច ស្រុកតំបែរ ចំនួន ០១កន្លែង ទំហំ ៥០ម៉ែត្រ គុណនឹង ៦០ម៉ែត្រ មានប្រជាពលរដ្ឋចូលរួមចំនួន ២១នាក់ ស្រី ០៧នាក់។
៦.ភូមិត្រពាំងព្រីង ឃុំត្រពាំងព្រីង ស្រុកតំបែរ ចំនួន ០១កន្លែង ទំហំ ៨៩ម៉ែត្រ គុណនឹង ៩៥ម៉ែត្រ មានប្រជាពលរដ្ឋចូលរួមចំនួន ២៤នាក់ ស្រី ០៩នាក់។
៧.ភូមិព្រៃអង្គរក្នុង ឃុំដូនតី ស្រុកពញាក្រែក ចំនួន ០១កន្លែង ទំហំ ៨៥ម៉ែត្រ គុណនឹង ៨៥ម៉ែត្រ មានប្រជាពលរដ្ឋចូលរួមចំនួន ២៩នាក់ ស្រី ១៨នាក់។
៨.ភូមិអញ្ចើម ឃុំអញ្ចើម ស្រុកត្បូងឃ្មុំ ចំនួន ០១កន្លែង ទំហំ ៩៥ម៉ែត្រ គុណនឹង ១០០ម៉ែត្រ មានប្រជាពលរដ្ឋចូលរួមចំនួន ១៥នាក់ ស្រី ០៤នាក់។
៩.ភូមិនាហ្មឺនខឹង ឃុំអញ្ចើម ស្រុកត្បូងឃ្មុំ ចំនួន ០១កន្លែង ទំហំ ១០០ម៉ែត្រ គុណនឹង ១០០ម៉ែត្រ មានប្រជាពលរដ្ឋចូលរួមចំនួន ១២នាក់ ស្រី ០១នាក់។
ចំពោះបងប្អូនប្រជាពលរដ្ឋដែលរស់នៅតាមមូលដ្ឋានដែលមានស្រះទឹកសហគមន៍ទាំង ០៩កន្លែងនេះ និងមានទឹកស្អាតប្រើប្រាស់បានប្រសើរដោយមិនខ្លចខ្វះខាតទឹកដូចមុនឡើយ។