The post អបអរសាទរ​ ខួបទី៣៣ ទិវាសេរីភាពសារព័ត៌មានពិភពលោក appeared first on ក្រសួងអភិវឌ្ឍន៍ជនបទ.

The post ពិធីបុណ្យវិសាខបូជា appeared first on ក្រសួងអភិវឌ្ឍន៍ជនបទ.

The post អបអរសាទរ ខួបអនុស្សាវរីយ៍ លើកទី ១៤០ នៃទិវាពលកម្មអន្តរជាតិ ១ ឧសភា ក្រោមប្រធានបទ “រួមគ្នាកសាងភាពធន់ ដើម្បីការងារសមរម្យ” appeared first on ក្រសួងអភិវឌ្ឍន៍ជនបទ.

[English Below] រាជធានីភ្នំពេញ៖ នារសៀលថ្ងៃពុធ ១៣កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៩ ខែមេសា ឆ្នាំ២០២៦ ឯកឧត្ដម ឆាយ ឫទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ និងជាអនុប្រធានអចិន្ត្រៃយ៍គណៈកម្មាធិការសម្បទានដីសង្គមកិច្ចថ្នាក់ជាតិ បានអញ្ជើញចូលរួមក្នុងកិច្ចប្រជុំគណៈកម្មាធិការសម្បទានដីសង្គមកិច្ចថ្នាក់ជាតិ ក្រោមអធិបតីភាពដ៏ខ្ពង់ខ្ពស់ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានគណៈកម្មាធិការសម្បទានដីសង្គមកិច្ចថ្នាក់ជាតិ ។ កិច្ចប្រជុំមានការអញ្ជើញចូលរួមពីសំណាក់ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ តំណាងក្រសួង ស្ថាប័នពាក់ព័ន្ធ អភិបាលខេត្ត ក្រុង និងអាជ្ញាធរជំនាញពាក់ព័ន្ធ ដែលជាសមាសភាពនៃគណៈកម្មាធិការសម្បទានដីសង្គមកិច្ចថ្នាក់ជាតិ។

កិច្ចប្រជុំត្រូវបានរៀបចំឡើងនៅទីស្ដីការក្រសួងរៀបចំដែនដី នគរូបនីយកម្ម និងសំណង់ ក្នុងគោលបំណងពិភាក្សាលើលទ្ធភាពក្នុងការដោះស្រាយចំពោះការរៀបចំទីតាំង និងលំនៅឋាននៅតាមបណ្តាខេត្តនានា សម្រាប់ផ្តល់ជូនសមាជិកសមាគមអតីតយុទ្ធជននិងនិវត្តន៍ជនកម្ពុជា គ្រួសារកងទ័ព និងគ្រួសារនគរបាលជាតិ ដែលជួបការលំបាក និងគ្មានលំនៅឋានស្នាក់នៅ ដើម្បីប្រកបមុខរបបចិញ្ចឹមជីវិត និងបង្កើនជីវភាពរស់នៅឱ្យកាន់តែល្អប្រសើរ។

ក្នុងឱកាសនៃកិច្ចប្រជុំនោះ ឯកឧត្តម ឆាយ ឫទ្ធិសែន បានគាំទ្រយ៉ាងពេញទំហឹងចំពោះគំនិតផ្តួចផ្តើមរបស់ ឯកឧត្តមឧបនាយករដ្ឋមន្ដ្រី និងបានឯកភាពចំពោះការចូលរួមយោបល់នានារបស់អង្គប្រជុំ ក្នុងការជ្រើសរើសទីតាំងសម្បទានដីសង្គមកិច្ចដែលសមស្រប ដើម្បីផ្ដល់ជូនដល់សមាជិកសមាគមអតីតយុទ្ធជននិងនិវត្តន៍ជនកម្ពុជា គ្រួសារកងទ័ព និងគ្រួសារនគរបាលជាតិ។ ជាមួយគ្នានោះ ឯកឧត្តមរដ្ឋមន្ត្រី ក៏បានប្តេជ្ញាក្នុងការសហការជាមួយក្រសួង ស្ថាប័នពាក់ព័ន្ធ ដើម្បីបន្ដចូលរួមអភិវឌ្ឍទីតាំងសម្បទានដីសង្គមកិច្ចគ្រប់ប្រភេទឱ្យមានការរីកចម្រើន ស្របតាមបរិបទនៃការរីកចម្រើននៃសង្គមនិងសេដ្ឋកិច្ចនាពេលបច្ចុប្បន្ន និងស្របតាមអនុសាសន៍ណែនាំដ៏ខ្ពង់ខ្ពស់របស់ថ្នាក់ដឹកនាំកំពូលនៃព្រះរាជាណាចក្រកម្ពុជា។

ជាចុងក្រោយ ឯកឧត្តមឧបនាយករដ្ឋមន្ដ្រី សាយ សំអាល់ បានផ្ដល់អនុសាសន៍ដល់ក្រសួង ស្ថាប័ន និងអង្គភាពពាក់ព័ន្ធ ក្នុងនោះក៏មានក្រសួងអភិវឌ្ឍន៍ជនបទផងដែរ ឱ្យចូលរួមសហការគ្នាបន្ដពិភាក្សា និងពិនិត្យទីតាំងជាក់ស្ដែង សមស្រប ដើម្បីផ្ដល់ជូននូវដំណោះស្រាយដែលល្អប្រសើរជូនដល់សមាជិកសមាគមអតីតយុទ្ធជននិងនិវត្តន៍ជនកម្ពុជា គ្រួសារកងទ័ព និងគ្រួសារនគរបាលជាតិ ឱ្យមានប្រសិទ្ធភាព៕

Phnom Penh: On Wednesday afternoon, April 29, 2026, H.E. Chhay Rithisen, Minister of Rural Development and Permanent Vice-Chair of the National Social Land Concession Committee, joined the Committee’s meeting chaired by H.E. Say Sam Al, Deputy Prime Minister, Minister of Land Management, Urban Planning and Construction, and Chair of the National Committee. The session brought together Secretaries and Undersecretaries of State, representatives of relevant ministries and institutions, provincial and municipal governors, and competent authorities who serve on the Committee.

The meeting, held at the Ministry of Land Management, Urban Planning and Construction, focused on practical options to arrange sites and housing in various provinces for members of the Cambodian Veterans and Retirees Association, as well as families of the armed forces and the National Police who face hardship and lack stable housing, so they can build livelihoods and improve their living conditions.

During the discussion, H.E. Chhay Rithisen fully supported the Deputy Prime Minister’s initiative and agreed with inputs from participants regarding the selection of appropriate locations for social land concessions to benefit the target groups above. He also pledged to collaborate closely with concerned ministries and institutions to further develop all types of social land concession sites, in line with current socio‑economic contexts and in accordance with the high guidance of the Kingdom’s top leadership.

In closing, Deputy Prime Minister Say Sam Al instructed the relevant ministries, institutions, and units including the Ministry of Rural Development to continue joint consultations and conduct on‑site inspections of suitable locations, with a view to delivering effective and practical solutions for members of the Veterans and Retirees Association, and families of the armed forces and National Police.

The post ឯកឧត្ដម ឆាយ ឫទ្ធិសែន អញ្ជើញចូលរួមក្នុងកិច្ចប្រជុំគណៈកម្មាធិការសម្បទានដីសង្គមកិច្ចថ្នាក់ជាតិ appeared first on ក្រសួងអភិវឌ្ឍន៍ជនបទ.

[English Below] រាជធានីភ្នំពេញ៖ នារសៀលថ្ងៃអង្គារ ១២កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៨ ខែមេសា ឆ្នាំ២០២៦ នៅទីស្ដីការក្រសួង ឯកឧត្ដម ឆាយ ឫទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំពិនិត្យរបាយការណ៍លទ្ធផលការងារប្រចាំខែមេសា ឆ្នាំ២០២៦ និងលើកទិសដៅការងារបន្ដ របស់ក្រសួងអភិវឌ្ឍន៍ជនបទ ដោយមានការអញ្ជេីញចូលរួមពីសំណាក់ ឯកឧត្តមរដ្ឋលេខាធិការប្រចាំការ ឯកឧត្តម លោកជំទាវ ថ្នាក់ដឹកនាំ និងមន្ដ្រីបច្ចេកទេសនៃក្រសួងអភិវឌ្ឍន៍ជនបទ។

តាមរយៈសេចក្ដីព្រាងរបាយការណ៍ដែលអានដោយ លោក ទូច ស៊ីផាត អគ្គនាយកស្ដីទីនៃអគ្គនាយកដ្ឋានរដ្ឋបាល និងហិរញ្ញវត្ថុ បានបង្ហាញថា ថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃក្រសួងអភិវឌ្ឍន៍ជនបទ បានយកចិត្តទុកដាក់អនុវត្តការងារយ៉ាងសកម្ម ទៅតាមផែនការសកម្មភាព និងប្រតិទិនការងារដែលបានកំណត់ និងតាមតម្រូវការការងារចាំបាច់នានាក្នុងក្របខ័ណ្ឌតួនាទី និងភារកិច្ចរបស់ក្រសួង ដែលសម្រេចវឌ្ឍនភាពការងារគួរជាទីមោទនៈ ដើម្បីចូលរួមធ្វើឱ្យសម្រេចនូវចក្ខុវិស័យនៃគោលនយោបាយជាតិស្ដីពីការអភិវឌ្ឍជនបទឆ្នាំ២០២៥-២០៣៥ គឺ “កសាងតំបន់ជនបទកម្ពុជាឱ្យមានវិបុលភាព ប្រកបដោយបរិយាបន្ន សមធម៌ និងចីរភាព”។

អង្គប្រជុំបានពិនិត្យយ៉ាងល្អិតល្អន់លើសេចក្ដីព្រាងរបាយការណ៍ដែលបានរៀបចំ និងបានផ្ដល់ធាតុចូលបន្ថែមមួយចំនួនទៀត ដែលធ្វើឱ្យរបាយការណ៍មានភាពគ្រប់ជ្រុយជ្រោយ។  ក្នុងឱកាសនោះផងដែរ ឯកឧត្តមរដ្ឋមន្ដ្រី បានថ្លែងអំណរគុណចំពោះថ្នាក់ដឹកនាំ និងមន្ដ្រីរាជការគ្រប់លំដាប់ថ្នាក់ ដែលបានយកចិត្តទុកដាក់អនុវត្តតួនាទី និងភារកិច្ចរបស់ខ្លួនយ៉ាងសកម្ម ប្រកបដោយការទទួលខុសត្រូវ រហូតធ្វើឱ្យសម្រេចបានសមិទ្ធផលស្របតាមផែនការដែលបានកំណត់។ ជាមួយគ្នានោះដែរ ឯកឧត្តមរដ្ឋមន្ដ្រី ក៏បានថ្លែងការកោតសរសើរ និងវាយតម្លៃខ្ពស់ចំពោះសមិទ្ធផលដែលក្រសួងសម្រេចបានជាបន្ដបន្ទាប់ ដែលជាការរួមចំណែកធ្វើឱ្យសម្រេចនូវយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលអាណត្តិទី៧ នៃរដ្ឋសភា ក្រោមការបន្ដវេនដឹកនាំប្រកបដោយគតិបណ្ឌិត និងថាមវន្តរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕

Phnom Penh: On Tuesday afternoon, April 28, 2026, at the Ministry headquarters, H.E. Chhay Rithisen, Minister of Rural Development, chaired a meeting to review the Ministry’s April 2026 performance report and to set directions for continued work. The session was attended by the Permanent Secretary of State, ministry leaders, and technical officials of the Ministry of Rural Development.

According to the draft report read by Mr. Touch Siphat, Acting Director General of the General Department of Administration and Finance, MRD leadership and civil servants at all levels have proactively implemented tasks in line with established action plans and work calendars, as well as urgent operational needs within the Ministry’s roles and responsibilities. This has made good progress toward the National Policy on Rural Development 2025–2035: “Build Cambodia’s rural areas to be prosperous, with inclusiveness, equity, and sustainability.”

The meeting reviewed the draft report and added additional inputs to make it more comprehensive. On this occasion, the Minister thanked the leadership and civil servants at all levels for their active, responsible work and for achieving results in line with the plans. He further praised and highly valued the Ministry’s ongoing achievements, which contribute to the implementation of the Royal Government’s Pentagonal Strategy, Phase I of the 7th Legislature, under the principled and dynamic leadership of Samdech Moha Bovor Thipadei Hun Manet, Prime Minister of the Kingdom of Cambodia.

The post ឯកឧត្ដម ឆាយ ឫទ្ធិសែន អញ្ជើញដឹកនាំកិច្ចប្រជុំពិនិត្យរបាយការណ៍លទ្ធផលការងារប្រចាំខែមេសា ឆ្នាំ២០២៦ និងលើកទិសដៅការងារបន្ដ របស់ក្រសួងអភិវឌ្ឍន៍ជនបទ appeared first on ក្រសួងអភិវឌ្ឍន៍ជនបទ.

[English Below] រាជធានីភ្នំពេញ៖ នាថ្ងៃចន្ទ ១១កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៧ ខែមេសា ឆ្នាំ២០២៦ ក្រសួងអភិវឌ្ឍន៍ជនបទ បានរៀបចំសិក្ខាសាលាស្តីពី “ការប្រើប្រាស់បច្ចេកវិទ្យាថ្មីក្នុងវិស័យអភិវឌ្ឍន៍ហេដ្ឋារចនាសម្ព័ន្ធផ្លូវជនបទ” នៅភោជនីយដ្ឋានទន្លេបាសាក់២ ក្រោមអធិបតីភាពដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ ដោយមានវត្តមានអញ្ជើញចូលរួមពីសំណាក់ ឯកឧត្តមរដ្ឋលេខាធិការប្រចាំការ ឯកឧត្តម លោកជំទាវ ថ្នាក់ដឹកនាំក្រសួង តំណាងក្រសួងស្ថាប័នពាក់ព័ន្ធ មន្ទីរអភិវឌ្ឍន៍ជនបទខេត្ត តំណាងគម្រោងដៃគូអភិវឌ្ឍន៍ តំណាងក្រុមហ៊ុនឯកជន និងមន្ដ្រីបច្ចេកទេសនៃក្រសួងអភិវឌ្ឍន៍ជនបទ សរុបប្រមាណ ៣៤៧រូប។

អញ្ជើញថ្លែងសុន្ទរកថាក្នុងពិធីបើក ឯកឧត្តម ឆាយ ឫទ្ធិសែន បានគូសបញ្ជាក់ថា សិក្ខាសាលាដ៏មានសារៈសំខាន់នេះ ត្រូវបានរៀបចំឡើងក្នុងគោលបំណងដើម្បីផ្សព្វផ្សាយ និងបង្កើនចំណេះដឹងដល់មន្រ្តីបច្ចេកទេសក្រសួង មន្ត្រីបច្ចេកទេសតាមបណ្តាមន្ទីរអភិវឌ្ឍន៍ជនបទរាជធានី-ខេត្ត អ្នកទទួលការអនុវត្តគម្រោង លើការស្ថាបនាផ្លូវជនបទប្រកបដោយគុណភាព ជាពិសេសការសិក្សា ស្រាវជ្រាវ និងសាកល្បងប្រើប្រាស់នូវបច្ចេកវិទ្យាថ្មីៗ ដែលស្របទៅតាមនិន្នាការ និងបរិបទជាក់ស្តែង ដែលឆ្លើយតបទៅនឹងការថយចុះនូវវត្ថុធាតុដើម នាពេលបច្ចុប្បន្ន។ ជាមួយគ្នានោះសិក្ខាសាលានេះផងដែរ គឺជាការពង្រឹងសមត្ថភាពក្នុងការអនុវត្តកម្មវិធីអាទិភាពទី១ របស់ក្រសួង ដែលផ្តោតសំខាន់លើការលើកកម្រិតគុណភាព និងការថែទាំផ្លូវជនបទឱ្យមាននិរន្តរភាពដើម្បីតភ្ជាប់ និងធ្វើឱ្យមានសមាហរណកម្មវិស័យសេដ្ឋកិច្ច សង្គមកិច្ច វប្បធម៌ រវាងតំបន់ជនបទ ទីប្រជុំជន ទៅកាន់ទីក្រុង ព្រមទាំងអាចផ្សាភ្ជាប់សកម្មភាពធុរកិច្ចផ្សេងៗឱ្យមានភាពរស់រវើក និងកាន់តែសកម្មឡើងបន្ថែមទៀត ដែលជាមូលដ្ឋានគ្រឹះនៃការបង្កើនប្រាក់ចំណូលរបស់គ្រួសារនៅក្នុងតំបន់ជនបទស្របនឹងពាក្យស្លោក “មានផ្លូវ មានសង្ឃឹម” ព្រមទាំងរួមចំណែកយ៉ាងសំខាន់ក្នុងការជំរុញប្រសិទ្ធភាពនៃវិស័យភស្តុភារកម្មផងដែរ។

សិក្ខាសាលាបានដំណើរការដោយផ្ដោតលើការធ្វើបទបង្ហាញនូវប្រធានបទសំខាន់ៗ ចំនួន ៩ រួមមាន៖ ទី១៖ ផលិតផល Beton Block and Pave, ទី២៖ Fiberglass rebar, ទី៣៖ សំណង់ស្ពាន (Bridge Construction), ទី៤៖ ផលិតផលបេតុងចាក់ស្រាប់ (Precast Concrete Products), ទី៥៖ ផលិតផលកៅស៊ូក្រាលថ្នល់, ទី៦៖ កៅស៊ូបេតុងត្រជាក់ (Cold Mix Asphalt), ទី៧៖ បច្ចេកទេសការពង្រឹងគុណភាពដី ទី៨៖ ដំណោះស្រាយសំណង់សម្រាប់ស្ពានសាងសង់ថ្មីនិងការជួសជុល និងទី៩៖ ការអភិវឌ្ឍហេដ្ឋារចនាសម្ព័ន្ធរូបវន្តនិងគមនាគមន៍ជនបទ។ បន្ទាប់ពីសិក្ខាសាលាបានដំណើរការតាមរបៀបវារៈដែលបានគ្រោងទុករយៈពេល១ថ្ងៃពេញ ឯកឧត្តម ជ្រាយ ប៉ុម អគ្គនាយកនៃអគ្គនាយកដ្ឋានបច្ចេកទេសក្រសួងអភិវឌ្ឍន៍ជនបទ បានអញ្ជើញធ្វើរបាយការណ៍បូកសរុបលទ្ធផលសិក្ខាសាលាដោយបានបញ្ជាក់ជូនថា សិក្ខាសាលាបានដំណើរទៅដោយរលូន និងទទួលបានជោគជ័យ ដែលមានការចូលរួមយោបល់ និងការពិភាក្សា ក៏ដូចជារំលែកបទពិសោធន៍ល្អៗ ដែលជាធាតុចូលបន្ថែមទៀតដល់អង្គសិក្ខាសាលា។

អញ្ជើញមានប្រសាសន៍ក្នុងពិធីបិទសិក្ខាសាលា ឯកឧត្តម ឆាយ ឫទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានសម្តែងការកោតសរសើរ និងថ្លែងអំណរគុណចំពោះតំណាងក្រុមហ៊ុនទាំងអស់ដែលបានធ្វើបទបង្ហាញទាក់ទងនឹងបច្ចេកវិទ្យាថ្មីៗ ជូនដល់អង្គសិក្ខាសាលាទាំងមូល។  បន្ថែមពីនេះទៀត ឯកឧត្ដមរដ្ឋមន្ដ្រី ក៏បានថ្លែងការកោតសរសើរ និងវាយតម្លៃខ្ពស់ចំពោះថ្នាក់ដឹកនាំ មន្រ្តីបច្ចេកទេស ដៃគូអភិវឌ្ឍន៍ អ្នកទទួលការ និងគ្រប់ភាគីពាក់ព័ន្ធទាំងអស់ ដែលចូលរួមក្នុងអង្គសិក្ខាលាសារយៈពេល១ ថ្ងៃពេញនាពេលមនេះ។ ហើយតាមរយៈបទបង្ហាញទាំង៩ ខាងលើ ឯកឧត្តមរដ្ឋមន្ត្រី សង្ឃឹមយ៉ាងមុតមាំថា មន្រ្តីបច្ចេកទេស ដៃគូអភិវឌ្ឍន៍ អ្នកទទួលការ និងគ្រប់ភាគីពាក់ព័ន្ធទាំងអស់ នឹងយកបច្ចេកទេស និងបទពិសោធន៍ដែលទទួលបានពីសិក្ខាសាលានាពេលនេះ ទៅប្រើប្រាស់ក្នុងការងារអភិវឌ្ឍហេដ្ឋារចនាសម្ព័ន្ធ និងគមនាគមន៍ជនបទឱ្យកាន់តែល្អប្រសើរ ប្រកបដោយការទទួលខុសត្រូវ និងវិជ្ជាជីវៈខ្ពស់ ដែលអាចផ្ដល់លទ្ធផលប្រកបដោយមោទនៈ សម្រាប់បម្រើដល់សេចក្តីត្រូវការរបស់ប្រជាពលរដ្ឋនៅតំបន់ជនបទ។

ជាចុងក្រោយ  ឯកឧត្តមរដ្ឋមន្ត្រី បានអញ្ជើញផ្ដល់កិត្តិយសចែកលិខិតថ្លែងអំណរគុណជូនដល់តំណាងក្រុមហ៊ុនដែលបានធ្វើបទបង្ហាញជូនដល់អង្គសិក្ខាសាលា៕

Phnom Penh: On Monday, April 27, 2026, the Ministry of Rural Development (MRD) convened a workshop on “Applying New Technologies in Rural Road Infrastructure Development” at Tonle Bassac 2 Restaurant, under the high presidency of H.E. Chhay Rithisen, Minister of Rural Development. Approximately 347 participants attended, including the Permanent Secretary of State, ministry leaders, representatives of relevant ministries and institutions, provincial MRD departments, development partners and project teams, private companies, and MRD technical officials.

In the opening address, the Minister emphasized that this important workshop aims to disseminate and strengthen technical knowledge among ministry and provincial officials and project implementers to deliver higher‑quality rural roads. He highlighted the need for research, field testing, and adoption of new technologies aligned with real‑world conditions and current constraints on raw materials. The workshop also supports MRD Priority Program 1, which focuses on upgrading the quality and maintenance of rural roads for durability and sustainability, enhancing connectivity and integration of economic, social, and cultural activities between rural areas, towns, and cities. This, in turn, stimulates business vitality, raises rural household incomes in line with the motto “Where there is a road, there is hope,” and contributes to greater logistics efficiency. He invited active discussion and practical inputs to further improve program implementation.

The one‑day workshop featured nine technical presentations:

1) Beton Block and Pave products

2) Fiberglass rebar

3) Bridge construction

4) Precast concrete products

5) Asphalt rubber pavement products

6) Cold mix asphalt

7) Ground improvement techniques

8) Engineering solutions for new bridge construction and rehabilitation

9) Development of rural physical infrastructure and communications

Following the planned program, H.E. Chreay Pom, Director General of MRD’s General Department of Technical Affairs, delivered the wrap‑up report, noting smooth proceedings, strong participation, constructive discussions, and valuable experience‑sharing.

In the closing remarks, the Minister expressed appreciation to all presenting companies for sharing new technologies, and he highly commended the leadership, technical officials, development partners, beneficiaries, and all stakeholders for their full‑day engagement. He expressed firm hope that officials, partners, and practitioners will apply the technologies and lessons from the workshop to further strengthen rural infrastructure and communications with professionalism and accountability, delivering tangible results for rural communities. Finally, the Minister presented certificates of appreciation to the company representatives who delivered presentations.

The post ក្រសួងអភិវឌ្ឍន៍ជនបទ រៀបចំសិក្ខាសាលាស្តីពី “ការប្រើប្រាស់បច្ចេកវិទ្យាថ្មីក្នុងវិស័យអភិវឌ្ឍន៍ហេដ្ឋារចនាសម្ព័ន្ធផ្លូវជនបទ” appeared first on ក្រសួងអភិវឌ្ឍន៍ជនបទ.

[English Below] រាជធានីភ្នំពេញ៖ នាព្រឹកថ្ងៃអាទិត្យ ១០កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៦ ខែមេសា ឆ្នាំ២០២៦ ឯកឧត្ដម ឆាយ ឫទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញជាកិត្តិយសក្នុងពិធីសំណេះសំណាលជាមួយថ្នាក់ដឹកនាំសហជីព សមាគមសេដ្ឋកិច្ច ក្រៅប្រព័ន្ធ និងសមាគមបុគ្គលិកសិក្សាជាង ៥ពាន់នាក់ ដើម្បីអបអរសាទរខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ១ ឧសភា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ។

គួរជម្រាបជូនផងដែរថា ទិវាពលកម្មអន្ដរជាតិ ១ឧសភា គឺជាព្រឹត្តិការណ៍ប្រវត្តិសាស្ត្ររបស់កម្មករ និយោជិត នៅទូទាំងពិភពលោក ហើយត្រូវបានរាជរដ្ឋាភិបាលកម្ពុជា ប្រារព្ធឡើងជារៀងរាល់ឆ្នាំ ចាប់តាំងពីក្រោយថ្ងៃរំដោះ ៧ មករា ឆ្នាំ១៩៧៩ មក។ ដោយឡែកសម្រាប់ឆ្នាំ២០២៦នេះ រាជរដ្ឋាភិបាលបានប្រារព្ធទិវានេះក្រោមប្រធានបទ “រួមគ្នាកសាងភាពធន់ដើម្បីការងារសមរម្យ” ដែលជាសក្ខីភាពនៃការប្តេជ្ញាចិត្តរបស់រាជរដ្ឋាភិបាល ក្នុងការលើកកម្ពស់ការអភិវឌ្ឍទីផ្សារការងារប្រកបដោយភាពធន់ និងចីរភាព ដោយឈរលើគោលការកែលម្អលក្ខខណ្ឌការងារ, ការធានាសិទ្ធិការងារនិងសេរីភាពអង្គការវិជ្ជាជីវៈ, ការពង្រឹងប្រព័ន្ធគាំពារសង្គម និងការលើកកម្ពស់កិច្ចសន្ទនាសង្គម ក្នុងគោលដៅបម្រើឧត្តមប្រយោជន៍របស់កម្មករនិយោជិតទាំងក្នុង និងក្រៅប្រព័ន្ធ៕

Phnom Penh: On Sunday morning, April 26, 2026, H.E. Chhay Rithisen, Minister of Rural Development, attended by special invitation a dialogue with leaders of trade unions, informal‑economy associations, and student associations, with more than 5,000 participants. The event celebrated the 140th anniversary of International Workers’ Day, 1 May 2026, under the high presidency of Samdech Moha Borvor Thipadei Hun Manet, Prime Minister of the Kingdom of Cambodia, at the Koh Pich Convention and Exhibition Center in Phnom Penh.

It is noted that International Workers’ Day (May 1) is a historic event for workers and employees worldwide and has been officially commemorated annually by the Royal Government of Cambodia since after the liberation on January 7, 1979. For 2026, the Royal Government is marking the day under the theme “United in Building Resilience for Decent Work,” reflecting its commitment to fostering a resilient and sustainable labor market. The focus includes improving working conditions, guaranteeing labor rights and freedom of professional organization, strengthening social protection systems, and promoting social dialogue, in order to serve the best interests of workers and employees in both the formal and informal sectors.

The post ឯកឧត្ដម ឆាយ ឫទ្ធិសែន អញ្ជើញជាកិត្តិយសក្នុងពិធីសំណេះសំណាលជាមួយថ្នាក់ដឹកនាំសហជីព សមាគមសេដ្ឋកិច្ច ក្រៅប្រព័ន្ធ និងសមាគមបុគ្គលិកសិក្សាជាង ៥ពាន់នាក់ ដើម្បីអបអរសាទរខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ appeared first on ក្រសួងអភិវឌ្ឍន៍ជនបទ.

[English Below] រាជធានីភ្នំពេញ៖ នារសៀលថ្ងៃសុក្រ ៨កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៤ ខែមេសា ឆ្នាំ២០២៦ នៅទីស្ដីការក្រសួង ឯកឧត្ដម ឆាយ ឫទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំពិភាក្សាការងាររបស់ក្រសួងអភិវឌ្ឍន៍ជនបទ ដោយមានការអញ្ជើញចូលរួមពីសំណាក់ ឯកឧត្ដម រដ្ឋលេខាធិការ អនុរដ្ឋលេខាធិការ ថ្នាក់ដឹកនាំ និងមន្ដ្រីបច្ចេកទេសនៃអង្គភាពពាក់ព័ន្ធនៃក្រសួងអភិវឌ្ឍន៍ជនបទ។ កិច្ចប្រជុំបានប្រព្រឹត្តទៅដោយមានការពិនិត្យ ពិភាក្សា និងឆ្លងរបៀបវារៈសំខាន់ៗចំនួន ៨ ដូចខាងក្រោម៖

១. ការរៀបចំកិច្ចប្រជុំក្រុមការងារត្រី-វិស័យ កសិកម្ម ទឹក អភិវឌ្ឍន៍ជនបទ

២. ការរៀបចំរបាយការណ៍ស្តីពីការអភិវឌ្ឍភូមិគំរូ គោរពជូនសម្តេចមហាបវរធិបតី នាយករដ្ឋមន្ត្រីនៃព្រះរាជាណាចក្រកម្ពុជា

៣. ការពិភាក្សាលម្អិតលើការជ្រើសរើសភូមិគំរូថ្មីសម្រាប់ឆ្នាំ២០២៦

៤. ការរៀបចំសិក្ខាសាលាស្តីពី ការប្រើប្រាស់បច្ចេកវិទ្យាថ្មី ក្នុងវិស័យអភិវឌ្ឍន៍ហេដ្ឋារចនាសម្ព័ន្ធផ្លូវជនបទ

៥. ការរៀបចំកិច្ចប្រជុំគណៈកម្មាធិការសម្បទានដីសង្គមកិច្ចថ្នាក់ជាតិ

៦. ការរៀបចំរបាយការណ៍​ ស្តីពីការប្រគល់ប្រព័ន្ធចែកចាយទឹកតាមទុយោសហគមន៍ ជូនក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍

៧.ការរៀបចំរបាយការណ៍ស្ដីពីការប៉ះពាល់នៃការកើនឡើងនៃតម្លៃប្រេងឥន្ធនៈលើការងារអភិវឌ្ឍន៍ហេដ្ឋារចនាសម្ព័ន្ធផ្លូវជនបទ ជូនក្រសួងសេដ្ឋកិច្ច និងហិរញ្ញវត្ថុ

៨. ការរៀបចំសិក្ខាសាលា ស្ដីពីការបញ្ចប់ការបន្ទោបង់ពាសវាលពាសកាល (ODF) នៅទូទាំងប្រទេស

បន្ទាប់ពីកិច្ចពិភាក្សាយ៉ាងល្អិតល្អន់តាមរបៀបវារៈដែលបានគ្រោងទុករួចមក ឯកឧត្តមរដ្ឋមន្ដ្រី បានថ្លែងការកោតសរសើរ និងវាយតម្លៃខ្ពស់ ព្រមទាំងថ្លែងអំណរគុណចំពោះថ្នាក់ដឹកនាំ និងមន្ត្រីបច្ចេកទេសទាំងអស់ដែលបានផ្ដល់ធាតុចូលដ៏មានសារៈសំខាន់ជាច្រើន ដែលជាការធានាដល់ដំណើរការនៃកម្មវិធីក្នុងរបៀបវារៈនីមួយៗមានប្រសិទ្ធភាព និងទទួលជោគជ័យ៕

Phnom Penh: On Friday afternoon, April 24, at the Ministry’s headquarters, H.E. Chhay Rithisen, Minister of Rural Development, chaired a working meeting with the participation of Secretaries and Under Secretaries of State, ministry leadership, and technical officials from relevant departments. The meeting examined and discussed eight priority agenda items:

1.Preparations for the Tri Sector Working Group meeting on Agriculture, Water, and Rural Development.

2.Preparation of a report on Model Village Development to be submitted to Samdech Moha Borvor Thipadei, the Prime Minister of Cambodia.

3.Detailed discussion on selecting new Model Villages for 2026.

4.Organization of a workshop on applying new technologies to rural road infrastructure development.

5.Arrangements for the National Level Social Land Concessions Committee meeting.

6.Preparation of a report on the handover of community pipe water distribution systems to the Ministry of Industry, Science, Technology, and Innovation.

7.Preparation of a report to the Ministry of Economy and Finance on the impact of rising fuel prices on rural road infrastructure development.

8.Organization of a nationwide workshop on achieving Open Defecation Free (ODF) status.

Following in depth discussions on each agenda item, the Minister commended and highly valued the leadership and technical teams for their significant and substantive inputs, which will help ensure effective and successful implementation across all program areas.

The post ឯកឧត្ដម ឆាយ ឫទ្ធិសែន អញ្ជើញដឹកនាំកិច្ចប្រជុំពិភាក្សា និងឆ្លងរបៀបវារៈសំខាន់ៗចំនួន ៨ appeared first on ក្រសួងអភិវឌ្ឍន៍ជនបទ.

[English Below] រាជធានីភ្នំពេញ៖ នាព្រឹកថ្ងៃសុក្រ ៨កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៤ ខែមេសា ឆ្នាំ២០២៦ ឯកឧត្ដម ឆាយ ឫទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញជាកិត្តិយសក្នុងព្រះរាជពិធីបុណ្យចម្រើនព្រះជន្មវស្សាថ្វាយ សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត នន្ទ ង៉ែត សម្តេចព្រះមហាសង្ឃរាជនៃព្រះរាជាណាចក្រកម្ពុជា និងជាសម្តេចព្រះចៅអធិការវត្តបទុមវតីរាជវរារាម ក្នុងព្រះជន្មគម្រប់ ១០២ព្រះវស្សា ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត នៅមហាកុដិ វត្តបទុមវតីរាជវរារាម ខណ្ឌដូនពេញ រាជធានីភ្នំពេញ ។

ក្នុងវរោកាសនៃការប្រារព្ធព្រះរាជពិធីបុណ្យចម្រើនព្រះជន្មវស្សានោះ ក៏មានការប្រារព្ធពិធីមហាសង្ឃទានបច្ច័យបួន ដោយមានការវេរទិឃាយុវឌ្ឍនភត្តប្រគេនព្រះសង្ឃ ចំនួន ៥០០អង្គ ដើម្បីជាការឆ្លើយតបចំពោះគុណូបការៈរបស់សម្តេចជាអម្ចាស់ ក្នុងមួយព្រះជន្ម ទ្រង់បានបូជាអស់ពីកម្លាំងព្រះកាយពល ក្នុងបុព្វហេតុជាតិ សាសនា និងព្រះមហាក្សត្រ។

សូមជម្រាបជូនផងដែរថា សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត នន្ទ ង៉ែត ទ្រង់ប្រសូតនៅថ្ងៃសុក្រ ៦រោច ខែចេត្រ ឆ្នាំជូត ឆស័ក ព.ស.២៤៦៧ ត្រូវនឹងថ្ងៃទី២៥ ខែមេសា ឆ្នាំ១៩២៤ នៅភូមិត្រពាំងវែង ឃុំលំចង់ ស្រុកសំរោង ខេត្តតាកែវ ក្នុងត្រកូលកសិករ។ ទ្រង់បានចាប់ផ្ដើមចូលសិក្សាអក្សរសាស្ត្រខ្មែរតាំងពីទ្រង់មានព្រះជន្ម ១១ឆ្នាំ និងបានបួសជាសាមណេរក្នុងព្រះជន្ម ១៩ឆ្នាំ នៅសាលាវត្តពោធិ៍ ឃុំពោធិ៍អង្ក្រង ស្រុកគងពិសី ខេត្តកំពង់ស្ពឺ ដោយមាន ព្រះតេជព្រះគុណ ព្រំ មាស (ឥន្ទត្ថេរ) ព្រះគ្រូសូធ្យឆ្វេងវត្តពោធិ៍ ជាព្រះឧបជ្ឈាយ៍ដើម។

Phnom Penh: On the morning of Friday, April 24, 2026, H.E. Chhay Rithisen, Minister of Rural Development, had the honor to attend the Royal Birthday Celebration offering blessings to Samdech Preah Akka Maha Sanghareacheathipadei Nun Nget, Supreme Patriarch of the Kingdom of Cambodia and Chief of Botum Vatey Reachavararam Pagoda, on the completion of his 102nd. The ceremony was presided over by Samdech Moha Borvor Thipadei Hun Manet, Prime Minister of the Kingdom of Cambodia, and H.E. Dr. Pich Chanmony Hun Manet, at the Great Kuti of Botum Vatey Reachavararam Pagoda, Daun Penh District, Phnom Penh.

On this auspicious occasion, a grand offering of the Four Requisites was made, with long-life blessings chanted by 500 monks in gratitude for the Supreme Patriarch’s lifetime of tireless service to Nation, Religion, and King.

Background: Samdech Preah Akka Maha Sanghareacheathipadei, Nun Nget, was born on Friday, April 25, 1924 in Trapeang Veng Village, Lumchang Commune, Samraong District, Takeo Province, to a farming family. He began studying Khmer literature at age 11 and was ordained as a novice monk at age 19 at Po Pagoda, Pouk Angkrang Commune, Kong Pisei District, Kampong Speu Province, with Venerable Prom Meas, the left-side teacher of Po Pagoda, as his preceptor.

The post ឯកឧត្ដម ឆាយ ឫទ្ធិសែន អញ្ជើញជាកិត្តិយសក្នុងព្រះរាជពិធីបុណ្យចម្រើនព្រះជន្មវស្សាថ្វាយ សម្តេចព្រះអគ្គមហា សង្ឃរាជាធិបតី កិត្តិឧទ្ទេសបណ្ឌិត នន្ទ ង៉ែត ក្នុងព្រះជន្មគម្រប់ ១០២ព្រះវស្សា appeared first on ក្រសួងអភិវឌ្ឍន៍ជនបទ.

[English Below] រាជធានីភ្នំពេញ៖ នាព្រឹកថ្ងៃព្រហស្បតិ៍ ៧កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៣ ខែមេសា ឆ្នាំ២០២៦ ឯកឧត្ដម ឆាយ ឫទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញចូលរួមក្នុងកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅទីស្ដីការគណៈរដ្ឋមន្ដ្រី។

កិច្ចប្រជុំបានពិភាក្សា និងឆ្លងលើរបៀបវារៈសំខាន់ៗចំនួន ៦ រួមមាន៖ ទី១.សេចក្តីព្រាងច្បាប់ស្តីពីកាតព្វកិច្ចយោធា, ទី២.សេចក្តីព្រាងច្បាប់ស្តីពីវិសោធនកម្មច្បាប់ស្តីពីផ្លូវថ្នល់, ទី៣.សេចក្តីព្រាងក្របខ័ណ្ឌហិរញ្ញវត្ថុសាធារណៈរយៈពេលមធ្យម ឆ្នាំ២០២៧-២០២៩, ទី៤.សេចក្តីព្រាងកម្មវិធីវិនិយោគសាធារណៈ ៣ឆ្នាំរំកិល ២០២៧-២០២៩, ទី៥.សេចក្តីព្រាងគោលនយោបាយជាតិស្តីពីសកម្មភាពមីន ឆ្នាំ២០២៦-២០៣៥ និងទី៦.របាយការណ៍វឌ្ឍនភាពស្តីពីការអនុវត្តវិធានការអន្តរាគមន៍ជួយអតីតពលករដែលវិលត្រឡប់ពីប្រទេសថៃ៕

Phnom Penh: On Thursday morning, April 23, 2026, H.E. Chhay Rithisen, Minister of Rural Development, attended the plenary session of the Council of Ministers, presided over by Samdech Moha Borvor Thipadei Hun Manet, Prime Minister of the Kingdom of Cambodia, at the Office of the Council of Ministers.

The meeting discussed and deliberated on six key agenda items: (1) Draft Law on Military Obligations, (2) Draft Law on the Amendment of the Law on Roads, (3) Draft Medium-Term Fiscal Framework 2027–2029, (4) Draft Rolling 3 Year Public Investment Program (PIP) 2027–2029, (5) Draft National Policy on Mine Action 2026–2035; and (6) Progress report on the implementation of intervention measures to assist former migrant workers returning from Thailand.

The post ឯកឧត្ដម ឆាយ ឫទ្ធិសែន អញ្ជើញចូលរួមក្នុងកិច្ចប្រជុំពេញអង្គគណៈរដ្ឋមន្ត្រី appeared first on ក្រសួងអភិវឌ្ឍន៍ជនបទ.