ឯកឧត្តម អ៊ឹង វណ្ណា និងមន្រ្តីបច្ចេកទេសនៃមន្ទីរអភិវឌ្ឍន៏ជនបទខេត្តកំពត នាំយកគ្រឿងចក្រ ចុះធ្វើការឈូសឆាយ កែលម្អ ផ្លូវមួយខ្សែ ប្រវែង ២ ២៣០ ម៉ែត្រ នៅឃុំត្រពាំងរាំង ស្រុកជុំគិរី ខេត្តកំពត

ខេត្តកំពត៖ នៅថ្ងៃព្រហស្បតិ៍ ១១កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៣ ខែវិច្ឆិកា ឆ្នាំ២០២៣ ឯកឧត្តម អ៊ឹង វណ្ណា អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ អមដំណើរដោយមន្រ្តីបច្ចេកទេសនៃមន្ទីរអភិវឌ្ឍន៏ជនបទខេត្តកំពត និងមានការចូលរួមពី លោកអភិបាលរង នៃគណៈអភិបាលស្រុកជុំគិរី ព្រមទាំងអាជ្ញាធរឃុំ និងភូមិក្នុងមូលដ្ឋាន បាននាំយកគ្រឿងចក្រមួយចំនួន ចុះធ្វើការឈូសឆាយ ចាក់ដីបន្ថែមពង្រីកតួផ្លូវ និងកិនបង្ហាប់ ដើម្បីកែលម្អបន្ទាន់ផ្លូវមួយខ្សែ ប្រវែង ២ ២៣០ ម៉ែត្រ ស្ថិតនៅភូមិរវៀង ឃុំត្រពាំងរាំង ស្រុកជុំគិរី ដែលទទួលរងការខូចខាតដោយសារជំនន់ទឹកភ្លៀងនាពេលកន្លងមក។

ក្នុងឱកាសនោះ អាជ្ញាធរមូលក្នុងដ្ឋាន ជាពិសេសបងប្អូនប្រជាពលរដ្ឋ បានសម្ដែងនូវសេចក្តីរីករាយក្រៃលែង និងបានអរគុណជូនចំពោះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដី និង ឯកឧត្តម ឆាយ ប្ញទ្ធិសែន រដ្ឋមន្រ្តីក្រសួងអភិវឌ្ឍន៏ជនបទ ដែលជានិច្ចកាល តែងតែគិតគូរ និងយកចិត្តទុកដាក់លើសុខទុក្ខរបស់បងប្អូនប្រជាពលរដ្ឋនៅមូលដ្ឋាន ដោយបានចាត់តាំងថ្នាក់ដឹកនាំក្រសួង និងមន្ទីរក្រោមឱវាទ ចុះពិនិត្យ និងដោះស្រាយបញ្ហាចំពោះមុខបានឆាប់រហ័ស ដែលការណ៍នេះគឺជាការឆ្លើយតបទៅតម្រូវការរបស់បងប្អូនប្រជាពលរដ្ឋក្នុងការធ្វើដំណើរទៅទទួលយកសេវាសាធារណៈផ្សេងៗនៅក្នុងមូលដ្ឋាន ជាពិសេសការដឹកជញ្ជូនកសិផលកសិកម្មទៅកាន់ទីផ្សារនៅរដូវប្រមូលផលនាពេលខាងមុខនេះ៕

Share your thoughts