[English Below] ខេត្តតាកែវ៖ នាព្រឹកថ្ងៃសៅរ៍ ៩រោច ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី ១១ ខែមេសា ឆ្នាំ២០២៦ ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានអញ្ជើញជាកិត្តិយសក្នុងពិធីបើក ការដ្ឋានគម្រោងគ្រប់គ្រងធនធានទឹកចម្រុះហ្វូណនតេជោ កំណាត់ទី២ ប្រវែង ១៥១,៦គីឡូម៉ែត្រ (ព្រែកពោធិ៍ ខេត្តកណ្តាល – សមុទ្រ ខេត្តកែប) ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលពិធីយ៉ាងមហោឡារឹកនៈត្រូវបានប្រារព្ធឡើងនៅក្នុងទឹកដីនៃខេត្តតាកែវ ដោយមានការអញ្ជើញចូលរួមពីសំណាក់មន្ត្រីជាន់ខ្ពស់របស់រាជរដ្ឋាភិបាលកម្ពុជា ថ្នាក់ដឹកនាំ ក្រុម ហ៊ុនសាងសង់ទាំងកម្ពុជា និងចិន និងប្រជាពលរដ្ឋនៅក្នុងខេត្តតាកែវយ៉ាងច្រើនអធិកអធម។

គួរជម្រាបជូនដែរថា គម្រោងគ្រប់គ្រងធនធានទឹកចម្រុះហ្វូណនតេជោ គឺជាគម្រោងប្រវត្តិសាស្ត្រលើកទី១ ក្នុងវិស័យដឹកជញ្ជូនផ្លូវទឹករបស់ប្រទេសកម្ពុជា ដើម្បីតភ្ជាប់ប្រព័ន្ធទន្លេមេគង្គ និងផ្លូវសមុទ្រ លើប្រវែងសរុប ១៧២,៦ គ.ម. ដោយត្រូវបានបែងចែកជា ២កំណាត់។ ក្នុងនោះកំណាត់ទី១ មានប្រវែង ២១គ.ម. និងកំណាត់ទី២ មានប្រវែង ១៥១,៦គ.ម.។ តម្រាយផ្លូវទឹកនេះ នឹងត្រូវកសាងស្ទើរទាំងស្រុង លើតម្រាយខ្សែផ្លូវទឹកធម្មជាតិ និងផ្លូវទឹកបុរាណដែលបានបន្សល់ទុកស្រាប់ ហើយធ្លាប់បានប្រើប្រាស់តាំងពីអាណាចក្រហ្វូណនមកម៉្លេះ។

សូមរម្លឹកជូនផងដែរថា កាលពីថ្ងៃទី២៣ ខែឧសភា ឆ្នាំ២០២៤ សម្តេចមហាបវរធិបតីនាយករដ្ឋមន្ត្រី បានបង្កើត និងដឹកនាំគណៈកម្មាធិការពិសេសដើម្បីជំរុញការរៀបចំនិងការអនុវត្តគម្រោងគ្រប់គ្រងធនធានទឹកចម្រុះហ្វូណនតេជោ។ ជាមួយគ្នានេះដែរ រាជរដ្ឋាភិបាល ក៏បានបង្កើតអនុគណៈកម្មាធិការចំនួន ៤ផ្សេងទៀត ដើម្បីជំរុញការអនុវត្តការងារចាំបាច់នានា តាមផែនការសកម្មភាពដែលបានសម្រេច ក្នុងនោះសម្តេចមហាបវរធិបតីនាយករដ្ឋមន្ត្រី បានអញ្ជើញជាអធិបតីក្នុងពិធីប្រកាសជាផ្លូវការ ”គម្រោងគ្រប់គ្រងធនធានទឹកចម្រុះហ្វូណនតេជោ” ជាគម្រោងប្រវត្តិសាស្រ្ត សម្រាប់ផលប្រយោជន៍ជាតិ និងប្រជាជនកម្ពុជានៅថ្ងៃទី៥ ខែសីហា ឆ្នាំ២០២៤។ ចាប់តាំងពីថ្ងៃប្រកាសបើកជាផ្លូវការជាងមួយឆ្នាំមក គម្រោងត្រូវបានអនុវត្តជាបន្តបន្ទាប់ ទៅតាមផែនការនៃគម្រោងរហូតឈានដល់ការបើកការដ្ឋានធសាងសង់នៅដំណាក់កាល ទី ២ ដែលជាដំណាក់កាលដ៏សំខាន់នៃគម្រោង៕

Takeo Province: On Saturday, April 11, 2026, His Excellency Chhay Rithisen, Minister of Rural Development, attended as an honorary guest at the groundbreaking ceremony of the The Funan Techo Canal (FTC) Integrated Water Resources Management Project, Section 2, with a length of 151.6 km (from Preak Poath, Kandal Province to the sea, Kep Province). The ceremony was held under the high presidency of Samdech Moha Borvor Thipadei Hun Manet, Prime Minister of the Kingdom of Cambodia. The grand event took place in Takeo Province, with the participation of senior officials of the Royal Government of Cambodia, leaders, construction companies from both Cambodia and China, and a large gathering of citizens from Takeo Province.

It is worth noting that the Funan Techo Combined Water Resources Management Project is the first historic project in Cambodia’s waterway transport sector, aiming to connect the Mekong River system with the sea over a total length of 172.6 km, divided into two sections. Section 1 is 21 km long, and Section 2 is 151.6 km long. This waterway route will be constructed almost entirely along existing natural waterway alignments and ancient waterways that have been used since the Funan Empire.

It should also be recalled that on May 23, 2024, Samdech Moha Borvor Thipadei Prime Minister established and chaired a special committee to accelerate the preparation and implementation of The Funan Techo Canal (FTC) Integrated Water Resources Management Project. At the same time, the Royal Government also established four other sub-committees to drive the implementation of necessary tasks according to the agreed action plan. On August 5, 2024, Samdech Prime Minister presided over the official launch ceremony of the ” The Funan Techo Canal (FTC) Integrated Water Resources Management Project” as a historic project for the national interest and the people of Cambodia. Over a year since its official announcement, the project has been continuously implemented according to plan, leading to the groundbreaking for construction of Section 2, a crucial phase of the project.

The post ឯកឧត្តម ឆាយ ឫទ្ធិសែន បានអញ្ជើញជាកិត្តិយសក្នុងពិធីបើក ការដ្ឋានគម្រោងគ្រប់គ្រងធនធានទឹកចម្រុះហ្វូណនតេជោ កំណាត់ទី២ ប្រវែង ១៥៧,៨ គីឡូម៉ែត្រ appeared first on ក្រសួងអភិវឌ្ឍន៍ជនបទ.

យោងតាមរបាយការណ៍របស់លោកប្រធានសហគមន៍សំបូរមានជ័យ បានបង្ហាញឱ្យឃើញថាសហគមន៍មានសមាជិកសរុបចំនួន ២ ២៧៣នាក់ មកពីឃុំចំនួន ១០ឃុំ ក្នុងស្រុកស្ទឹងត្រង់ និងស្រុកចំការលើ ។ សហគមន៍នេះ មានផ្ទៃដីចំការរួម ១៣ហិកតា សម្រាប់ដាំបន្លែ/បន្លែផ្ទះសំណាញ់ មានសមត្ថភាពផលិត ៥០០០ តោន/ឆ្នាំ, មានក្រុមសន្សំ និងក្រុមឥណទាន, និងមានឃ្លាំងស្តុកសម្រាប់ប្រមូលនិងផ្គត់ផ្គង់ស្រូវ បន្លែ ផ្លែឈើ និងស្មៅចំណីសត្វ។ លើសពីនេះទៀត សហគមន៍ក៏មានផលិតលក់ប្រេងស្លឹកគ្រៃ ផលិតជីធម្មជាតិ ជីលាមកសត្វ ជីកំប៉ុស្ដិ៍សម្រាប់លក់ឱ្យសមាជិកសហគមន៍។

ក្នុងឱកាសនោះផងដែរ ឯកឧត្តមរដ្ឋមន្ដ្រី និងគណៈប្រតិភូ បានអញ្ជើញជួបសំណេះសំណាលជាមួយប្រជាពលរដ្ឋដែលជាសមាជិកសហគមន៍ ដោយបានពាំនាំនូវប្រសាសន៍ផ្ដាំផ្ញើសុខទុក្ខ ប្រកបដោយក្ដីនឹករលឹក និងពរសព្ទសាធុការពីសំណាក់ថ្នាក់ដឹកនាំជាន់ខ្ពស់នៃរាជរដ្ឋាភិបាល ជូនដល់បងប្អូនប្រជាពលរដ្ឋក្នុងសហគមន៍។ ឯកឧត្តមរដ្ឋមន្ដ្រី បានជម្រាបជូនអំពីការយកចិត្តទុកដាក់របស់រាជរដ្ឋាភិបាលក្នុងការអភិវឌ្ឍនៅតំបន់ជនបទ ដោយបច្ចុប្បន្នក្រសួងចំនួន ៣ រួមមាន ក្រសួងកសិកម្ម រុក្ខាប្រមាញ់ និងនេសាទ ក្រសួងធនធានទឹក និងឧតុនិយម និងក្រសួងអភិវឌ្ឍន៍ជនបទ បាននិងកំពុងសហការគ្នាជាសហថាមពល ដែលហៅកាត់ថាក្រុមការងារ “ត្រី-វិស័យ” ធ្វើការជំរុញនិងអភិវឌ្ឍសហគមន៍នៅតំបន់ជនបទឱ្យមានការរីកចម្រើនកាន់តែឆាប់រហ័ស។ ឯកឧត្តមរដ្ឋមន្ដ្រី បានបន្ដជម្រាបជូនអំពីតួនាទី និងភារកិច្ចរបស់ក្រសួងអភិវឌ្ឍន៍ជនបទ ក្នុងការជំរុញការអភិវឌ្ឍ តាមរយៈការលើកកម្រិតគុណភាពផ្លូវឱ្យមានភាពធន់នឹងអាកាសធាតុ, លើកកម្ពស់សុខភាព អនាម័យ និងបរិស្ថានរស់នៅរបស់សហគមន៍ជនបទ, ការអភិវឌ្ឍសហគមន៍និងចលនាភូមិគំរូ, ព្រមទាំងការបណ្ដុះបណ្ដាលជំនាញមូលដ្ឋាន និងបំណិនជីវិតដើម្បីឱ្យប្រជាពលរដ្ឋមានមុខរបរនិងរកប្រាក់ចំណូលបន្ថែម ក្នុងគោលដៅធ្វើឱ្យសង្គមជនបទកម្ពុជាឱ្យមានវិបុលភាពប្រកបដោយបរិយាបន្ន សមធម៌ និងចីរភាព។ ឯកឧត្តមរដ្ឋមន្ដ្រី ក៏បានគូសបញ្ជាក់អំពីកិច្ចខិតខំប្រឹងប្រែងរបស់រាជរដ្ឋាភិបាលក្នុងនីតិកាលកន្លងមកក្រោមការដឹកនាំដ៏ប៉ិនប្រសប់របស់ សម្ដេចអគ្គមហាសេនាបតីតេជោ ហ៊ុន សែន អតីនាយករដ្ឋមន្ដ្រី និងក្នុងនីតិកាលទី៧ នៃរដ្ឋសភា ក្រោមការដឹកនាំប្រកបដោយគតិបណ្ឌិតរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា ក្នុងការកសាង និងអភិវឌ្ឍប្រទេសជាតិឱ្យកាន់តែរីកចម្រើនជាលំដាប់ ឈានទៅសម្រេចចក្ខុវិស័យកម្ពុជាជាប្រទេសមានប្រាក់ចំណូលខ្ពស់នៅឆ្នាំ២០៥០ ។ ជាមួយគ្នានោះដែរ ឯកឧត្តមរដ្ឋមន្ដ្រី បានផ្ដាំផ្ញើដល់បងប្អូនប្រជាពលរដ្ឋទាំងអស់ចូលរួមថែរក្សា ការពារនូវសមិទ្ធផលនានានៅក្នុងមូលដ្ឋានដែលរាជរដ្ឋាភិបាលបានកសាងឱ្យបានល្អប្រសើរ ដែលអាចបម្រើផលប្រយោជន៍បានយូរអង្វែង។

ជាចុងក្រោយ ឯកឧត្តមរដ្ឋមន្ដ្រី បាននាំយកអំណោយ និងថវិកាដ៏ថ្លៃថ្លារបស់សម្ដេចមហាបវរធិបតី ហ៊ុន ម៉ាណែត និង លោកជំទាវបណ្ឌិត ជូនដល់ក្រុបងប្អូនប្រជាពលរដ្ឋក្នុងសហគមន៍សម្រាប់គាំទ្រដល់ប្រតិបត្តិការរបស់សហគមន៍ផងដែរ៕

H.E. Chhay Rithisen and Delegation from the Ministry of Rural Development Inspect Development Progress at Sambo Meanchey Agriculture Cooperative in Kampong Cham Province

Kampong Cham Province: On Wednesday morning , 1 April 2026, H.E. Chhay Rithisen, Minister of Rural Development, together with senior leadership, technical officials of the Ministry, and the Kampong Cham Provincial Department of Rural Development, paid a field visit to inspect progress on various development activities in the Sambo Meanchey Agriculture Cooperative, located in Sambo Village, Sopheap Commune, Steung Trang District, Kampong Cham Province. The Ministry of Rural Development recently recognized this village as a model village for the 2025 project.

According to the report by the chief of the Sambo Meanchey Agriculture Cooperative, the Cooperative has a total of 2,273 members from 10 communes across Steung Trang and Chamkar Leu districts. The cooperative collectively manages 13 hectares of farmland for vegetable cultivation and net-house gardening, with a production capacity of 5,000 tons per year. It also operates savings and credit groups, and maintains storage facilities to collect and supply rice, vegetables, fruits, and animal fodder. In addition, the cooperative produces and sells citronella leaf oil, and manufactures organic fertilizers, animal manure fertilizer, and compost for sale to community members.

On this occasion, the Minister and delegation also met with cooperative members, conveying warm greetings, care, and commendations from the senior leadership of the Royal Government to the community. The Minister outlined the Government’s attention to rural development, noting that three ministries, the Ministry of Agriculture, Forestry and Fisheries, the Ministry of Water Resources and Meteorology, and the Ministry of Rural Development, are collaborating as a joint “Tri-Sector” working group to accelerate the growth of rural communities.

The Minister further explained the roles and responsibilities of the Ministry of Rural Development in promoting development by Upgrading road quality to be more climate-resilient, Improving health, sanitation, and living environments in rural communities, Advancing community development and the Model Village movement, Providing basic skills training and life-skills to enable citizens to secure livelihoods and earn additional income all with the aim of building rural society to be prosperous with the inclusiveness, equity, and sustainability.

He also emphasized the Royal Government’s sustained efforts during past legislatures under the capable leadership of Samdech Akka Moha Sena Padei Techo Hun Sen, former Prime Minister, and in the 7th Legislature under the wised leadership of Samdech Moha Bovor Thipadei Hun Manet, Prime Minister of the Kingdom of Cambodia, to continuously build and develop the nation toward realizing the vision of Cambodia becoming a high-income country by 2050. The Minister appealed to all citizens to help maintain and safeguard the achievements established by the Government at the grassroots level so they can serve the public interest for the long term.

Finally, the Minister delivered gifts and funding graciously provided by Samdech Moha Bovor Thipadei Hun Manet and the First Lady, to support the community’s operations.

The post ឯកឧត្តម ឆាយ ឫទ្ធិសែន និងគណៈប្រតិភូក្រសួងអភិវឌ្ឍន៍ជនបទ អញ្ជើញទៅពិនិត្យវឌ្ឍនភាព នៃការអភិវឌ្ឍនានានៅសហគមន៍សំបូរមានជ័យ ក្នុងខេត្តកំពង់ចាម appeared first on ក្រសួងអភិវឌ្ឍន៍ជនបទ.

ជាកិច្ចចាប់ផ្ដើម លោក ទិត្យ សុផា អគ្គាធិការរង និងជានាយកកម្មវិធី បានបញ្ជាក់ថាកម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទប្រកបដោយនិរន្តរភាព មានថវិកាកម្មវិធីសរុបចំនួន ៩៥,១៤លាន ដុល្លារអាមេរិក ក្នុងនោះថវិកាបដិភាគរបស់រាជរដ្ឋាភិបាលចំនួន ២,១៤ លានដុល្លារអាមេរិក និង ហិរញ្ញប្បទានសប្បទានពីធនាគាអភិវឌ្ឍន៍អាស៊ី (ADB) ចំនួន ៩៣លាន ដុល្លារអាមេរិក ក្នុងនោះក៏មានថវិកាជំនួយឥតសំណងរបស់មូលនិធិជប៉ុន សម្រាប់វិបុលភាព និងភាពធន់នៅអាស៊ី និងប៉ាស៊ីហ្វិក (JFPR) ចំនួន ៣លាន ដុល្លារអាមេរិក ដែលកម្មវិធីនេះ ត្រូវអនុវត្តរយៈពេល ៥ឆ្នាំ ចាប់ពីឆ្នាំ២០២៤ ដល់ ឆ្នាំ២០២៩ នៅក្នុងខេត្តគោលដៅចំនួន៩ រួមមាន៖ ខេត្តបាត់ដំបង ប៉ៃលិន បន្ទាយ មានជ័យ ឧត្តរមានជ័យ ព្រះវិហារ ស្ទឹងត្រែង ក្រចេះ កំពង់ស្ពឺ និងខេត្តកំពត មានភូមិគោលដៅសរុបចំនួន៤០០ភូមិ និង៥០ឃុំ។ បន្ទាប់មក ចំណាប់អារម្មណ៍របស់ លោក យ៉ា សំអុល មន្ត្រីគម្រោងជាន់ខ្ពស់ និងជាប្រធានក្រុមការងារធនាគារអភិវឌ្ឍន៍អាស៊ី (ADB) ទទួលបន្ទុកលើកម្មវិធីផ្គត់ផ្គង់ទឹកស្អាត និងអនាម័យប្រកបដោយ និរន្តរភាព និងសុន្ទរកថាស្វាគមន៍យ៉ាងកក់ក្ដីអំពីស្ថានភាពទូទៅ នៃសេដ្ឋកិច្ច សង្គម និងវប្បធម៌ នៅទូទាំងខេត្តស្ទឹងត្រែង ដោយ ឯកឧត្តម សរ សុពុត្រា អភិបាលនៃគណៈអភិបាលខេត្ត។បន្ទាប់ពីបានស្ដាប់របាយការណ៍ស្វាគមន៍ និងចំណាប់អារម្មណ៍រួចមក ឯកឧត្តម ឆាយ ឫទ្ធិសែន បានសម្តែងនូវការកោតសរសើរដ៏ស្មោះ និងវាយតម្លៃខ្ពស់ ចំពោះការរីកចម្រើន និងសមិទ្ធផលនានានាពេលកន្លងមកលើគ្រប់វិស័យ ទាំងផ្នែកសន្តិសុខ សណ្តាប់ធ្នាប់ សេដ្ឋកិច្ច សង្គមកិច្ច និងវប្បធម៌ ក្នុងនោះការផ្លាស់ប្តូរ កម្រិតជីវភាពរស់នៅរបស់ប្រជាពលរដ្ឋកាន់តែមានភាពប្រសើរឡើង ជាពិសេសការកែលម្អលក្ខខណ្ឌនៃការរស់នៅ តាមរយៈការលើកកម្ពស់ការផ្តល់សេវាទឹកស្អាត និងអនាម័យ ដែលបានធ្វើឱ្យប្រជាពលរដ្ឋទទួលបានទឹកស្អាតប្រើប្រាស់ និងការផ្លាស់ប្តូរទម្លាប់មកទទួលទានទឹកស្អាតជួយទ្រទ្រង់សុខភាព ប្រើប្រាស់ បង្គន់អនាម័យត្រឹមត្រូវ មានសុខភាពល្អ និងមានរបៀបរស់នៅប្រកបដោយភាពស៊ីវិល័យ។ ឯកឧត្ដមរដ្ឋមន្រ្ដី បានគូសបញ្ជាក់ថា សមិទ្ធផលដែលសម្រេចបានក្នុងខេត្ត និងអង្គពិធីដ៏អធិកអធមនាពេលនេះ អាចប្រព្រឹត្តទៅបានគឺដោយសារគុណបំណាច់នៃ “សុខសន្តិភាព” ដែលកើតចេញពីការលះបង់ដ៏ធំធេង និងការខិតខំប្រឹងប្រែងឥតឈប់ឈរដើម្បីជាតិ និងប្រជាជន ដោយយកជីវិតធ្វើជាដើមទុនរបស់ សម្តេចតេជោ ហ៊ុន សែន ជាបិតាសន្តិភាព ស្ថាបនិកមគ្គុទេសក៍ឯក និងប្រតិបត្តិករនយោបាយឈ្នះឈ្នះ និងសន្ដិភាព ដែលនាំមកនូវឯកភាពជាតិពេញលេញទូទាំងប្រទេស និងក្រោមការបន្តវេនដឹកនាំប្រកបដោយភាពឈ្លាសវៃ និងភាពប៉ិនប្រសប់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ឯកឧត្ដមរដ្ឋមន្រ្ដី ក៏បានជម្រាបជូនអង្គពិធីអំពី ចក្ខុវិស័យរបស់ក្រសួងអភិវឌ្ឍន៍ជនគឺ  “កសាងសង្គមជនបទកម្ពុជាឱ្យមានវិបុលភាព ប្រកប ដោយបរិយាបន្ន និងចីរភាព” តាមរយៈកម្មវិធីអាទិភាពទាំង៥ របស់ក្រសួង។ ពាក់ព័ន្ធនឹងវិស័យទឹកស្អាត និងអនាម័យជនបទ ឯកឧត្ដមរដ្ឋមន្រ្ដី បញ្ជាក់ថា ក្រសួងបាននិងកំពុងបន្តអនុវត្តផែនការសកម្មភាពជាតិ ស្តីពីការផ្គត់ផ្គង់ទឹក ការសំអាត និងអនាម័យជនបទ ដោយគិតមកដល់បច្ចុប្បន្ន អត្រាគ្របដណ្តប់ទឹកស្អាត និងអនាម័យទូទាំង ប្រទេសសម្រេចបាន ៩២% ក្នុងនោះការផ្គត់ផ្គង់ទឹកស្អាតកម្រិតមូលដ្ឋានសម្រេចបាន ៨៩% និងការផ្តល់សេវាអនាម័យជនបទកម្រិតមូលដ្ឋានសម្រេចបាន ៩៥% ហើយមានរាជធានី/ខេត្តចំនួន ២១ ដែលសម្រេចបានជារាជធានី/ខេត្ត បញ្ចប់ការបន្ទោបង់ពាសវាលពាសកាលកម្រិតខ្ពស់ និង កម្រិតធម្មតា (ODF PLUS និង ODF) ដោយក្នុងនោះក៏មាន ខេត្តស្ទឹងត្រែងយើងនេះផងដែរ។

ជាកិច្ចបញ្ចប់ ឯកឧត្ដមរដ្ឋមន្រ្ដី បានថ្លែងអំណរគុណដល់ក្រសួង ស្ថាប័ន ពាក់ព័ន្ធទាំងអស់ អាជ្ញាធរគ្រប់លំដាប់ថ្នាក់ អង្គការជាតិ អន្តរជាតិ និងវិស័យឯកជន ដែលបានចូលរួមយ៉ាងសកម្មក្នុងវិស័យផ្គត់ផ្គង់ទឹកស្អាតនិងអនាម័យជនបទនាពេលកន្លងមក ជាពិសេសធនាគារអភិវឌ្ឍន៍អាស៊ី (ADB) ដែលតែងតែបានផ្តល់ហិរញ្ញប្បទាន រួមចំណែកជាមួយរាជរដ្ឋាភិបាលកម្ពុជា ដើម្បីលើកស្ទួយវិស័យទឹកស្អាត និងអនាម័យជនបទ ឱ្យទទួលបានវឌ្ឍនភាពគួរឱ្យកត់សម្គាល់៕

The post អបអរសាទរពិធីបើកការដ្ឋានសាងសង់ និងជួសជុលហេដ្ឋារចនាសម្ព័ន្ធផ្គត់ផ្គង់ទឹកស្អាត និងអនាម័យជនបទក្នុងកម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទប្រកបដោយនិរន្តរភាព នៅក្នុងខេត្តស្ទឹងត្រែង appeared first on ក្រសួងអភិវឌ្ឍន៍ជនបទ.

ទីតាំងទី១៖ ផ្លូវ (ភូមិមេម៉ៃ-ភូមិមែកពុក) ជាការដ្ឋានសាងសង់ផ្លូវក្រាលកៅស៊ូពីរជាន់ប្រភេទ (DBST)  មានប្រវែង ១១,៦៨៥គ.ម និងមានទទឹង ៨ម៉ែត្រ តភ្ជាប់ពីភូមិមេម៉ៃ ឃុំក្រែក ស្រុកពញ្ញាក្រែក ទៅដល់ភូមិមែកពុក ឃុំដារ ស្រុកមេមត់ ខេត្តត្បូងឃ្មុំ។ ផ្លូវនេះស្ថិតក្នុងគម្រោងពង្រឹងសមត្ថភាពផលិតភាពជនបទ ប្រើប្រាស់ហិរញ្ញប្បទានសហប្រតិបត្តិការ រាជរដ្ឋាភិបាល,  និងធនាគារវិនិយោគហេដ្ឋារចនាសម្ព័ន្ធអាស៊ី (AIIB) ដែលបានចាប់ផ្ដើមសាងសង់កាលពីខែឧសភា ឆ្នាំ២០២៣ ដោយមានវឌ្ឍនភាពប្រមាណ ៩៧% ហើយគ្រោងនឹងបញ្ចប់ការសាងសង់នាពេលឆាប់ៗខាងមុខនេះ។

ទីតាំងទី២៖ ផ្លូវ (ភូមិស្ពាន – មេមត់) ជាការដ្ឋានសាងសង់ផ្លូវក្រាលកៅស៊ូពីរជាន់ (DBST) ប្រវែង ៦,៥៧គីឡូម៉ែត្រ  ទទឹង ៨ម៉ែត្រ  តភ្ជាប់ពីផ្លូវជាតិលេខ៧ ត្រង់ចំណុចភូមិដារផ្សារ  ទៅដល់ភូមិស្ពាន ឃុំដារ ស្រុកមេមត់ ខេត្តត្បូងឃ្មុំ។ ផ្លូវនេះស្ថិតក្នុងគម្រោងខ្សែច្រវាក់ផលិតកម្មដោយភាតរៈបរិស្ថាន ប្រើប្រាស់ហិរញ្ញប្បទានសហប្រតិបត្តិការ រាជរដ្ឋាភិបាល, ធនាគារអភិវឌ្ឍន៍អាស៊ី (ADB) និងមូលនិធិអាកាសធាតុបៃតង (GCF) ដោយមានរយៈពេលនៃការសាងសង់ចំនួន ១៨ខែ (០១ កក្កដា ២០២៤ ដល់ ៣០ មករា ២០២៦ ) បច្ចុប្បន្នសម្រេចលទ្ធផលប្រមាណ ៨២,៦៤%។

ទីតាំងទី៣៖ ផ្លូវ (បង្គៅ-ចំបក់) ជាការដ្ឋានសាងសង់ផ្លូវក្រាលកៅស៊ូពីរជាន់ (DBST) មានប្រវែងសរុប ១២,៧០គ.ម ទទឹង ៨ម៉ែត្រ ចែកជា ២កំណាត់ ដែលកំណាត់ទី១ ប្រវែង ៧,៤គ.ម និងកំណាត់ទី២ ប្រវែង ៥,៣គ.ម  និងមានសំណង់សិល្បការ្យចំនួន ២០កន្លែង រួមមាន លូមូល ១៨កន្លែង និងលូប្រអប់ ០២កន្លែង តភ្ជាប់ពីភូមិសំរោងត្បូង ឃុំទ្រាក ទៅដល់ភូមិចំបក់ ឃុំរូង ស្រុកមេមត់ ខេត្តត្បូងឃ្មុំ។ ផ្លូវនេះ ស្ថិតក្នុងគម្រោងតភ្ជាប់ហេដ្ឋារចនាសម្ព័ន្ធផ្លូវថ្នល់កម្ពុជា (RCIP) ប្រើប្រាស់ហិរញ្ញប្បទានសហប្រតិបត្តិការរបស់ រាជរដ្ឋាភិបាល និង ធនាគារពិភពលោក (WB) ចាប់ផ្តើមសាងសង់ពីខែធ្នូ ឆ្នាំ២០២៤ គ្រោងនឹងបញ្ចប់នៅខែកក្កដា ឆ្នាំ២០២៥ បច្ចុប្បន្នសម្រេចបានវឌ្ឍនភាព ៦៥,៥៩% ។

ទីតាំងទី៤៖ លូប្រអប់ដោយក្រាលកម្រាលឈើឆ្លងកាត់ស្ទឹងជាលក្ខណៈបណ្ដោះអាសន្ន មានសភាពចាស់និងតូចចង្អៀត តភ្ជាប់ពីភូមិកំពង់ដំរីចាស់ ឃុំកំពង់ដំរី ស្រុកឆ្លួង ខេត្តក្រចេះ ឆ្លងទៅភូមិជ្រនុំពុល ឃុំជាំតាម៉ៅ ស្រុកមេមុត ខេត្តត្បូងឃ្មុំ។ បច្ចុប្បន្ន ក្រសួងអភិវឌ្ឍន៍ជនបទ កំពុងរៀបចំឯកលទ្ធកម្ម ដើម្បីសាងសង់ជាស្ពានបេតុង ប្រវែង ៩០ម៉ែត្រ ទទឹង ៩ម៉ែត្រ ក្នុងក្របខ័ណ្ឌគម្រោងកែលម្អបណ្ដាញតភ្ជាប់តំបន់ជនបទដោយចីរភាព (SRCIP) ដោយប្រើប្រាស់ហិរញ្ញប្បទានសហប្រតិបត្តិការរបស់ រាជរដ្ឋាភិបាល និងមូលនិធិសហប្រតិបត្តិការអភិវឌ្ឍន៍សេដ្ឋកិច្ចកូរ៉េ  (EDCF)។

ទីតាំងទី៥៖ ផ្លូវ (ថ្មគ្រែ – អង្ក្រង់) ជាការដ្ឋានសាងសង់ផ្លូវក្រាលកៅស៊ូពីរជាន់ (DBST) មានប្រវែង ១១,១០គ.ម ទទឹង ៨ម៉ែត្រ តភ្ជាប់ពីផ្លូវលេខ៣៧៧ ត្រង់ចំណុចភូមិថ្មគ្រែ ឃុំថ្មគ្រែ ទៅភ្ជាប់នឹងផ្លូវជាតិលេខ៧ ត្រង់ចំណុចភូមិចង្ក្រង់ ឃុំចង្ក្រង់ ស្រុកចិត្របុរី ខេត្តក្រចេះ ក្នុងគម្រោងតភ្ជាប់ហេដ្ឋារចនាសម្ព័ន្ធផ្លូវថ្នល់កម្ពុជា (RCIP) ដោយប្រើប្រាស់ហិរញ្ញប្បទានសហប្រតិបត្តិការ របស់ រាជរដ្ឋាភិបាល និង ធនាគារពិភពលោក (WB)។

សូមជម្រាបជូនផងដែរថា ក្នុងឱកាសចុះពិនិត្យការដ្ឋានសាងសង់ផ្លូវខាងលើ ឯកឧត្តមរដ្ឋមន្ដ្រី បានណែនាំដល់ទីប្រឹក្សាបច្ចេកទេស និងក្រុមហ៊ុនទទួលការសាងសង់ប្រចាំការនៅការដ្ឋានផ្ទាល់ យកចិត្តទុកដាក់អនុវត្ត ឱ្យបានត្រឹមត្រូវ តាមបទដ្ឋានបច្ចេកទេស ដោយត្រូវធ្វើការកែលម្អឡើងវិញកន្លែងដែលខុសលក្ខណៈបច្ចេកទេស ឱ្យត្រូវតាមគំនូសប្លង់ដូចមានក្នុងកិច្ចសន្យាការងារ ក្នុងគោលបំណងធានាឱ្យបានផ្លូវជាប់ប្រកបដោយគុណភាព មានភាពធន់ និងប្រើប្រាស់បានយូរអង្វែង៕

The post ឯកឧត្តម ឆាយ ឫទ្ធិសែន បានដឹកនាំមន្ដ្រីបច្ចេកទេសថ្នាក់ក្រសួង និងមន្ទីរអភិវឌ្ឍន៍ជនបទខេត្ត អញ្ជើញទៅពិនិត្យស្ថានភាពផ្លូវ និងលូប្រអប់ ចំនួន ៥ទីតាំង នៅក្នុងខេត្តត្បូងឃ្មុំ និងខេត្តក្រចេះ appeared first on ក្រសួងអភិវឌ្ឍន៍ជនបទ.

ជាកិច្ចចាប់ផ្ដើម ឯកឧត្តម ឆាយ ឫទ្ធិសែន បានសម្ដែងនូវការស្វាគមន៍យ៉ាងកក់ក្ដៅ និងបានថ្លែងអំណរគុណចំពោះការផ្តល់វត្តមាន អញ្ជើញចូលរួមរបស់ ឯកឧត្តម លោកជំទាវ តំណាងរដ្ឋបាលខេត្ត ទាំង២៥ ដែលជាការបង្ហាញឱ្យឃើញអំពីការយកចិត្តទុកដាក់ក្នុងការចូលរួមលើកកម្ពស់ការអភិវឌ្ឍជនបទ ដោយហេតុថាវិស័យអភិវឌ្ឍន៍ជនបទជាកិច្ចការពហុវិស័យដែលទាមទារឱ្យមានការចូលរួមពីគ្រប់ភាគីពាក់ព័ន្ធ ជាពិសេសរដ្ឋបាលនៅថ្នាក់ក្រោមជាតិ។ មានប្រសាសន៍ក្នុងឱកាសនោះ ឯកឧត្តមរដ្ឋមន្ត្រី បានគូសបញ្ចាក់ថា ក្នុងបុព្វហេតុនៃការអភិវឌ្ឍប្រទេសជាតិឱ្យមានភាពរីកចម្រើន អាចប្រគួតប្រជែងជាមួយបណ្ដាប្រទេសនានានៅក្នុងសកលលោក រាជរដ្ឋាភិបាលកម្ពុជា ក្រោមការដឹកនាំប្រកបដោយភាពប៉ិនប្រសប់របស់សម្តេចតេជោ ហ៊ុន សែន ជាបិតាស្ថាបនិកសន្តិភាពកម្ពុជា និងប្រតិបត្តិករនៃនយោបាយឈ្នះឈ្នះ បានដាក់ចេញនិងអនុវត្តនូវយុទ្ធសាស្ដ្រត្រីកោណ និងយុទ្ធសាស្ដ្រចតុកោណទាំងបួនដំណាក់កាល ប្រកបដោយប្រសិទ្ធភាពខ្ពស់។ ជាមួយនឹងការបន្ដបេសកកម្មជាប្រវត្តិសាស្ដ្រនេះ រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំបន្តវេនដ៏ឈ្លាសវៃប្រកបដោយគតិបណ្ឌិត និងថាមវន្ដរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានដាក់ចេញនូវយុទ្ធសាស្ត្របញ្ចកោណដំណាក់កាលទី១ ដើម្បីកំណើន ការងារ សមធម៌ ប្រសិទ្ធភាព និងចីរភាព ដែលកំណត់អាទិភាពគន្លឹះ ៥គឺ មនុស្ស ផ្លូវ ទឹក ភ្លើង និងបច្ចេកវិទ្យាឌីជីថល ដើម្បីសម្រេចចក្ខុវិស័យកម្ពុជាឆ្នាំ២០៥០។ ដើម្បីចូលរួមចំណែកសម្រេចនូវទិសដៅអភិវឌ្ឍន៍របស់រាជរដ្ឋាភិបាល ក្រសួងអភិវឌ្ឍន៍ជនបទ កំពុងខិតខំរៀបចំគោលនយោបាយអភិវឌ្ឍន៍ជនបទ ២០២៥-២០៣៥ ដោយផ្អែកលើមូលដ្ឋាននៃសមិទ្ធផលដែលបានសម្រេចនាពេលកន្លងមក និងដាក់ទិសដៅអភិវឌ្ឍន៍ជនបទរយៈពេលវែង ដែលមានចក្ខុវិស័យ “កសាងសង្គមជនបទកម្ពុជាឱ្យមានវិបុលភាព ប្រកបដោយបរិយាបន្ន និងចីរភាព”។ ឯកឧត្តមរដ្ឋមន្ដ្រី បានស្នើដល់អង្គប្រជុំទាំងមូល ចូលរួមឱ្យបានសកម្មក្នុងការពិភាក្សា និងផ្ដល់យោបល់ ព្រមទាំងធាតុចូលជាយុទ្ធសាស្ដ្រ និងសំណើរប្រកបដោយន័យស្ថាបនា ដើម្បីជួយបំពេញបន្ថែមលើផែនការអភិវឌ្ឍន៍រយៈពេលវែងនេះ ឱ្យមានគុណភាព និរន្ដរភាព និងអាចយកអនុវត្តបានពិតប្រាកដ សម្រេចសមិទ្ធផលជាក់ស្ដែងជូនប្រជាជន និងប្រទេសជាតិ។ កិច្ចប្រជុំពិគ្រោះយោបល់បានដំណើរការដោយមានការធ្វើបទបង្ហាញស្ដីពី សេចក្ដីព្រាងគោលនយោបាយអភិវឌ្ឍន៍ជនបទ ២០២៥-២០៣៥ ដោយ លោក ទូច ស៊ីផាត អគ្គនាយករងរដ្ឋបាល និងហិរញ្ញវត្ថុ ជូនដល់អង្គពិធីទាំងមូល ផ្ដោតលើចក្ខុវិស័យ គោលបំណង គោលដៅ យុទ្ធសាស្ដ្រ កម្មវិធី និងវិធីសាស្ដ្រ ជូនដល់អង្គប្រជុំមូល។ បន្ទាប់មកអង្គប្រជុំបានធ្វើការពិភាក្សាយ៉ាងផុលផុស លើសេចក្ដីព្រាងគោលនយោបាយនេះ ព្រមទាំងបានចូលរួមផ្ដល់មតិយោបល់ និងសំណូមពរនានា ដែលជាធាតុចូលដ៏សំខាន់បន្ថែមទៀត ធ្វើឱ្យសេចក្ដីព្រាងគោលនយោបាននេះ កាន់តែមានគុណភាព គ្រប់ជ្រុងជ្រោយ និងមានសង្គតិភាពទៅនឹងចក្ខុវិស័យ និងផែនការយុទ្ធសាស្ដ្រអភិវឌ្ឍន៍ជាតិរបស់រាជរដ្ឋាភិបាល។

បន្ទាប់ពីបានស្ដាប់នូវការធ្វើបទបង្ហាញ និងការផ្ដល់ធាតុចូលដ៏មានសារៈសំខាន់ពីអង្គប្រជុំរួចមក ឯកឧត្តម ឆាយ ឫទ្ធិសែន បានថ្លែងអំណរគុណយ៉ាងជ្រាលជ្រៅ និងបានទទួលនូវធាតុចូលល្អៗ សម្រាប់បំពេញបន្ថែមលើសេចក្តីព្រាងគោលនយោបាយអភិវឌ្ឍន៍ជនបទ ២០២៥-២០៣៥ ឱ្យកាន់តែច្បាស់លាស់ និងមានវិសាលភាពអនុវត្តបានទូលំទូលាយ។ ជាកិច្ចបញ្ចប់នៃអង្គប្រជុំ ឯកឧត្តមរដ្ឋមន្ដ្រី បានផ្ដល់អនុសាសន៍ដល់ក្រុមការងារតាក់តែងគោលនយោបាយ រៀបចំកែសម្រួលដោយដាក់បញ្ចូលនូវធាតុចូល ដែលទទួលបានពីអង្គប្រជុំ ព្រមទាំងស្នើសុំដល់តំណាងរដ្ឋបាលថ្នាក់ក្រោមជាតិទាំងអស់បន្ដចូលរួមសហការ និងផ្ដល់ធាតុចូលបន្ថែមទៀត ដើម្បីឱ្យការរៀបចំផែនការយុទ្ធសាស្ដ្ររយៈពេលវែងនេះកាន់តែមានភាពល្អប្រសើរ ឆ្លើយតបទៅនឹងបរិបទនយោបាយ សេដ្ឋកិច្ច សង្គម និងបច្ចេកវិទ្យារបស់កម្ពុជា នាពេលបច្ចុប្បន្ន ក៏ដូចជាអនាគត ក្នុងគោលដៅធ្វើឱ្យតំបន់ជនបទនៃព្រះរាជាណាចក្រកម្ពុជា មានការរីកចម្រើនលើគ្រប់វិស័យ និងមាននិរន្ដរភាព៕

The post ក្រសួងអភិវឌ្ឍន៍ជនបទ រៀបចំកិច្ចប្រជុំពិគ្រោះយោបល់លើសេចក្តីព្រាងគោលនយោបាយអភិវឌ្ឍន៍ជនបទ ២០២៥-២០៣៥ របស់ក្រសួងអភិវឌ្ឍន៍ជនបទ ជាមួយរដ្ឋបាលថ្នាក់ក្រោមជាតិ appeared first on ក្រសួងអភិវឌ្ឍន៍ជនបទ.

១.  ផ្លូវជាតិលេខ៣១៖ មានប្រវែងសរុប ៥៣,៥៣៩គីឡូម៉ែត្រ មានចំណុចចាប់ផ្តើមពីបែកគុស (ចំណុចប្រសព្វផ្លូវជាតិលេខ៣) ទៅដល់ទីរួមស្រុកកំពង់ត្រាច (ចំណុចតភ្ជាប់ផ្លូវជាតិលេខ៣៣) ឆ្លងកាត់ខេត្តតាកែវ និងខេត្តកំពត ត្រូវបានស្ដារ និងលើកកម្រិតគុណភាពជាប្រភេទផ្លូវក្រាលបេតុងកៅស៊ូ AC មានកម្រាស់ ៧ សង់ទីម៉ែត្រ និងទទឹង ១១ម៉ែត្រ សាងសង់ផ្លូវវាងទីប្រជុំជនចំនួន ២កន្លែង ផ្លូវវាងទី១ មានប្រវែង ៤,៦គីឡូម៉ែត្រ និងផ្លូវវាងទី២ មានប្រវែង ៤គីឡូម៉ែត្រ ស្ពានថ្មីចំនួន ១កន្លែង ប្រវែងសរុប ៦០ម៉ែត្រ និងមានទទឹងប្រវែង ១២ម៉ែត្រ និងជួសជុលស្ពានដែលមានស្រាប់ចំនួន ២កន្លែង ប្រវែងសរុប ៤០ម៉ែត្រ ព្រមទាំងសំំណង់សិល្បការ្យមួយចំនួនទៀត ចំណាយថវិកាប្រមាណ ៦០លាន ដុល្លារអាមេរិក។

២.  ផ្លូវជាតិលេខ៣៣៖ មានប្រវែងសរុប ៥២,៥៧៧គីឡូម៉ែត្រ មានចំណុចចាប់ផ្តើមពីក្រុងកំពត(ចំណុចប្រសព្វផ្លូវជាតិលេខ៣) ដល់ច្រកលក ឬច្រកទ្វារព្រំដែនអន្តរជាតិកម្ពុជា-វៀតណាម (ព្រែកចាក) រួមទាំងផ្លូវតភ្ជាប់ក្នុងក្រុងកំពត (ផ្លូវក្រុងលេខ ៧០៩) ឆ្លងកាត់ខេត្តកំពត និងខេត្តកែប ត្រូវបានស្ដារ និងលើកកម្រិតគុណភាពជាប្រភេទផ្លូវក្រាលបេតុងកៅស៊ូ AC មានកម្រាស់ ៥សង់ទីម៉ែត្រ និង ៧សង់ទីម៉ែត្រ និងផ្លូវបេតុងសរសៃដែក កម្រាស់ ២៣សង់ទីម៉ែត្រ និងទទឹង ១១ម៉ែត្រ សាងសង់ស្ពានថ្មីចំនួន ១កន្លែង ប្រវែង ៩០ម៉ែត្រ និងមានទទឹង ១២ម៉ែត្រ ព្រមទាំងសំណង់សិល្បការ្យមួយចំនួនទៀត ចំណាយថវិកាប្រមាណ ៦១លាន ដុល្លារអាមេរិក។

៣.  ផ្លូវជាតិលេខ៤១៖ មានប្រវែងសរុបចំនួន ៩៥,២៦៩គីឡូម៉ែត្រ មានចំណុច ចាប់ផ្តើមពីថ្នល់ទទឹង(ចំណុចប្រសព្វផ្លូវជាតិលេខ៤) ទៅដល់ស្រុកជុំគិរី (ចំណុច ប្រសព្វផ្លូវជាតិលេខ៣) ឆ្លងកាត់ខេត្តកំពង់ស្ពឺ កណ្តាល តាកែវ និងខេត្តកំពត ត្រូវបានស្ដារ និងលើកកម្រិតគុណភាពជាប្រភេទផ្លូវក្រាល បេតុងកៅស៊ូ AC មានកម្រាស់ ៥សង់ទីម៉ែត្រ និងទទឹង ១១ម៉ែត្រ ការសាងសង់ពង្រីកស្ពានចាស់ ១កន្លែង (ស្ពានគុណគ្រូ) ប្រវែងប្រមាណ ២០០ម៉ែត្រ ព្រមទាំង សំណង់សិល្បការ្យមួយចំនួនទៀតចំណាយថវិកាប្រមាណ ៦៧លាន ដុល្លារអាមេរិក។

ជារួមផ្លូវជាតិទាំង៣ខ្សែនេះ អនុវត្តការសាងសង់ដោយក្រុមហ៊ុនសាជីវកម្មស្ពាន និង ថ្នល់ចិន (CRBC) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន ដោយបានគ្រោងប្រើប្រាស់រយៈពេលសាងសង់ចំនួន ៤០ខែដូចគ្នានៅក្នុងផែនការ ប៉ុន្តែតាមការអនុវត្តគម្រោងជាក់ស្តែងគឺបានបញ្ចប់នៅដើមឆ្នាំ២០២៥នេះមុនផែនការកំណត់។

The post ឯកឧត្តម ជា ស្រ៊ុន អញ្ជើញចូលរួមក្នុងពិធីសម្ពោធបើកឱ្យប្រើប្រាស់ជាផ្លូវការផ្លូវជាតិលេខ៣១ ផ្លូវជាតិលេខ៣៣ និងផ្លូវជាតិលេខ៤១ ក្រោមឥណទានសម្បទាន ពីរដ្ឋាភិបាលនៃសាធារណរដ្ឋប្រជាមានិតចិននៅខេត្តតាកែវ appeared first on ក្រសួងអភិវឌ្ឍន៍ជនបទ.

១. គម្រោងទី១៖ បើកការដ្ឋានការងារជួសជុលស្តារឡើងវិញផ្លូវក្រាលកៅស៊ូពីរជាន់ (DBST) ចំនួន ១ខ្សែ មាន២កំណាត់ ប្រវែងសរុប ២ ០០០ម ទទឹង ៦ម  (កំណាត់ទី១ចាប់ពី គ.ម ៥+៦០០ ដល់ គ.ម ៦+១១៥ និងកំណាត់ទី២ចាប់ពី គ.ម ៦+៣១៥ ដល់ គ.ម ៧+៨០០) ចិញ្ចើមផ្លូវសងខាងក្រាលដីល្បាយក្រួស ទទឹងម្ខាងៗ០,៥ម កម្រាស់ ០,២ម និងស្ថាបនាសំណង់ដោះទឹករាងអក្សរអ៊ុយប្រវែង ១ ៥០០ម ស្ថិតនៅភូមិប៊ែន ទៅភូមិប្រស្រាំ ឃុំទំនប់ ស្រុកបាធាយ ខេត្តកំពង់ចាម។

២. គម្រោងទី២៖ បើកការដ្ឋានការងារជួសជុលស្តារឡើងវិញផ្លូវក្រាលកៅស៊ូពីរជាន់ (DBST) ចំនួន ១ខ្សែ ប្រវែង ៥ ០០០ម ទទឹង ៦ម ចិញ្ចើមផ្លូវសងខាងក្រាលដីល្បាយថ្មភ្នំ ទទឹងម្ខាងៗ១ម កម្រាស់ ០,២ម សាងសង់លូមូលមុខពីរចំនួន ០១កន្លែង លូមូលមុខមួយគ្មានស្លាបជញ្ជាំងចំនួន ០១កន្លែង និងអណ្តូងលូចំនួន ០២កន្លែង ស្ថិតនៅភូមិត្បែង ទៅភូមិប្រធាតុ ឃុំចំរើន ស្រុកសង្គមថ្មី ខេត្តព្រះវិហារ។ គម្រោងទំាងពីរនេះ អនុវត្តដោយនាយកដ្ឋានផ្លូវលំជនបទ នៃក្រសួងអភិវឌ្ឍន៍ជនបទ។

ពិធីបើកការដ្ឋានទាំងពីរនេះ មានការចូលរួមពីតំណាងនាយកដ្ឋានផ្លូវលំជនបទ តំណាងគណៈកម្មការ(គ.ត.វ) មន្ត្រីជំនាញនៃនាយកដ្ឋានផ្លូវលំជនបទ មន្ត្រីជំនាញនៃមន្ទីរអភិវឌ្ឍន៍ជនបទខេត្តកំពង់ចាម និងខេត្តព្រះវិហារ អភិបាល អភិបាលរងស្រុក អាជ្ញាធរមូលដ្ឋានភូមិ ឃុំ និងប្រជាពលរដ្ឋដែលរស់នៅតាមសាងខាងផ្លូវខាងលើនេះ។

ឆ្លៀតក្នុងឱកាសនោះ ឯកឧត្តមរដ្ឋលេខាធិការ ក៏បានជួបសំណេះសំណាលនិងពាំនាំនូវប្រសាសន៍ផ្តាំផ្ញើសួរសុខទុក្ខ ប្រកបដោយមនោសញ្ចេតនា និងសេចក្តីនឹករលឹកយ៉ាងជ្រាលជ្រៅពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង ឯកឧត្ដម ឆាយ ប្ញទ្ធិសែន រដ្ឋមន្ត្រីក្រសួងអភិវឌ្ឍន៍ជនបទជូនដល់អង្គពិធីទាំងមូល និងព្រមទាំងបានសំណូមពរដល់អាជ្ញាធរមូលដ្ឋាន និងប្រជាពលរដ្ឋដែលជាអ្នកអាស្រ័យផលសូមយោគយល់អធ្យាស្រ័យ និងចូលរួមសហការជាមួយក្រុមការងារជួសជុលស្តារឡើងវិញផ្លូវនេះ ក្នុងករណីមានការរំខានដោយប្រការណាមួយក្នុងអំឡុងពេលអនុវត្តការងារនេះ។

The post ឯកឧត្តម  ប៊ុន ច័ន្ទវណ្ណៈ អញ្ជើញដឹកនាំក្រុមការងារចូលរួមក្នុងពិធីបើកការដ្ឋានការងារជួសជុលស្តារឡើងវិញផ្លូវក្រាលកៅស៊ូពីរជាន់ (DBST) ចំនួន ២គម្រោង នៅខេត្តកំពង់ចាម និងខេត្តព្រះវិហារ appeared first on ក្រសួងអភិវឌ្ឍន៍ជនបទ.

តាមរយៈរបាយការណ៍ស្វាគមន៍របស់ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានបង្ហាញថា នៅទូទាំងខេត្តបាត់ដំបង មានស្រុកចំនួន១៣ និងក្រុង១, ឃុំចំនួន៩៣ និង១០សង្កាត់, និងភូមិចំនួន៨៤២ ដែលមានខ្នងផ្ទះសរុប ២៤៧ ៨៥៨ខ្នង មានគ្រួសារ ២៩៧ ២៥៥គ្រួសារ ក្នុងនោះខ្នងផ្ទះមានបង្គន់ប្រើប្រាស់ផ្ទាល់ខ្លួនស្មើនឹង ៩៥,៥៩%, ខ្នងផ្ទះប្រើបង្គន់រួម ស្មើនឹង ៤,៤១%, ខ្នងផ្ទះមានកន្លែងលាងដៃនឹងសាប៊ូស្មើនឹង១០០%, ខ្នងផ្ទះទុកដាក់ទឹកសម្រាប់ផឹកមានសុវត្ថិ ភាពស្មើនឹង១០០%, ខ្នងផ្ទះទុកដាក់សំណល់ខោលាមកកូនក្មេង លាមកសត្វ និងសំរាមមានរបៀបរៀបរយស្មើនឹង ១00%។ ជាមួយគ្នានោះ លោក យី គឹមថាន នាយករងប្រចាំប្រទេសរបស់អង្គការភ្លែនអន្ដរជាតិ និងជាតំណាងអង្គការដៃគូអភិវឌ្ឍន៍វិស័យផ្គត់ផ្គង់ទឹកស្អាត និងអនាម័យជនបទនៅកម្ពុជា បានលើកឡើងអំពីកិច្ចខិតខំប្រឹងប្រែងរបស់អង្គការភ្លែនអន្ដរជាតិ និងអង្គការដៃគូអភិវឌ្ឍន៍នានា ក្នុងការចូលរួមចំណែកជាមួយរាជរដ្ឋាភិបាលដើម្បីគាំទ្រខេត្តបាត់ដំបងជាខេត្តគោលដៅអភិវឌ្ឍន៍លើការអនុវត្តគម្រោងផ្គត់ផ្គង់ទឹកស្អាត និងអនាម័យ ដែលជាផ្នែកដ៏សំខាន់ធ្វើឱ្យខេត្តនេះ ទទួលបានជ័យលាភីបញ្ចប់ការបន្ទោបង់ពាសវាលពាសកាលនៅថ្ងៃនេះ។

បន្ទាប់ពីបានស្ដាប់របាយការណ៍ស្វាគមន៍ និងចំណាប់អារម្មណ៍រួចមក ឯកឧត្តម ឆាយ ឫទ្ធិសែន បានសម្ដែងនូវការកោតសរសើរ និងវាយតម្លៃខ្ពស់ចំពោះការរីកចម្រើន និងសមិទ្ធផលនានា ដែលខេត្តបាត់ដំបងសម្រេចបាន នាពេលកន្លងមកលើគ្រប់វិស័យ ទាំងផ្នែកសន្តិសុខ សណ្តាប់ធ្នាប់ សេដ្ឋកិច្ច សង្គមកិច្ច និងវប្បធម៌ ជាពិសេសការផ្លាស់ប្តូរកម្រិតជីវភាពរស់នៅរបស់ប្រជាពលរដ្ឋកាន់តែមានភាពប្រសើរឡើង និងការកែលម្អលក្ខខណ្ឌនៃការរស់នៅ តាមរយៈការលើកកម្ពស់ការផ្តល់សេវាទឹកស្អាត និងអនាម័យ ជាក់ស្ដែងការសម្រេចនូវការបញ្ចប់បន្ទោបង់ពាសវាលពាសកាលនៅទូទាំងខេត្ត នាពេលនេះ ព្រមទាំងបានអំពាវនាវដល់រដ្ឋបាលខេត្ត និងគ្រប់ភាគីពាក់ព័ន្ធទាំងអស់ ឱ្យបន្តការចូលរួមលើការផ្គត់ផ្គង់ទឹក និងអនាម័យជនបទ ជាពិសេសគឺការរិះរកយន្តការរក្សានិរន្តរភាពខេត្ត ODF និងជំរុញការងារទៅសម្រេច ODF Plus។ ឯកឧត្ដមរដ្ឋមន្រ្ដី បានបន្ថែមទៀតថាសមិទ្ធផលដែលសម្រេចបានក្នុងខេត្ត និងអង្គពិធីដ៏អធិកអធមនាពេលនេះ អាចប្រព្រឹត្តទៅបានគឺដោយសារគុណបំណាច់នៃ “សុខសន្តិភាព” ដែលកើតចេញពីការលះបង់ដ៏ធំធេង និងការខិតខំប្រឹងប្រែងឥតឈប់ឈរដើម្បីជាតិ និងប្រជាជន ដោយយកជីវិតធ្វើជាដើមទុនរបស់ សម្តេចតេជោ ហ៊ុន សែន ជាបិតាសន្តិភាព ស្ថាបនិកមគ្គុទេសក៍ឯក និងប្រតិបត្តិករនយោបាយឈ្នះឈ្នះ និងសន្ដិភាព ដែលនាំមកនូវឯកភាពជាតិពេញលេញទូទាំងប្រទេស និងក្រោមការបន្តវេនដឹកនាំប្រកបដោយភាពឈ្លាសវៃ និងភាពប៉ិនប្រសប់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ឯកឧត្ដមរដ្ឋមន្រ្ដី បានជម្រាបជូនអង្គពិធីនូវយុទ្ធសាស្ដ្រទាំង ៥ របស់ក្រសួងអភិវឌ្ឍន៍ជនបទ ដោយមានចក្ខុវិស័យច្បាស់លាស់គឺ “កសាងតំបន់ជនបទកម្ពុជាប្រកបដោយវិបុលភាព បរិយាបន្ន នវានុវត្តន៍ ឌីជីថល និងភាពធន់ ទាំងផ្នែកសេដ្ឋកិច្ច សង្គមកិច្ច និងវប្បធម៌”។ ពាក់ព័ន្ធនឹងកម្មវិធីទឹកស្អាត និងអនាម័យ ឯកឧត្ដមរដ្ឋមន្រ្ដី បានបញ្ជាក់ជូនថា ក្រសួងបាននិងកំពុងបន្តអនុវត្តផែនការសកម្មភាពជាតិស្តីពី ការផ្គត់ផ្គង់ទឹក ការសំអាត និង អនាម័យជនបទ ដែលសម្រេចបានអត្រាគ្របដណ្តប់ទឹកស្អាត និងអនាម័យទូទាំងប្រទេសប្រមាណ ៨៨,៨០% ក្នុងនោះអត្រាគ្របដណ្តប់ទឹកស្អាតកម្រិតមូលដ្ឋាន ៨៦,០៩% និងអនាម័យជនបទកម្រិតមូលដ្ឋាន ៩១,៤៧% ហើយបានកំណត់ថា នៅឆ្នាំ២០៣០ ប្រជាពលរដ្ឋនៅទូទាំងប្រទេសមានទឹកស្អាតប្រើប្រាស់គ្រប់គ្រាន់ និងការប្រតិបត្តិអនាម័យ ១០០% ព្រមទាំងរស់នៅក្នុងបរិស្ថានប្រកបដោយនិរន្ដរភាព ។ សូមជម្រាបជូនផងដែរថា៖ គិតត្រឹមថ្ងៃនេះ មានរាជធានី ខេត្តចំនួន ១៧ហើយ ដែលសម្រេចបានជារាជធានី-ខេត្ត បញ្ចប់ការបន្ទោបង់ពាសវាលពាសកាល (ODF+និង ODF) ដែលខេត្តបាត់ដំបង ជាខេត្តទទួលបានជ័យលេភីទី ១៧៕

The post អបអរសាទរ ខេត្តបាត់ដំបង ជាខេត្តទី១៧ ទទួលជ័យលាភីជាខេត្តបញ្ចប់ការបន្ទោបង់ពាសវាលពាសកាល (ODF) appeared first on ក្រសួងអភិវឌ្ឍន៍ជនបទ.

សន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងផែនការ បានប្រព្រឹត្តទៅរយៈពេល ០២ថ្ងៃ គឺថ្ងៃទី២៦ និងថ្ងៃទី២៧ ខែកុម្ភៈ ឆ្នាំ២០២៥ នៅទីស្ដីការក្រសួងផែនការ ដែលពិធីបើកសន្និបាតក្រោមអធិបតីភាពរបស់ ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ។ គួរបញ្ជាក់ជូនផងដែរថា ក្រសួងផែនការ ជាសេនាធិការរបស់រាជរដ្ឋាភិបាលមានតួនាទីក្នុងការសម្របសម្រួលការរៀបចំផែនការយុទ្ធសាស្ត្រអភិវឌ្ឍន៍ជាតិ, ផែនការវិនិយោគសាធារណៈ, ការងារអត្តសញ្ញាណគ្រួសារក្រីក្រ និងគ្រួសារងាយរងហានិភ័យ, ការងារលើកកម្ពស់អាហារូបត្ថម្ភ, ការងាររៀបចំ និងគ្រប់គ្រងប្រព័ន្ធទិន្នន័យជាតិ, និងការងារផលិត និងផ្សព្វផ្សាយស្ថិតិជាតិលើវិស័យចម្បងៗ រួមមានស្ថិតិប្រជាសាស្ត្រ សេដ្ឋកិច្ច សង្គមកិច្ច សុខភាព និងកសិកម្ម សម្រាប់ក្រសួង ស្ថាប័ននានា និងតួអង្គពាក់ព័ន្ធប្រើប្រាស់ក្នុងការរៀបចំផែនការអភិវឌ្ឍន៍ និងការតាមដានត្រួតពិនិត្យ និងវាយតម្លៃ តាមវិស័យរបស់ខ្លួន ដើម្បីរួមចំណែកក្នុងការធ្វើឱ្យសម្រេចបាននូវចក្ខុវិស័យកម្ពុជាឆ្នាំ២០៣០ និងឆ្នាំ២០៥០៕

The post ឯកឧត្តម ឆាយ ឫទ្ធិសែន អញ្ជើញជាកិត្តិយសក្នុងពិធីបិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងផែនការ appeared first on ក្រសួងអភិវឌ្ឍន៍ជនបទ.

សូមជម្រាបជូនផងដែរថា សន្និបាតក្រសួងអប់រំ យុវជន និងកីឡា ធ្វើឡើងរយៈពេល៣ថ្ងៃ ដោយចាប់ផ្តើមពីថ្ងៃទី២៤ ខែកុម្ភៈ ឆ្នាំ២០២៥ រហូតដល់ថ្ងៃទី២៦ ខែកុម្ភៈ ឆ្នាំ២០២៥ ដែលពិធីបើកសន្និបាត ក្រោមអធិបតីភាព ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ប្រារព្ធឡើងក្រោមប្រធានបទ “អភិវឌ្ឍមូលធនមនុស្សឆ្ពោះទៅសម្រេចចក្ខុវិស័យកម្ពុជា ឆ្នាំ២០៥០” មានគោលដៅប្រមូលផ្តុំអ្នកអប់រំ និងភាគីពាក់ព័ន្ធទាំងអស់ ដើម្បីរួមគ្នាពិនិត្យឡើងវិញឱ្យគ្រប់ជ្រុងជ្រោយអំពីវឌ្ឍនភាពរបស់វិស័យអប់រំ យុវជន និងកីឡា ដែលសម្រេចបានក្នុងឆ្នាំកន្លងទៅ ក៏ដូចជាលើកទិសដៅការងារសម្រាប់ឆ្នាំបន្ទាប់៕

The post ឯកឧត្តម ឆាយ ឫទ្ធិសែន អញ្ជើញជាកិត្តិយសក្នុងពិធីបិទសន្និបាតបូកសរុបលទ្ធផលការងារអប់រំ យុវជន និងកីឡា ឆ្នាំសិក្សា២០២៣-២០២៤ និងទិសដៅឆ្នាំសិក្សា២០២៤-២០២៥ appeared first on ក្រសួងអភិវឌ្ឍន៍ជនបទ.