ឯកឧត្តមបណ្ឌិត ចាន់ ដារ៉ុង បានដឹកនាំក្រុមការងារចុៈពិនិត្យវឌ្ឍនភាពនៃការអនុវត្តគម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ (RCIP) ចំនួន ៥ខ្សែ នៅខេត្តកំពង់ចាម

ខេត្តកំពង់ចាម៖ នារសៀលថ្ងៃពុធ ៧កើត ខែអស្សុជ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី០៩ ខែតុលា ឆ្នាំ២០២៤ ឯកឧត្តមបណ្ឌិត ចាន់ ដារ៉ុង រដ្ឋលេខាធិការ និងជានាយកគម្រោង តំណាងដ៏ខ្ពង់ខ្ពស់ ឯកឧត្តម ឆាយ  ឬទិ្ធសែន រដ្ឋមន្ត្រីក្រសួងអភិវឌ្ឍន៍ជនបទ រួមជាមួយលោក ផេង សំបូរ ប្រធាននាយកដ្ឋានផែនការ និងទំនាក់ទំនងសាធារណៈ និងជាប្រធានគ្រប់គ្រងគម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ (RCIP) បានដឹកនាំមន្ត្រីបច្ចេកទេសគម្រោង និងក្រុមទីប្រឹក្សាបច្ចេកទេសរបស់គម្រោង ដើម្បីពិនិត្យវឌ្ឍនភាពនៃការអនុវត្តគម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ (RCIP) ក្រោមហិរញ្ញប្បទានសម្បទានរបស់ធនាគារពិភពលោក (WB) ចំនួន ៥ខ្សែ មានប្រវែងសរុប ៥០,៧ គ.ម នៅខេត្តកំពង់ចាម ដែលសម្រេចបានលទ្ធផលប្រមាណ៧០,៧៦% ក្នុងនោះរួមមាន៖

–  ខ្សែផ្លូវទី១. KC-1 (ផ្លូវជាតិលេខ៧ – សៀមប៊ួយ) ប្រវែង ៦,០ គ.ម ស្ថិតនៅឃុំព្រៃចារ ស្រុកជើងព្រៃ ជាលទ្ធផលគិតត្រឹមបច្ចុប្បន្នសម្រេចបានប្រមាណ ៧៧,៥២ %

–  ខ្សែផ្លូវទី២. KC-2 (ផ្លូវជាតិលេខ៧ – សាអាង – ផ្លូវជាតិលេខ៦) ប្រវែង ១៦,៤ គ.ម ស្ថិតនៅក្នុងឃុំត្រពាំងគរ  ស្រុកព្រៃឈរ ជាលទ្ធផលគិតត្រឹមបច្ចុប្បន្នសម្រេចបានប្រមាណ ៦០,៨៧%

–  ខ្សែផ្លូវទី៣. KC-3 (ផ្លូវជាតិលេខ៧ – ក្លោងទ្វារវត្តជម្ពូសោភា – បឋមសិក្សាក្រូច ផ្លូវជាតិលេខ៦០) ប្រវែង ១៧,១ គ.ម ស្ថិតនៅក្នុងឃុំក្រូច ឃុំគរ ឃុំព្រៃឈរ ឃុំសូរសែន្យ និងឃុំស្រង៉ែ ស្រុកព្រៃឈរ ជាលទ្ធផលគិតត្រឹមបច្ចុប្បន្នសម្រេចបានប្រមាណ ៤១,៨៧%

–  ខ្សែផ្លូវទី៤. KC-24 (ផ្លូវជាតិលេខ៦ – វត្តកំណប់) ប្រវែង ៥,៦ គ.ម ស្ថិតនៅឃុំស្តើងជ័យ ឃុំត្រពាំងគរ និងឃុំស្រម៉ ស្រុកជើងព្រៃ ជាលទ្ធផលគិតត្រឹមបច្ចុប្បន្នសម្រេចបានប្រមាណ ៨០,៧៥ %

–  ខ្សែផ្លូវទី៥. KC-57 (សំពងជ័យ – ទឹកឆារ) ប្រវែង ៨,៥ គ.ម ស្ថិតនៅឃុំសំពងជ័យ ស្រុកជើងព្រៃ និងឃុំបឹងណាយស្រុកព្រៃឈរ ជាលទ្ធផលគិតត្រឹមបច្ចុប្បន្នសម្រេចបានប្រមាណ ៩២,៨១ %៕