ឯកឧត្តម អ៉ិន ចន្ថា បានដឹកនាំគណ:កម្មការអន្តរក្រសួង ចុះត្រួតពិនិត្យ និងវាយតម្លៃលើការងារថែទាំផ្លូវជាប្រចាំចំនួន០៣ គម្រោង

ខេត្តបាត់ដំបង ប៉ៃលិន និងបន្ទាយមានជ័យ៖ នាព្រឹកថ្ងៃពុធ ៩កើត ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងទី១១ ខែកញ្ញា ឆ្នាំ២០២៤  ឯកឧត្តម អ៉ិន ចន្ថា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឬទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានដឹកនាំគណ:កម្មការអន្តរក្រសួងរួមមាន ក្រសួងអភិវឌ្ឍន៍ជនបទ និងក្រសួងសេដ្ឋកិច្ចហិរញ្ញវត្ថុ ចុះត្រួតពិនិត្យ និងវាយតម្លៃលើការងារថែទាំផ្លូវជាប្រចាំចំនួន០៣ គម្រោង ស្ថិតនៅ ខេត្តបាត់ដំបង ខេត្តបន្ទាយមានជ័យ និងខេត្តប៉ៃលិន រួមមាន÷

-គម្រោងទី១÷ ការងារថែទាំជាប្រចាំផ្លូវចំនួន ០៨ ខ្សែ ដោយក្រាលល្បាយក្រួស និងល្បាយថ្មភ្នំ ប្រវែងសរុប ១១៤, ១ គីឡូម៉ែត្រ ទទឹង ០៥ ម៉ែត្រ ស្ថិតក្នុងឃុំសំពៅលូន ឃុំត្រាង ឃុំអូរដា ឃុំកំរៀង ឃុំតាសែន ឃុំបារាំងធ្លាក់ និងឃុំតាសាញ ស្រុកសំពៅលូន ស្រុកកំរៀង ស្រុកភ្នំព្រឹក និងស្រុកសំឡូត ខេត្តបាត់ដំបង។

-គម្រោងទី ២÷ ការងារថែទាំជាប្រចាំផ្លូវចំនួន ១១ខ្សែ ដោយក្រាលល្បាយក្រួសប្រវែងសរុប ១១៧,៧ គីឡូម៉ែត្រ ទទឹង ០៥ម៉ែត្រ០៦ម៉ែត្រ និង០៨ម៉ែត្រ ស្ងិតនៅឃុំផ្គាំ ឃុំតាផូ ឃុំរលួស ឃុំឈ្នួរមានជ័យឃុំស្លក្រាម ឃុំសារង្គ ឃុំគុត្តសត ឃុំប៉ោយចារ ឃុំស្បូវ និងឃុំគោកកឋិន ស្រុកស្វាយចេក ស្រុកអូរជ្រៅ ស្រុកភ្នំស្រុក ស្រុកព្រះនេត្រព្រះ និងស្រុកថ្មពួក ខេត្តបន្ទាយមានជ័យ។

-គម្រោងទី០៣÷ ការងារថែទាំជាប្រចាំផ្លូវចំនួន១១ខ្សែ ដោយក្រាលល្បាយថ្មភ្នំ ប្រវែងសរុប ៧៧, ៦គីឡូម៉ែត្រ ទទឹង ០៥ ម៉ែត្រ ស្ថិតនៅសង្កាត់អូរតាវ៉ៅ ឃុំស្ទឹងត្រង់

ឃុំសាលាក្រៅ សង្កាត់បរយ៉ាខា ឃុំស្ទឹងកាច់ ឃុំអូរអណ្តូង និងសង្កាត់ប៉ៃលិន ស្រុកសាលាក្រៅ និងក្រុងប៉ៃលិន ខេត្តប៉ៃលិន

បន្ទាប់ពីបញ្ចប់ការត្រួតពិនិត្យ និងវាយតម្លៃលើខ្សែផ្លូវទាំង៣ ខាងលើគណៈកម្មាធិការអន្តរក្រសួងដឹកនាំដោយឯកឧត្តមរដ្ឋលេខាធិការ បានឯកភាពគ្នាបញ្ចប់សុពលភាពលើខ្សែផ្លូវខាងលើ ត្រឹមត្រូវតាមបច្ចេកទេស។

ទន្ទឹមនឹងនេះ ឯកឧត្តមរដ្ឋលេខាធិការបានសំណូមពរឱ្យបងប្អូនប្រជាពលរដ្ឋជួយចូលរួមថែទាំផ្លូវទាំងនេះឱ្យបានដិតដល់ដើម្បីធានាថាផ្លូវនេះអាចប្រើប្រាស់បានយូរអង្វែង និងបម្រើផលប្រយោជន៍រួម។