ឯកឧត្តមបណ្ឌិត ចាន់ ដារ៉ុង អញ្ជើញដឹកនាំមន្ត្រីបច្ចេកទេស ចូលរួមសិក្ខាសាលាចែករំលែកចំណេះដឹង ស្តីពី “ការកសាងហេដ្ឋារចនាសម្ព័ន្ធប្រកបដោយចីរភាព ភាពធន់ និងបរិយាប័ន្ន សម្រាប់រៀបចំដែនដី និងនគរូបនីយកម្ម កាន់តែល្អប្រសើរ”

រាជធានីភ្នំពេញ ៖ នាថ្ងៃពុធ ៩កើត ខែភទ្របទ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី១១ ខែកញ្ញា ឆ្នាំ ២០២៤ ឯកឧត្តមបណ្ឌិត ចាន់ ដារ៉ុង រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំមន្រ្តីចំនួន ៣រូប រួមមាន (១) លោក ស៊ីយ៉ុន សុចិត្រ អគ្គនាយករង នៃអគ្គនាយកដ្ឋានបច្ចេកទេស (២) លោកស្រី កែវ និស្ស័យ អនុប្រធាននាយកដ្ឋានផ្លូវលំជនបទ និង (៣) លោក សុខ វណ្ណៈ អនុប្រធានការិយាល័យ នៃនាយកដ្ឋានផ្លូវលំជនបទ ដើម្បីចូលរួមសិក្ខាសាលាចែករំលែកចំណេះដឹង ស្តីពី “ការកសាងហេដ្ឋារចនាសម្ព័ន្ធប្រកបដោយចីរភាព ភាពធន់ និងបរិយាប័ន្ន សម្រាប់រៀបចំដែនដី និងនគរូបនីយកម្ម កាន់តែល្អប្រសើរ” ក្រោមអធិបតីភាព ឯកឧត្តម លាង មុនីរិទ្ធិ រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងដែនដី នគរូបនីយកម្ម និងសំណង់៕