ឯកឧត្តម ឆាយ ឫទ្ធិសែន អញ្ជើញគោរពវិញ្ញាណក្ខន្ធសព ឧបាសិកា ទេស កំសាន ដែលត្រូវជាម្ដាយបង្កើតរបស់ ឯកឧត្ដម អឿន ធារិទ្ធ ប្រធាននាយកដ្ឋានអភិវឌ្ឍន៍សហគមន៍

ខេត្តកណ្ដាល ៖ នាព្រឹកថ្ងៃសុក្រ ១៤កើត ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៩ ខែកក្កដា ឆ្នាំ២០២៤ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានកិត្តិយសសមាគមសង្គហមិត្ត នៃក្រសួងអភិវឌ្ឍន៍ជនបទ បានអញ្ជើញទៅគោរពវិញ្ញាណក្ខន្ធសព ឧបាសិកា ទេស កំសាន ដែលត្រូវជាម្ដាយបង្កើតរបស់ ឯកឧត្ដម អឿន ធារិទ្ធ ប្រធាននាយកដ្ឋានអភិវឌ្ឍន៍សហគមន៍ នៃក្រសួងអភិវឌ្ឍន៍ជនបទ នៅភូមិចំបក់ត្រប់ ឃុំព្រែករកា ស្រុកកណ្ដាលស្ទឹង ខេត្តកណ្ដាល ។

សូមបញ្ជាក់ថា ឧបាសិកា ទេស កំសាន បានទទួលមរណៈភាព កាលពីថ្ងៃទី១៧ ខែកក្កដា ឆ្នាំ២០២៤ ក្នុងជន្មាយុ ៨១ឆ្នាំ ដោយជរាពាធ៕