មន្រ្តីសង្គម និងបរិស្ថាន នៃគម្រោងកែលម្អផ្លូវជនបទជំហានទី៣ បានចុះប្រមូលទិន្នន័យ និងធ្វើការអង្កេតចុងគ្រា (End line Survey) ក្នុងស្រុកកញ្ចៀច និងស្រុកកំចាយមារ

ខេត្តព្រៃវែង៖ នាថ្ងៃទី ០១-០៥ ខែកក្កដា ឆ្នាំ២០២៤ មន្រ្តីសង្គម និងបរិស្ថាន នៃនាយកដ្ឋានផ្លូវលំជនបទ ក្នុងគម្រោងកែលម្អផ្លូវជនបទជំហានទី៣ បានចុះប្រមូលទិន្នន័យ និងធ្វើការអង្កេតចុងគ្រា (End line Survey) សម្ភាសន៍ដល់អ្នកពាក់ព័ន្ធសម្រាប់កម្មវិធីអប់រំផ្សព្វផ្សាយសុវត្ថិភាពចរាចរណ៍ផ្លូវគោក ក្នុងគម្រោងកែលម្អផ្លូវជនបទជំហានទី៣ សម្រាប់ខ្សែផ្លូវ ១ ខ្សែ ពីឃុំក្ដឿងរាយ ដល់បឹងកក់ (PV1) ប្រវែង ២០,២ គ.ម នៅខេត្តព្រៃវែង ។

អ្នកចូលរួមក្នុងកិច្ចសម្ភាសន៍មានដូចជា៖  លោកគ្រូអ្នកគ្រូ នៃវិទ្យាល័យស្វាយរមៀត សិស្សានុសិស្សនៃវិទ្យាល័យស្វាយរមៀត អាជ្ញាធរមូលដ្ឋានឃុំក្ដឿងរាយ អាជ្ញាធរមូលដ្ឋានឃុំស៊ាងឃ្វាង ប្រជាពលរដ្ឋភូមិក្រូច ភូមិចារជ្រុំ ភូមិទួលសុភី និងភូមិត្នោត ស្ថិតក្នុងស្រុកកញ្ចៀច និងស្រុកកំចាយមារ ខេត្តព្រៃវែង ។