ក្រុមការងារមន្ទីរអភិវឌ្ឍន៏ជនបទខេត្តកំពត សហការជាមួយអាជ្ញាធរ ស្រុកអង្គរជ័យ ក្នុងការដឹកទឹកស្អាត ចែកជូនប្រជាពលរដ្ឋខ្វះខាតទឹកប្រើប្រាស់

ខេត្តកំពត៖ នាថ្ងៃសុក្រ ១០រោច ខែចេត្រ ឆ្នាំរោង ឆស័ក ព.ស. ២៥៦៧ ត្រូវនឹងថ្ងៃទី០៣ ខែ ឧសភា ឆ្នាំ២០២៤ ក្រុមការងារមន្ទីរអភិវឌ្ឍន៏ជនបទខេត្តកំពត សហការជាមួយអាជ្ញាធរ ស្រុកអង្គរជ័យ ក្នុងការដឹកទឹកស្អាត ចែកជូនប្រជាពលរដ្ឋក្នុងមូលដ្ឋានស្រុកសម្រាប់ហូប និងប្រើប្រាស់រួមមានដូចខាងក្រោម៖
១. ស្រុកអង្គរជ័យ ឃុំប្រភ្នំ ភូមិទួលខ្ពស់ ភូមិដំណាក់ក្រសាំង និង ភូមិក្រាំងថ្កូវ សរុបចំនួន ២០០ គ្រួសារ ស្មើនិង ៤ ឡាន ចំណុះ ២០ ០០០ លីត្រ និងពីដុងចំនួន៩ ។
២. ស្រុកទឹកឈូ ឃុំថ្មី ភូមិដូនស៊យ ជីកស្រះសហគមន៍ ០១កន្លែង និងបានដឹកទឹកស្អាតចែកជូនប្រជាពលរដ្ឋនៅភូមិត្រសេកកោង ជាពិសេសជូនគ្រួសារជនពិការ ចំនួន៦ពីដុងស្មើរនិង ១២០លីត្រ ព្រមទាំងជូនសំបកពីដុងចំនួន៦ផងដែរ ។

ដោយឡែកស្ថានភាពទូទៅសម្រាប់ខេត្តកំពត នៅពេលព្រឹក ម៉ោង ៦:៣០នាទី មានភ្លៀងធ្លាក់ប្រហែល២០នាទីនៅក្រុងកំពត និងផ្នែកខ្លះ នៃស្រុកទឹកឈូនិងស្រុកកំពង់ត្រាច។