ឯកឧត្តម នួន ពេជ្រនិមិត្ត រដ្ឋលេខាធិការក្រសួងអភិវឌ្ឍន៍ជនបទ បានដឹកនាំក្រុមការងារចុះជួយជួសជុលអណ្ដូងស្នប់ និងកិច្ចអន្តរាគមន៍លើការខ្វះខាតទឹកប្រើប្រាស់ ក្នុងស្រុកចំនួន២ នៃខេត្តស្ទឹងត្រែង

ខេត្តស្ទឹងត្រែង៖ នាព្រឹកថ្ងៃសុក្រ១០រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី០៣ ខែឧសភា ឆ្នាំ២០២៤ ឯកឧត្តម នួន ពេជ្រនិមិត្តរដ្ឋលេខាធិការក្រសួងអភិវឌ្ឍន៍ជនបទ បានដឹកនាំក្រុមការងារចុះជួយជួសជុលអណ្ដូងស្នប់ និងកិច្ចអន្តរាគមន៍លើការខ្វះខាតទឹកប្រើប្រាស់ និងទឹកបរិភោគ ដោយសារកត្តាប្រែប្រួលអាកាសធាតុ នៅភូមិរិទ្ធីសែនជ័យ១ ភូមិស្រែរមាំង ឃុំអូរស្វាយ ស្រុកបុរីអូរស្វាយសែនជ័យ និង ភូមិវាលព្រីង សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង ដោយមានការអញ្ជើញចូលរួមមានពីសំណាក់ ឯកឧត្តម ឌៀប កាណូរ៉ា អនុរដ្ឋលេខាធិការក្រសួងអភិវឌ្ឍន៍ជនបទ លោកអនុប្រធានមន្ទីរអភិវឌ្ឍន៍ជនបទ លោកអភិបាលរងនៃគណៈអភិបាលស្រុក លោក លោកស្រីអាជ្ញាធរភូមិ ឃុំ និងមន្ត្រីជំនាញនៃមន្ទីរអភិវឌ្ឍន៍ជនបទខេត្ត ជាលទ្ធផលទទួលបាន៖ត្រួតពិនិត្យស្រះចំនួន ១កន្លែង ត្រួតពិនិត្យ និងជួសជុលអណ្ដូងចំនួន ២កន្លែង។