ឯកឧត្តម ជាម ហ៊ីម អញ្ជើញជាគណៈអធិបតីក្មុងកិច្ចប្រជុំផ្សព្វផ្សាយខ្លឹមសារសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ

ខេត្តកោះកុង៖ នៅព្រឹកថ្ងៃសុក្រ ៥រោច ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៩ ខែមីនា ឆ្នាំ២០២៤

នៅមន្ទីរអភិវឌ្ឍន៍ជនបទខេត្តកោះកុង បានរៀបចំកិច្ចប្រជុំផ្សព្វផ្សាយខ្លឹមសារសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ ក្រោមអធិបតីភាពឯកឧត្តម ជាម ហ៊ីម រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឬទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ក្នុងនោះមានការអញ្ជើញចូលរួមដោយលោកអភិបាលរងខេត្ត អភិបាលរងស្រុក មន្ទីរអង្គភាពពាក់ព័ន្ធនានាបានអញ្ជើញជាគណៈអធិបតីក្មុងកិច្ចប្រជុំផ្សព្វផ្សាយខ្លឹមសារសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ សរុបអ្នកចូលរួមមានចំនួន ៣៥នាក់ ស្រី០៧នាក់។

 

ជាកិច្ចចាប់ផ្ដើម លោក អៀង ដារ៉ាវុធ ប្រធានមន្ទីរអភិវឌ្ឍន៍ជនបទខេត្តកោះកុង មានមតិស្វាគមន៍ នឹងអានជូនរបាយការណ៍លទ្ធផលសន្និបាតបូកសរុបការងារឆ្នាំ២០២៣ និងលើកទិសដៅការងារឆ្នាំ២០២៤។

 

ជាកិច្ចបន្ទាប់ ការអានខ្លឹមសារដោយសង្ខេបនូវអនុសាសន៍ដ៏ខ្ពង់ខ្ពស់ទាំង១៣ចំណុច របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ដោយ ឯកឧត្តម ជាម ហ៊ីម រដ្ឋលេខាធិការ ក្រសួងអភិវឌ្ឍន៍ជនបទ។

 

ជាកិច្ចបញ្ចប់ ឯកឧត្តមមានមតិផ្តាំផ្ញើនិងអនុសាសន៍

– សូមអោយយើងទាំងអស់គ្នាចេះរួបរួមសាមគ្គី កុំឈ្លោះគ្នា ពេលជួបបញ្ហាត្រូវរកវិធីដោះស្រាយដោយសន្តិវិធី មិនថានៅកន្លែងការងារ ក៏ដូចនៅក្នងសង្គមគ្រួសារ

– គោរពអោយតម្លៃគ្នាទៅវិញទៅមកក្នុងអង្គភាព

– ត្រូវចេះកែលំអររាល់ចំណុចខ្វះខាតដែលមានដើម្បីអោយមន្ទីរមានភាពរីកចម្រើន។

Share your thoughts