ឯកឧត្តម​ ឈឹម សៅគី រដ្ឋលេខាធិការប្រចាំការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំគណៈកម្មាធិការអន្តរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ដើម្បីចុះត្រួតពិនិត្យ និងវាយតម្លៃ​ប្រគល់-ទទួល លេីការងារស្ថាបនាផ្លូវ​ និងលូចំនួន២គម្រោង

ខេត្តកណ្តាល ៖ ថ្ងៃចន្ទ ៩រោច ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៤ ខែមីនា ឆ្នាំ ២០២៤​ ឯកឧត្តម​ ឈឹម សៅគី រដ្ឋលេខាធិការប្រចាំការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំគណៈកម្មាធិការអន្តរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ដើម្បីចុះត្រួតពិនិត្យ និងវាយតម្លៃ​ប្រគល់-ទទួល លេីការងារស្ថាបនាផ្លូវ​ និងលូចំនួន២គម្រោង៖

 

-គម្រោងទី១​ ៖​ ការងារស្ថាបនាផ្លូវក្រាលបេតុងចំនួន២ខ្សែ ប្រវែងសរុប ១ ៤៣០ ម (ខ្សែទី១ ប្រវែង ៣៩០ម និងខ្សែទី២ ប្រវែង ១ ០៤០ម) ទទឹង៦ម កម្រាស់ ០,២ម ចិញ្ចើមផ្លូវសងខាងក្រាលដីល្បាយថ្មភ្នំ ទទឹងម្ខាងៗ១ម កម្រាស់០,២ម ស្ថាបនាលូមូលមុខពីរកាត់ទទឹងផ្លូវចំនួន ១កន្លែង លូបណ្តោយផ្លូវប្រវែង ១ ០៦៥ម អណ្តូងលូចំនួន ២២កន្លែង និងផ្លាកឈ្មោះផ្លូវចំនួន៤កន្លែង ស្ថិតនៅភូមិចុងកោះ ឃុំកោះឧកញ្ញ៉ាតី ស្រុកខ្សាច់កណ្តាល ខេត្តកណ្តាល (DRR-NC-2023-No.033)។

 

-គម្រោងទី២​ ៖​ ការងារស្ថាបនាផ្លូវក្រាលបេតុងចំនួន១ខ្សែ មាន៤កំណាត់ ប្រវែងសរុប ២ ២២៥ម ទទឹង៦ម កម្រាស់០,១៥ម និងសាងសង់លូមូលមុខមួយចំនួន១កន្លែង ស្ថិតនៅភូមិព្រែកជ្រូក និងភូមិបាក់ដាវក្រោម ឃុំបាក់ដាវ ស្រុកខ្សាច់កណ្តាល ខេត្តកណ្តាល (DRR-NC-2023-No.088)។

 

ក្នុងឱកាសនេះដែរ ឯកឧត្តម រដ្ឋលេខាធិការប្រចាំការ ប្រធានគណៈប្រតិភូ បានជួបសំណេះសំណាលជាមួយប្រជាជន ហើយប្រជាជនក្នុងភូមិបានសំដែងសេចក្តីសប្បាយរីករាយជាខ្លាំងដែលទទួលបានផ្លូវចំនួន២ខ្សែនេះ។ ឯកឧត្តម ក៏បានណែនាំអោយលោកស្រី ប្រធានមន្ទីរអភិវឌ្ឍន៍ជនបទ ពិនិត្យ​ និងវាយតម្លៃលក្ខណៈសម្បត្តិក្នុងការរៀបចំភូមិគំរូនៅតំបន់នេះផងដែរ។

 

បន្ទាប់ពីបានចុះត្រួតពនិត្យ​ វាយតម្លៃលេីការងារទាំង​ ០២គម្រោងខាងលេី​ គណះកម្មាធិការអន្តរក្រសួងបានឯកភាពទទួលយកគម្រោងទាំង​ ០២​ខាងលេី  និងបានប្រគល់-ទទួល ១០០% ។

Share your thoughts