ឯកឧត្តម វ៉ាន សំអឿន  តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អញ្ជើញចូលរួមកិច្ចប្រជុំស្តីអំពី “ការអភិវឌ្ឍប្រព័ន្ធផ្គត់ផ្គង់ទឹកស្អាតប្រកបដោយចីរភាពសម្រាប់សហគមន៍ជនបទ  ដើម្បីកាត់បន្ថយផលប៉ះពាល់នៃការប្រែប្រួលអាកាសធាតុនៅខេត្តកំពង់ឆ្នាំង”

ខេត្តកំពង់ឆ្នាំង៖ ព្រឹកថ្ងៃអង្គារ ៩រោច ខែអស្សុជ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី៧ ខែវិច្ឆិកា ឆ្នាំ២០២៣ ឯកឧត្តម វ៉ាន សំអឿន រដ្ឋលេខាធិការក្រសួងអភិវឌ្ឍន៍ជនបទ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញចូលរួមកិច្ចប្រជុំស្តីអំពី “ការអភិវឌ្ឍប្រព័ន្ធផ្គត់ផ្គង់ទឹកស្អាតប្រកបដោយចីរភាពសម្រាប់សហគមន៍ជនបទ  ដើម្បីកាត់បន្ថយផលប៉ះពាល់នៃការប្រែប្រួលអាកាសធាតុនៅខេត្តកំពង់ឆ្នាំង” រួមជាមួយលោក យុន យ៉ុងបុង នាយកសាជីវកម្មបរិស្ថានកូរ៉េ លោក ដុងជីន មូន នាយកក្រុមហ៊ុន Glory & Tech ប្រចាំនៅកម្ពុជា លោក លី ស៊ុងហ៊ូន ប្រធានគ្រប់គ្រងទូទៅនៃការិយាល័យសហប្រត្តិការអន្តរជាតិ ព្រមទាំងអង្គភាពពាក់ព័ន្ធ ដែលមានថវិកា ចំនួន 166,650 US dollar រយៈពេល: ១២ខែ (២០២៣) ខេត្តគោលដៅ៖ ឃុំឈានឡើង ស្រុកសាមគ្គីមានជ័យ ខេត្តកំពង់ឆ្នាំង។

• ការដំឡើងប្រព័ន្ធទឹកស្អាតសម្រាប់បរិភោគចំនួន ០២ កន្លែង គឺ៖

១-  ក្នុងបរិវេណសាលាឃុំឈានឡើង (បានសាងសង់រួចរាល់ ១០០%)

២-  ភូមិអូរកាកុប (លំនៅដ្ឋានដីសម្បទានសង្គមកិច្ច)