![ឯកឧត្ដម ហួត សារឹម ប្រគេនទៀនវស្សា និងជូនអំណោយ ដល់ប្រជាពលរដ្ឋមានជីវភាពខ្វះខាតនៅ ស្រុកដំណាក់ចង្អើរ 8 photo 2024 07 26 12 38 10](https://www.mrd.gov.kh/wp-content/uploads/2024/07/photo_2024-07-26_12-38-10-150x150.jpg)
នាយកដ្ឋានអភិវឌ្ឍន៍ជនជាតិភាគតិច រៀបចំកិច្ចប្រជុំស្តីពីការផ្សព្វផ្សាយគោលនយោបាយជាតិ ស្តីពីការអភិវឌ្ឍន៍ជនជាតិដើមភាគតិច និតិវិធី និងទម្រង់ឯកសារដំណើរការកំណត់អត្តសញ្ញាណសហគមន៍ជនជាតិដើមភាគតិច ស្រុកថ្មបាំង ខេត្តកោះកុង
- ថ្ងៃទី៤ ខែវិច្ឆិកា ឆ្នាំ២០២៣ ម៉ោង ៨:០១ ព្រឹក
- សកម្មភាពក្រសួង
![នាយកដ្ឋានអភិវឌ្ឍន៍ជនជាតិភាគតិច រៀបចំកិច្ចប្រជុំស្តីពីការផ្សព្វផ្សាយគោលនយោបាយជាតិ ស្តីពីការអភិវឌ្ឍន៍ជនជាតិដើមភាគតិច និតិវិធី និងទម្រង់ឯកសារដំណើរការកំណត់អត្តសញ្ញាណសហគមន៍ជនជាតិដើមភាគតិច ស្រុកថ្មបាំង ខេត្តកោះកុង 2 photo 2023 11 02 15 16 29](https://www.mrd.gov.kh/wp-content/uploads/2023/11/photo_2023-11-02_15-16-29-1000x563.jpg)
ខេត្តកោះកុង ៖ នៅព្រឹកថ្ងៃព្រហស្បតិ៍ ៤រោច ខែអស្សុជ ឆ្នាំថោះបញ្ចស័ក ព.ស.២៥៦៧ត្រូវនឹងថ្ងៃទី២ ខែវិច្ឆិកា ឆ្នាំ២០២៣ លោក ទូច ប៉ អនុប្រធាននាយកដ្ឋាន តំណាងលោកស្រី នួន មុនីចិន្តា ប្រធាននាយកដ្ឋានអភិវឌ្ឍន៍ជនជាតិភាគតិច បានដឹកនាំក្រុមការងាររបស់នាយកដ្ឋានអភិវឌ្ឍន៍ជនជាតិដើមភាគតិច ជាមួយនឹង លោកស្រីអភិបាលរងខេត្ត និងក្រុមការងារបច្ចេកទេស បានរៀបចំកិច្ចប្រជុំ ស្តីពីការផ្សព្វផ្សាយគោលនយោបាយជាតិ ស្តីពីការអភិវឌ្ឍន៍ជនជាតិដើមភាគតិច និតិវិធី និងទម្រង់ឯកសារដំណើរការកំណត់អត្តសញ្ញាណសហគមន៍ជនជាតិដើមភាគតិច ដែលស្ថិតនៅភូមិជំនាប់ ឃុំជំនាប់ ស្រុកថ្មបាំង ខេត្តកោះកុង។ សមាសភាពចូលរួម ក្រុមការងារនាយកដ្ឋាន អភិបាលរងខេត្ត ប្រធានមន្ទីរ/ប្រធានការិយាល័យអភិវឌ្ឍន៍ជនបទខេត្តកោះកុង មន្ទីរពាក់ព័ន្ធ អភិបាលរងស្រុក មេឃុំ មេភូមិ និងសមាជិកក្រុមជនជាតិដើមភាគតិចជង ដែលមានចំនួនសរុប ៥៧នាក់។
ជាលទ្ធផលមានដូចខាងក្រោម៖
១. ប្រជាពលរដ្ឋជនជាតិដើមភាគតិចជង ក្នុងភូមិជំនាប់ ស្នើសុំឱ្យនាយកដ្ឋានរៀបចំដំណើរការនីតិវិធីកំណត់អត្តសញ្ញាណជនជាតិដើមភាគតិច
២. បងប្អូនជនជាតិដើមភាគតិចជង ភូមិជំនាប់បានស្រុះស្រួលឆន្ទះគ្នាក្នុងការបង្កើតជាសហគមន៍ជនជាតិដើមភាគតិច។
៣. បោះឆ្នោតជ្រើសរើសគណៈកម្មការសហគមន៍៕