ឯកឧត្តម អ៊ិន ចន្ថា អញ្ជើញចូលរួមកម្មវិធីបណ្តុះបណ្តាលស្តីពីដំណើរការនៃការអនុវត្ត “កម្មវិធីផ្តល់ដីការពារព្រៃដើម្បីរួមគ្នាអភិវឌ្ឍដោយចីរភាព”

រាជធានីភ្នំពេញ ៖ នាថ្ងៃចន្ទ ៧រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែមករា ឆ្នាំ២០២៥ ឯកឧត្តម អ៊ិន ចន្ថាតំណាងដ៍ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានអញ្ជើញចូលរួមជាគណៈអធិបតីក្នុងកម្មវិធីបណ្តុះបណ្តាលស្តីពីដំណើរការនៃការអនុវត្ត “កម្មវិធីផ្តល់ដី ការពារព្រៃដើម្បីរួមគ្នាអភិវឌ្ឍដោយចីរភាព” ដែលបានរៀបចំដោយលេខាធិការដ្ឋានផ្តល់ដីការពារព្រៃដើម្បីរួមគ្នាអភិវឌ្ឍដោយចីរភាព (ផ.ក.អ)  នៃគណៈកម្មាធិការជាតិដឹកនាំអនុវត្តកម្មវិធីផ្តល់ដីការពារព្រៃដើម្បីរួមគ្នាអភិវឌ្ឍដោយចីរភាព (ផ.ក.អ) ក្រោមអធិបតីភាពដ៍ខ្ពង់ខ្ពស់ ឯកឧត្តម សរ សុវណ្ណ រដ្ឋមន្រ្តីប្រតិភូអមនាយករដ្ឋមន្រ្តី, អនុប្រធានប្រចាំការ និងជាប្រធានលេខាធិការដ្ឋាន ផ .ក.អ នៅក្រសួងរៀបចំដែនដី នគររូបនីយកម្ម និងសំណង់ ដោយមានការចូលរួមពីលោក លោកស្រីអភិបាលក្រុង ស្រុក ខណ្ឌ, លោក លោកស្រី ជាមេឃុំ ចៅសង្កាត់ និងលោក ស្រីជាស្មៀន ឃុំ-ចៅសង្កាត់ ដែលមកពីខេត្តចំនួន ៤ គឺ ខេត្តកណ្តាល, កំពង់ឆ្នាំង, ព្រៃវែង និងរាជធានីភ្នំពេញ សរុបអ្នកចូលរួមចំនួន ៧៨០ រូប៕