ឯកឧត្តម គង់ គឹមនី អភិបាលរងខេត្ត និងជាប្រធាន PWG បានបើកកិច្ចប្រជុំប្រចាំក្រុមការងារបច្ចេកទេសថ្នាក់ខេត្តលើស័យផ្គត់ផ្គង់ទឹកស្អាត និងអនាម័យជនបទ (PWG)

ខេត្តក្រចេះ ៖ នាថ្ងៃអង្គារ ១២កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦ ខែកញ្ញា ឆ្នាំ២០២៣ ក្រុមការងារបច្ចេកទេសថ្នាក់ខេត្តលើវិស័យផ្គត់ផ្គង់ទឹកស្អាត និងអនាម័យជនបទ (PWG) បានបើកកិច្ចប្រជុំប្រចាំត្រីមាសទី២ ឆ្នាំ២០២៣ ក្រោមអធិបតីភាព ឯកឧត្តម គង់ គឹមនី អភិបាលរងនៃគណៈអភិបាលខេត្តក្រចេះ និងជាប្រធាន PWG ដើម្បីត្រួតពិនិត្យការងារដូចខាងក្រោម៖

១. ពិនិត្យវឌ្ឍនភាពការងារទឹកស្អាត និងអនាម័យ ដែលបានអនុវត្តកន្លងមក ដោយខេត្តក្រចេះមានអត្រាគ្រប់ដណ្តប់ទឹកស្អាត ៨៤% និងអត្រាគ្របដណ្តប់អនាម័យ ៧៤%

២. ពិភាក្សាលើវិធីសាស្ត្រផ្ទៀងផ្ទាត់ការបញ្ចប់បន្ទោបង់ពាសវាលពាសកាល (ODF)

៣. ការពន្លឿនផែនការ ODF តាមក្រុង

៤. បញ្ហាប្រឈម និងទិសដៅអនុវត្តបន្ត

៥. ចែករំលែកបទពិសោធន៍របស់ចៅសង្កាត់រកាកណ្តាល ក្រុងក្រចេះ ស្តីពីការពន្លឿន ODF តាមសង្កាត់ដែលអនុវត្តបានជោគជ័យកន្លងមក៕