ឯកឧត្តមបណ្ឌិត សៅ ជីវ័ន្ដ អញ្ជើញដឹកនាំកិច្ចប្រជុំផ្សព្វផ្សាយស្ដីពី ការរៀបចំរបាយការណ៍វឌ្ឍនភាពប្រចាំត្រីមាស និងប្រចាំឆ្នាំ សម្រាប់គម្រោង កម្មវិធីហិរញ្ញប្បទានពីដៃគូអភិវឌ្ឍន៍តាមគំរូរបាយការណ៍របស់ ក្រសួងសេដ្ឋកិច្ច និងហិរញ្ញវត្ថុ

រាជធានីភ្នំពេញ៖ នារសៀលថ្ងៃសុក្រ ៥កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៧ ខែវិច្ឆិកា ឆ្នាំ២០២៣ នៅទីស្ដីការក្រសួង ឯកឧត្តមបណ្ឌិត សៅ ជីវ័ន្ដ រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំផ្សព្វផ្សាយស្ដីពី ការរៀបចំរបាយការណ៍វឌ្ឍនភាពប្រចាំត្រីមាស និងប្រចាំឆ្នាំ សម្រាប់គម្រោង កម្មវិធីហិរញ្ញប្បទានពីដៃគូអភិវឌ្ឍន៍ តាមគំរូរបាយការណ៍របស់ ក្រសួងសេដ្ឋកិច្ច និងហិរញ្ញវត្ថុ ។

អង្គប្រជុំបានសម្រេចដូចខាងក្រោម៖

– បង្កើតក្រុមតេឡេក្រាម ដើម្បីទំនាក់ទំនង និងផ្ដល់ទម្រង់របាយការណ៍គំរូរបស់ក្រសួងសេដ្ឋកិច្ច និងហិរញ្ញវត្ថុ ដែលមានសមាសភាព នាយក និងប្រធានគ្រប់គ្រងគម្រោង ចូលរួម។

– គម្រោងនីមួយៗត្រូវរៀបចំរបាយការណ៍ប្រចាំត្រីមាសទី៣ ជាភាសាអង់គ្លេស និងត្រូវប្រជុំត្រួតពិនិត្យលើរបាយការណ៍នេះ នៅថ្ងៃទី៣០ ខែវិច្ឆិកា ឆ្នាំ២០២៣ មុនផ្ញើជូន ក្រសួងសេដ្ឋកិច្ច និងហិរញ្ញវត្ថុ៕