ឯកឧត្តមបណ្ឌិត នួន ពេជ្រនិមិត្ត រដ្ឋលេខាធិការ បានចុះពិនិត្យឧបករណ៍យកទឹកពីខ្យល់បរិយាកាសដោយប្រើប្រាស់ថាមពលពីពន្លឺព្រះអាទិត្យ (Air to Water)

ខេត្តព្រះវិហារ៖ នៅថ្ងៃព្រហស្បតិ៍ ១៥ រោច ខែពិសាខ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៦ ខែមិថុនា ឆ្នាំ២០២៤ ឯកឧត្តមបណ្ឌិត នួន ពេជ្រនិមិត្ត រដ្ឋលេខាធិការ បានចុះពិនិត្យឧបករណ៍យកទឹកពីខ្យល់បរិយាកាសដោយប្រើប្រាស់ថាមពលពីពន្លឺព្រះអាទិត្យ (Air to Water) ស្ថិតនៅភូមិកោះកេរិ៍ ឃុំស្រយង់ ស្រុកគូលែន ខេត្តព្រះវិហារ ដោយមានការចូលរួមអមដំណើរពីលោក ម៉ប់ ធីរិត ប្រធានមន្ទីរអភិវឌ្ឍន៍ជនបទខេត្តព្រះវិហារ ព្រមទាំងមន្រ្តីការិយាល័យជំនាញចំនួន៣រូប និងមានការចូលរួមពីលោកអភិបាលរងស្រុក អាជ្ញាធរឃុំ លោកមេភូមិកោះកេរិ្ត និងគណៈកម្មការគ្រប់គ្រងស្ថានីយ៍ទឹកភូមិកោះកេរិ៍ផងដែរ។ សរុបអ្នកចូលរួមចំនួន១០នាក់ ស្រី២នាក់។

ដោយខ្លឹមសារកិច្ចប្រជុំរួមមាន៖

១) ពិនិត្យមើលឧបករណ៍បច្ចេកទេសម៉ាស៊ីនផលិតទឹក

២) ពិភាក្សា និងណែនាំលើការងារគ្រប់គ្រងស្ថានីយ៍ទឹក ព្រមទាំងការកត់ត្រាកិច្ចបញ្ជីការ

៣) ការរៀបចំសួនច្បារ ការសម្អាតបរិស្ថាន និងការពង្រឹងរបងព័ទ្ធជុំវិញស្ថានីយ៍ទឹក។