លោក ហៃ ដាន អនុប្រធានមន្ទីរអភិវឌ្ឍន៍ជនបទខេត្តកណ្តាល បានចុះពិនិត្យផ្ទៀងផ្ទាត់ស្ថានបញ្ចប់ការបន្ទោបង់ពាសវាលពាសកាលកម្រិតខ្ពស់(ODF+)ថ្នាក់ខេត្ត។

ខេត្តកណ្តាល÷ នៅព្រឹកថ្ងៃព្រហស្បតិ៍ ៧រោច ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ១ ខែកុម្ភៈ ឆ្នាំ២០២៤ លោក ហៃ ដាន អនុប្រធានមន្ទីរអភិវឌ្ឍន៍ជនបទខេត្ត កណ្តាល និងជាសមាជិកក្រុមការងារចុះពិនិត្យផ្ទៀងផ្ទាត់ស្ថានបញ្ចប់ការបន្ទោបង់ពាសវាលពាសកាលកម្រិតខ្ពស់(ODF+)ថ្នាក់ខេត្ត រួមជាមួយ លោកគីម យូរី អនុប្រធានមន្ទីរអភិវឌ្ឍន៍ជនបទខេត្ត តំណាងលោកស្រី ជី ថាវី ប្រធានមន្ទីរអភិវឌ្ឍន៍ជនបទ និងជាអនុប្រធានអចិន្ត្រៃយ៍ក្រុមការងារ( ODF+) ថ្នាក់ខេត្តបានដឹកនាំក្រុមការងារមន្ទីរ អង្គភាព ជាសមាជិក សមាជិកាក្រុមការងារ(ODF+) ថ្នាក់ខេត្ត សហការជាមួយរដ្ឋបាលស្រុកលើកដែក ចុះពិនិត្យផ្ទៀងផ្ទាត់ស្ថានភាពបញ្ចប់ការបន្ទោបង់ពាសវាលពាសកាលកម្រិតខ្ពស់ (ODF+) ក្នុងភូមិសាស្រ្ត ស្រុកលើកដែក ដោយមានការអញ្ជើញចូលរួមផ្ទាល់ពីសំណាក់ លោក វ៉ាត រិទ្ធ អភិបាលរង នៃគណៈអភិបាលស្រុកលើកដែក និងក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទស្រុក (DWG-MWG-RWSSH) និងភាគីពាក់ព័ន្ធជាច្រើនរូបទៀត។

បន្ទាប់ពីការចុះពិនិត្យផ្ទៀងផ្ទាត់អង្កេតជាក់ស្តែងនៅតាមទីតាំងគោលដៅរួចមក ក្រុមការងារបានរៀបចំប្រជុំបូកសរុបវាយតម្លៃ ដោយមានការចូលរួមពីក្រុមការងារ(ODF+) ដើម្បីបញ្ជាក់ធានាអះអាងអំពីសុក្រិតភាពលើការអនុវត្តរបស់រដ្ឋបាល ក្រុង ស្រុក ហើយក៏ជាឱកាសសម្រាប់ក្រុមការងារ (DWG-MWG-RWSSH)ក្រុង ស្រុកនីមួយៗ ធ្វើការអះអាងអំពីលទ្ធផលរបស់ខ្លួន ក្រោយពីបញ្ចប់ការចុះអង្កេតជាក់ស្តែងតាមទីតាំង។

ជាលទ្ធផល ផ្អែកតាមការពិនិត្យ និងអង្កេតជាក់ស្តែងរបស់ក្រុមការងារ(ODF+) ថ្នាក់ខេត្ត ដែលបានចុះវាយតម្លៃ ស្រុកលើកដែកត្រូវបានសម្រេចទទួលបានជាស្រុក(ODF+)។