លោក ធីម សុធារ៉ា និងអភិបាលនៃគណៈអភិបាលស្រុកតាលោសែនជ័យ អញ្ជើញចូលរួមជាគណៈអធិបតីក្នុងពិធី ប្រកាសជាផ្លូវការរបស់ឃុំតាលោ ស្រុកតាលោសែនជ័យ ខេត្តពោធិ៍សាត់ ដែលបានបញ្ចប់ទាំងស្រុងនូវការបន្ទោបង់ពាសវាលពាសកាល (ODF)

ខេត្តពោធិ៍សាត់ ៖ នាព្រឹកថ្ងៃពុធ ៤កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៤ ខែធ្នូ ឆ្នាំ២០២៤ លោក ធីម សុធារ៉ា ប្រធានមន្ទីរអភិវឌ្ឍន៍ជនបទខេត្តពោធិ៍សាត់ និងលោក សំ ណារិទ្ធ អភិបាលនៃគណៈអភិបាលស្រុកតាលោសែនជ័យ បានអញ្ជើញចូលរួមជាគណៈអធិបតីក្នុងពិធី ប្រកាសជាផ្លូវការរបស់ឃុំតាលោ (មានភូមិចំនួន ២២ភូមិ) ស្រុកតាលោសែនជ័យ ខេត្តពោធិ៍សាត់ ដែលបានបញ្ចប់ទាំងស្រុងនូវការបន្ទោបង់ពាសវាលពាសកាល (ODF)។

ពិធីនេះមានការអញ្ជើញចូលរួមពី លោកអនុប្រធានមន្ទីរ ប្រធាន-អនុប្រធានការិយាល័យនៃមន្ទីរអភិវឌ្ឍន៍ជនបទខេត្ត អង្គការដៃគូអភិវឌ្ឍន៍ ក្រុមប្រឹក្សាស្រុក លោកអភិបាលរងស្រុក ក្រុមប្រឹក្សាឃុំ ប៉ុស្តិ៍រដ្ឋបាលឃុំ កងកម្លាំងទាំងបីប្រភេទ មណ្ឌលសុខភាពឃុំ លោកមេភូមិ-អនុភូមិ សមាជិកភូមិ បងប្អូនប្រជាពលរដ្ឋ លោកគ្រូ អ្នកគ្រូ និងសិស្សានុសិស្ស សរុបចំនួន ៣២៦នាក់ ដែលបានប្រារព្ធធ្វើឡើងនៅបរិវេណសាលាឃុំតាលោ។

សូមបញ្ជាក់ថា ឃុំតាលោ មានភូមិចំនួន ២២ភូមិ៕