កាលពីព្រឹកថ្ងៃទី ០៩ ខែ សីហា ឆ្នាំ២០១២ នៅសាលាស្រុកមេមត់ ខេត្តកំពងចាម ក្រុមការងារដឹកនាំដោយឯកឧត្តម សាន វិសាល អនុរដ្ឋលេខាធិការក្រសួងអភិវឌ្ឍន៍ជនបទ បានចុះសួរសុខទុក្ខ និងនាំយកអំណោយរបស់ឯកឧត្តម ជា សុផារ៉ា រដ្ឋមន្ត្រីក្រសួងអភិវឌ្ឍន៍ជនបទ ទៅចែកជូនយុវជនស្មគ្រ័ចិត្តសម្តេចតេជោ ដែលកំពុងចុះវាស់វែងដីធ្លីជូនបងប្អូនប្រជាពលរដ្ឋ នៅក្នុងឃុំកំពាន់ និងឃុំទន្លូង ស្រុកមេមត់ ខេត្តកំពង់ចាម ក្នុងឧិកាសដែលក្រុមយុវជនស្មគ្រ័ចិត្តឈប់សម្រាកពីការងារ ដើម្បីតាមដានទស្សនាការផ្សាយផ្ទាល់ការបកស្រាយរបស់សម្តេចតេជោនាយករដ្ឋមន្ត្រី ហ៊ុន សែន អំពីការងារបោះបង្គោលខណ្ឌសីមាព្រំដែនគោក និងការកំណត់ព្រំដែនសមុទ្ររវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម ក្នុងសម័យប្រជុំពេញអង្គពេញរដ្ឋសភា ។
គួររំលឹកថា យុវជនស្ម័គ្រចិត្តរបស់សម្តេចតេជោ ដែលវាស់ដីជូនប្រជាពលរដ្ឋនៅស្រុកមេមត់ មាន ០២ ក្រុម គឺ ក្រុមទី ២៤ ចុះអនុវត្តការងារនៅឃុំទន្លូង និងក្រុមទី ២៥ ចុះអនុវត្តការងារនៅឃុំកំពាន់ និងក្រុមការងាររបស់ក្រសួងដែនដីចំនួន ០២ ក្រុម ដែលបានចុះតាំងពីថ្ងៃទី ២៨ ខែមិថុនា ឆ្នាំ២០១២ ដែលបានទទួលលទ្ធផលគិតត្រឹមថ្ងៃទី ២៨ ខែកក្កដា ឆ្នាំ២០១២ ដូចខាងក្រោម៖
- ក្រុមទី ២៤ នៅឃុំទន្លូង
+ បានបំពេញសាលាប័ត្រព័ត៌មានបានចំនួន ៣២៥ក្បាលដី ស្មើ ៣១៦ គ្រួសារ មានទំហំ ១ ១៤៥,៩៨ ហ.ត
+ បំពេញទំរង់បែបបទនៃការប្រមូលទិន្នន័យក្បាលដីបានចំនួន ៣០៥ ក្បាលដី ស្មើ ៣០០គ្រួសារ មានទំហំ ៩៤៥,៩៨ ហ.ត
- ក្រុមទី ២៥ នៅឃុំកំពាន់
+ បំពេញកំរង និងសាលាប័ត្រអ្នកកាន់កាប់ដីបានចំនួន ៦៦៦ក្បាល ស្មើ ៩៦៩,៤៦ ហ.ត ស្មើនិង ៥៧៨ គ្រួសារ ។
+ ធ្វើការវាស់វែងដីនៅទីវាលបានចំនួន ៧៥៣ ក្បាលដី ស្មើនិង ២ ១៨១ចំណុច ស្មើនិង ១ ០៨០,៦២ ហ.ត ស្មើនិង ៦៨៤ គ្រួសារ ។
អត្ថបទ បណ្ឌិត ថេង ច័ន្ទសង្វារ