ក្នុងឆ្នាំ ២០១១ កន្លងទៅនេះ មន្ត្រីរាជការរបស់នាយកដ្ឋានអភិវឌ្ឍន៍សេដ្ឋកិច្ចជនបទបានចូលរួមយ៉ាង សកម្មក្នុងការអនុវត្តគោលនយោបាយ និងយុទ្ធសាស្ត្ររបស់ក្រសួងអភិវឌ្ឍន៍ជនបទ។ ការងារអភិវឌ្ឍន៍សេដ្ឋកិច្ច ជនបទត្រូវបានប្រមូលផ្តុំលើការជួយបង្កើនប្រាក់ចំណូលរបស់ប្រជាពលរដ្ឋជនបទ តាមរយៈការផ្តល់ឥណទាន ការផ្តល់បច្ចេកទេសបង្កើតមុខរបរអាជីវកម្មនិងមុខជំនួញខ្នាតតូច ការជួយសំរួលឲ្យផលិតផលរបស់គ្រួសារ គោលដៅនៃកម្មវិធីចូលទៅដល់ទីផ្សារ ការចុះតាមដានត្រួតពិនិត្យ និងពង្រឹងប្រតិបត្តិការឥណទានជនបទ ។
I- សកម្មភាព និងលទ្ធផលការងារ
១- ស្ថានភាពមន្ត្រីរាជការ
នាយកដ្ឋានអភិវឌ្ឍន៍សេដ្ឋកិច្ចជនបទ មានមន្ត្រីរាជការសរុប ២៤នាក់ (ប្រុស ២០ នាក់ ស្រី ០៤ នាក់) ក្នុងនោះមានប្រធាននាយកដ្ឋាន ០១ នាក់ អនុប្រធាននាយកដ្ឋាន ០៦នាក់ ប្រធានការិយាល័យ ០៤នាក់ អនុប្រធានការិយាល័យ ០៥ នាក់ និងមន្ត្រីបុគ្គលិកក្រោមឱវាទ ០៨ នាក់។
២ - ការងារអភិវឌ្ឍន៍សេដ្ឋកិច្ចជនបទ
២.១ -កម្មវិធីអភិវឌ្ឍន៍សេដ្ឋកិច្ចជនបទប្រើប្រាស់ថវិកាជាតិ
- បានចុះផ្សព្វផ្សាយ ពិនិត្យស្ថានភាពរស់នៅរបស់ប្រជាជន សក្តានុពលសេដ្ឋកិច្ចផ្សេងៗ និងជ្រើសរើសគ្រួសារប្រជាពលរដ្ឋដែលមានចំណាប់អារម្មណ៍ ដើម្បីចូលរួមអនុវត្តសកម្មភាពការងារគម្រោង នៅខេត្តព្រៃវែង កំពង់ចាម ពោធិសាត់ កំពង់ធំ ស្វាយរៀង កោះកុង និងបាត់ដំបង។
- បានបើកសិក្ខាសាលាបណ្តុះបណ្តាលចំនួន ០៣ វគ្គ នៅខេត្តស្វាយរៀង កំពង់ចាម និងកោះកុង ស្តីពីគោលគំនឹតសខាន់ៗក្នុងការបង្កើតមុខរបរអាជីវកម្មផលិតកម្មនិងការជួញដូរផ្សេងៗដែលមានសិក្ខាកាមចូលរួមចំនួន ១៦២នាក់។
- បានបើកសិក្ខាសាលាផ្សព្វផ្សាយចំនួន ០២វគ្គ នៅខេត្តបាត់ដំបង និងកំពង់ចាម ស្តីពីអត្ថប្រយោជន៍នៃឡជីវៈឧស្ម័ន្តនិងចង្ក្រានកែឆ្នៃប្រើអុសតិច ដែលមានសិក្ខាកាមចូលរួមចំនួន ១១៤នាក់។
- បានបណ្តុះបណ្តាលបច្ចេកទេស និងជួយបង្កលក្ខណៈបង្កើតមុខរបរត្បាញហូល ចំនួន០២វគ្គ មានប្រជាពលរដ្ឋចូលរួមចំនួន ៣០នាក់ នៅភូមិល្វេលើ និងភូមិព្រែកតាកែ ឃុំល្វេ និងបង្កើតមុខរបរត្បាញក្រមាចំនួន ០១វគ្គ មានប្រជាពលលរដ្ឋចូលរួមចំនួន ១៥នាក់ នៅសហគមន៍ជ្រោយសសិត ក្នុងឃុំមហាលាប ស្រុកកោះសូទិន ខេត្តកំពង់ចាម ។
- បានបណ្តុះបណ្តាលស្តីពីបច្ចេកទេសផលិតឡជីវឧស្ម័ន្តផ្នែកមេជាងចំនួន០១វគ្គ នៅឃុំជាងទង ស្រុកត្រាំកក់ ខេត្តតាកែវ ដែលមានប្រជាពលរដ្ឋជាសិក្ខាកាម ០៥ នាក់ និងបានសាងសង់ឡជីវឧស្ម័ន្តដោយសិក្ខាកាម បានចំនួន ០៣ កន្លែង សម្រាប់ប្រជាពលរដ្ឋ ០៣ គ្រួសារប្រើប្រាស់។
- បានបណ្តុះបណ្តាលបច្ចេកទេសចិញ្ចឹមត្រី ផ្តល់ពូជត្រីដល់ប្រជាពលរដ្ឋចំនួន ៤០ គ្រួសារ និងបច្ចេកទេសចិញ្ចឹមមាន់ ផ្តល់ពូជមាន់ដល់ប្រជាពលរដ្ឋចំនួន ៤០ គ្រួសារ នៅខេត្តកំពង់ចាម ខេត្តតាកែវ បាត់ដំបង និងស្វាយរៀង។
- បានបើកសិក្ខាសាលាផ្សព្វផ្សាយចំនួន ០៤ វគ្គ ស្តីពីការបន្សាំនឹងការប្រែប្រួលអាកាសធាតុ នៅទីស្តីការក្រសួងអភិវឌ្ឍន៍ជនបទ នៅខេត្តបាត់ដំបង កំពង់ចាម និងខេត្តព្រះសីហនុ ដែលមានមន្ត្រីថ្នាក់ដឹកនាំនាយកដ្ឋាននៃក្រសួងអភិវឌ្ឍន៍ជនបទ និងថ្នាក់ដឹកនាំនិងមន្រី្តជំនាញនៃមនី្ទរអភិវឌ្ឍន៍ជនបទខេត្តទាំង២៤ចូលរួមសរុប ចំនួន ២៣៣ នាក់។
- បានចុះតាមដានសកម្មភាពការងាររបស់ប្រជាពលរដ្ឋដែលបានទទួលការបណ្តុះបណ្តាលចំនួន ១១ លើក នៅខេត្តកំពង់ចាម បាត់ដំបង កោះកុង តាកែវ ស្វាយរៀង និងកំពង់ឆ្នាំង។
២.២ ការងារឥណទានជនបទ
- គណៈកម្មការត្រួតពិនិត្យគម្រោងឥណទានជនបទនៃក្រសួងអភិវឌ្ឍន៍ជនបទបានបើកកិច្ចប្រជុំ ០១លើក នៅខេត្តកោះកុង ដោយមានប្រធាន-អនុប្រធានមន្ទីរនិងមន្រី្តជំនាញចូលរួមចំនួន ៤២នាក់ ដើម្បីត្រួតពិនិត្យវាយតម្លៃលទ្ធផលនៃគម្រោងឥណទានជនបទ ដែលក្រសួងនិងមន្ទីរអភិវឌ្ឍន៍ជនបទខេត្តកំពង់ចាម បាត់ដំបង តាកែវ កំពត ពោធិសាត់ កោះកុង សៀមរាប និងបន្ទាយមានជ័យ អនុវត្តបានក្នុងឆមាសទី ១ ឆ្នាំ ២០១១ និងលើកទិសដៅវិធានការបន្ត។
- នៅខេត្តកំពង់ចាម ជាមួយនិងការខិតខំចុះផ្តល់និងប្រមូលប្រាក់ឥណទានមកវិញ ការងារតាមដានត្រួតពិនិត្យប្រតិបត្តិការគម្រាងឥណទានត្រូវបានបង្កើនសកម្មភាព។ គណៈកម្មការត្រួតពិនិត្យគម្រោង និងមន្ត្រីជំនាញនាយកដ្ឋានអភិវឌ្ឍន៍សេដ្ឋកិច្ចជនបទបានជួបប្រជុំជាមួយមន្ត្រីភ្នាក់ងារឥណទានជាញឹកញាប់ ដើម្បីត្រួតពិនិត្យលទ្ធផលឥណទាននិងហិរញ្ញវត្ថុ ការលំបាក ការប្រឈមផ្សេងៗ និងបានចុះត្រួតពិនិត្យដោយចោះៗដល់ភូមិនិងគ្រួសារគោលដៅចំនួន ០៨លើក ជួបប្រជាពលរដ្ឋខ្ចីប្រាក់ចំនួន ២៨៨នាក់ នៅភូមិចំនួន ២១ភូមិ ដើម្បីពិនិត្យអំពីការទទួលបានពិតប្រាកដនូវប្រាក់ឥណទាន ប្រសិទ្ធភាពនៃការប្រើប្រាស់ឥណទាន និងការសងត្រឡប់វិញ ។
- បានទំនាក់ទំនងជាមួយអង្គការ RACHA និងកៀងគរការបងើ្កតកម្មវិធីឥណទានទៅខេត្តបន្ទាយមានជ័យ បន្ថែមទៀត ដោយមានមន្ទីរអភិវឌ្ឍន៍ជនបទខេត្តជាដៃគូសហការអនុវត្ត ហើយបានផ្តល់ឥណទានចំនួន ១៥៨ ១២០ ០០០ រៀល សម្រាប់ប្រជាពលរដ្ឋចំនួន ៣៣០គ្រួសារ នៅភូមិចំនួន ០៩ ក្នុងឃុំ-សង្កាត់ចំនួន០៤ ស្រុកមង្គលបូរី និងក្រុងសិរីសោភ័ណ ។
- មន្ទីរអភិវឌ្ឍន៍ជនបទខេត្តព្រៃវែង បានធ្វើការបូកសរុបនិងតាមដានមូលនិធិឃុំនិងមូលនិធិភូមិនៅ ៣ស្រុក (កំពង់ត្របែក មេសាង បាភ្នំ) ទុនឥណទានសរុប ៨៦០ ១៥៧ ០០0រៀល មាន ៥២៨ ក្រុម សមាជិកសរុប ២ ៨៨៣នាក់។ នាយកដ្ឋាននិងមន្ទីរអភិវឌ្ឍន៍ជនបទខេត្ត បានជួបប្រជុំពិភាក្សាជាមួយមន្ត្រីតំណាងអង្គការ RACHA ១លើក និងបានសម្រេចឯកភាពគ្នាកំណត់យកភូមិមួយចំនួនក្នុង ស្រុកពារាំង និងស្រុកកំពង់ត្របែក ជាគោលដៅប្រតិបត្តិការឥណទាន។
- នៅខេត្តស្វាយរៀង មូលនិធិភូមិ-ឃុំ (ធនាគារភូមិឃុំ ) ចំនួន ២៩ នៅក្នុង ០៥ឃុំ ដែលមានប្រាក់សរុប ១៧៨ ៧៧៨ ០០០រៀល ឧបត្ថមដើមទុនពីអង្គការ Careត្រូវបានអនុវត្តផ្ទាល់ដោយសហគមន៍ និងដោយ មានការជួយគាំទ្របច្ចេកទេសនិងតាមដានត្រួតពិនិត្យពីមន្ទីរអភិវឌ្ឍន៍ជនបទខេត្តស្វាយរៀង។ មន្ត្រីបចេ្ចកទេសរបស់ក្រសួង បានចុះស្រាវជ្រាវស្ថានភាពឥណទានបាន១លើក និងបានជួបប្រជុំជាមួយគណៈកម្មការគ្រប់គ្រងមូលនិធិភូមិឃុំទាំងនោះចំនួន៦៨នាក់ ដើម្បីផ្តល់ការបំពាក់បំប៉នអំពីគោលការណ៍សំខាន់ៗនៃការគ្រប់គ្រងមូលនិធិភូមិឃុំនិងការងារឥណទាន។ បានចូលរួមសន្និបាតប្រចាំឆ្នាំ ២០១០ របស់សមាគមសន្សំប្រាក់និងឥណទាននានា ក្នុងស្រុកកំពង់រោទ៍។
- នៅខេត្តមណ្ឌលគីរី បានសហការជាមួយអង្គការ PYD បើកវគ្គបណ្តុះបណ្តាលអំពីការងារគ្រប់គ្រង និងវិធី សាស្ត្រដល់ក្រុមសន្សំប្រាក់របស់បងប្អូនជនជាតិដើមភាគតិច នៅឃុំពួជ្រៃ ឃុំស្រែអំពួង និងឃុំក្រង់តេះ ក្នុងស្រុកពេជ្រាដា។
គម្រាងឥណទានដែលគាំទ្រដោយវិទ្យាស្ថានសេដ្ឋកិច្ចជនបទកូរ៉េ
-ក្រសួងអភិវឌ្ឍន៍ជនបទបានទទួលថវិកាពីវិទ្យាស្ថានសេដ្ឋកិច្ចជនបទកូរ៉េ¬KREI¦ចំនួន ៦៩ ៥៥១,៥៤ $ ៖
- ៦៣ ៥៦៧,៥៣ $ ស្មើនឹង ២៦៥ ៥១៣ ៧៣០ រៀល សម្រាប់ធ្វើជាមូលនិធិឥណទានបង្វិល និង
- ៥ ៩៨៤,០១ $ ទៀត សម្រាប់ការងារគ្រប់គ្រងតាមដានត្រួតពិនិត្យប្រតិបត្តិការគម្រាង។
- គម្រាងនេះត្រូវបានអនុវត្តភ្ជាប់ជាមួយនឹងគម្រាងឥណទានក្រសួងអភិវឌ្ឍន៍ជនបទ ដោយប្រើប្រាស់គោលការណ៍ និងនីតិវិធីឥណទានរបស់គម្រាងឥណទាននៅខេត្តកំពង់ចាម និងស្ថិតក្រោមការតាមដានត្រួតពិនិត្យរបស់គណៈកម្មការត្រួតពិនិត្យ ¬Supervision Board ¦នៃក្រសួងអភិវឌ្ឍន៍ជនបទ។
- គិតត្រឹមថ្ងៃទី ៣0 ខែ វិចិ្ឆកា ឆ្នាំ ២០១១ គម្រាងនេះមានឥណទានដែលបាននិងកំពុងប្រើប្រាស់ដោយប្រជាពលរដ្ឋសរុបចំនួន ៣៦១ ៤៤៣ ០០០ រៀល ស្មើនឹង ៩០ ៣៦០ ,៧៥ US$ (គិតអត្រាប្តូរប្រាក់ ១US$ ស្មើ ៤០០០រៀល )ជាមួយអត្រាការប្រាក់ក្នុងចន្លោះពី ២,១%ទៅ ២,៣% ក្នុង១ខែ និងមានអ្នកខី្ចចំនួន ១៩២ នាក់ ដែលមានតំបន់គោលដៅ ០៦ភូមិ គឺ ភូមិ២ ភូមិ៣ ភូមិ៥ ក្នុងឃុំរការខ្នុរ ស្រុកក្រូចឆ្មារ និងភូមិត្រពាំងដុំ ភូមិត្របុស្ស ភូមិខ្លោង ក្នុងឃុំស្រទ្បប់ ស្រុកត្បូងឃ្មុំ ខេត្តកំពង់ចាម។
- ការសងប្រាក់ត្រទ្បប់មកវិញទាំងប្រាក់ដើម និងការប្រាក់បានគ្រប់ចំនួននិងទាន់តាមការកំណត់ ។
- ដើមទុនដំបូងទទួលពីម្ចាស់ជំនួយ ¬KREI¦ ពេលចាប់ផ្តើមគម្រាងមានចំនួន ២៦៥ ៥១៣ ៧៣០ រៀល ស្មើនឹង ៦៣ ៥៦៧ ,៥៣ US$ ¬ដើមទុនសម្រាប់ឥណទានបង្វិល ¦។
- ដើមទុនសរុបរបស់គម្រាង ¬Total Asset ¦ មានចំនួន ៣៨១ ០១០ ៣២០ រៀល ស្មើនឹង ៩៥ ២៥២ $ កើនលើសដើមទុនដំបូងនាពេលចាប់ផ្តើមគម្រាងចំនួន ១១៥ ៤៩៦ ៥៩០ រៀល ស្មើនឹង ២៨ ៨៧៤ $។
- គម្រោងឥណទានជនបទនេះ ត្រូវបានបេសកកម្មកូរ៉េ មួយក្រុមចុះមកតាមដានត្រួតពិនិត្យអំពីវឌ្ឍនភាពឥណទាននិងហិរញ្ញវត្ថុ និងប្រសិទ្ធភាពនៃការប្រើប្រាស់ឥណទានរបស់ប្រជាជន។
- នៅថ្ងៃទី០៩ ខែធ្នូ ឆ្នាំ២០១១ នាយកដ្ឋានអភិវឌ្ឍន៍សេដ្ឋកិច្ចជនបទបានសហការជាមួយវិទ្យាស្ថានសេដ្ឋកិច្ចជនបទកូរ៉េ រៀបចំសិក្ខាសាលាដើម្បីបូកសរុបវាយតម្លៃការអនុវត្តគម្រោងឥណទានជនបទដែលគាំទ្រថវិកាដោយកូរ៉េ ក្នុងរយៈពេល ០២ឆ្នាំ (២០១០-២០១១) និងកំណត់ទិសដៅបន្ត ដោយមានអ្នកចូលរួមមកពី វិទ្យាស្ថានសេដ្ឋកិច្ចជនបទកូរ៉េ (KREI) តំណាងអង្គការ RACHA តំណាងអង្គការ PRASAC តំណាង អង្គការ JICA មន្រី្តក្រសួងនិងមនី្ទរអភិវឌ្ឍន៍ជនបទ មន្រី្តគម្រោងឥណទានខេត្តកំពង់ចាម មេឃុំ មេភូមិ គណៈកម្មការ ឥណទាន និងអ្នខី្ចប្រាក់ សរុបចំនួន ៥២នាក់។
សរុបរួមគម្រោងឥណទានដែលក្រសួងនិងមន្ទីរអភិវឌ្ឍន៍ជនបទអនុវត្តផ្ទាល់ និងសហការជាមួយដៃគូបានផ្តល់ឥណទានសរុបចំនួន ៥ ៥៤៥,៥៣លានរៀល ស្មើនឹង ១ ៣៨៦ ៣៨៤ US$ មានគ្រួសារខ្ចីប្រាក់ចំនួន ៨ ៣១៦គ្រួសារ នៅភូមិគោលដៅចំនួន ២៩៣ភូមិ ១០៧ឃុំ ៣១ស្រុក ក្នុងខេត្តចំនួន ០៩ គឺ ខេត្តកំពង់ចាម បាត់ដំបង តាកែវ កំពត ពោធិសាត់ សៀមរាប កោះកុង បន្ទាយមានជ័យ និងស្វាយរៀង។
|
ល.រ |
ខេត្ត |
ទំហំឥណទានកំពង់ប្រើប្រាស់ ដោយអតិថិជន |
ចំនួនអ្នកខ្ចី(នាក់) |
ចំនួនភូមិ |
ចំនួនឃុំ |
ចំនួនស្រុក |
|
១ |
កំពង់ចាម |
៦០១ ១៣៧ $ |
១ ៥៩៨ |
៨៧ |
៣០ |
៨ |
|
២ |
ពោធិសាត់ |
២៩៩ ៤០២ $ |
២ ៧៤១ |
៨៩ |
២៣ |
៥ |
|
៣ |
កំពត |
៨៤ ២៥៩ $ |
៨៥៥ |
៣២ |
១៧ |
២ |
|
៤ |
សៀមរាប |
១០៤ ៤៨៨ $ |
១ ០១០ |
២២ |
១២ |
៦ |
|
៥ |
កោះកុង |
៨១ ៦៤០ $ |
៧៤៩ |
១០ |
៥ |
២ |
|
៦ |
បន្ទាយមានជ័យ |
៣៩ ៥៣០ $ |
៣៣០ |
៩ |
៤ |
២ |
|
៧ |
បាត់ដំបង |
៨៩ ៤២៧ $ |
៩៨ |
៧ |
៦ |
៣ |
|
៨ |
តាកែវ |
៣៣ ៣៦២ $ |
១១១ |
៩ |
៥ |
២ |
|
៩ |
ស្វាយរៀង |
៥៣ ៥៨៩ $ |
៨២៤ |
២៨ |
៥ |
១ |
|
សរុប |
១ ៣៨៦ ៣៨៤ $ |
៨ ៣១៦ នាក់ |
២៩៣ភូមិ |
១០៧ឃុំ |
៣១ស្រុក |
|
២.៣ - ការងារធនាគារស្រូវ ៖
- បានចុះតាមដាននិងផ្តល់ការណែនាំ ពង្រឹងអំពីការងារគ្រប់គ្រងការឲ្យខី្ច និងការប្រមូលស្រូវមកវិញ ដល់ គណៈកម្មការធនាគារស្រូវ នៅតាមភូមិមួយចំនួន ក្នុងស្រុកក្រូចឆ្មារ ស្រុកត្បូងឃ្មុំ និងេមមត់ខេត្តកំពង់ចាម។ ចំនួនស្រូវសរុបមាន ២៥ ២៩៥ គ.ក្រ មានអ្នកខ្ចីសរុប ៣៣៥ នាក់ (ស្រូវឲ្យខ្ចីចំនួន ១៣ ៤៨៦ គ.ក្រ ស្រូវនៅសល់ក្នុងជង្រុក ១១ ៨០៩ គ.ក្រ)
- មន្ទីរអភិវឌ្ឍន៍ជនបទខេត្តបន្ទាយមានជ័យ ខេត្តស្វាយរៀង កំពង់ស្ពឺ និងព្រៃវែង បានធ្វើការបូកសរុបនិងសម្របសម្រួលគាំទ្រផ្នែកបចេ្ចកទេសគ្រប់គ្រងដល់សហគមន៍ភូមិ ដែលបានអនុវត្តធនាគារស្រូវមានចំនួនសរុប ៥៦ ធនាគារស្រូវ ដែលមានបរិមាណស្រូវសរុបចំនួន ១៤៣ ៥៩៤ គ.ក្រ។
២.៣ -សកម្មភាពការងារផ្សេងៗ
-បានចូលរួមសិក្ខាសាលាស្តីពី “ការអភិវឌ្ឍវិស័យកសិកម្ម ពាណិជ្ជកម្ម និងកិច្ចសហប្រតិបត្តិការធ្វើសមាហរណកម្ម នៅតំបន់អាស៊ីខាងកើត” ដែលរៀបចំឡើងដោយក្រុមប្រឹក្សាស្តារអភិវឌ្ឍន៍វិស័យកសិកម្ម
-បានចូលរួមសិក្ខាសាលាផ្សព្វផ្សាយសេចក្តីសម្រេចសន្និបាតបូកសរុបការងារឆ្នាំ ២០១០ និងទិសដៅឆ្នាំ ២០១១ របស់ក្រសួងអភិវឌ្ឍន៍ជនបទ ដែលប្រព្រឹត្តទៅនៅខេត្តតាកែវ កណ្តាល កំពង់ស្ពឺ ប៉ៃលិន បាត់ដំបង បន្ទាយមានជ័យ ពោធិសាត់ និងកំពង់ឆ្នាំង។
-មន្រី្ត ០១រូបថ្នាក់អនុប្រធាននយកដ្ឋានបានទៅចូលរួមវគ្គណ្តុះបណ្តាលស្តីពី “ការផ្លាស់ប្តូរអាកាសធាតុនៅប្រទេសស៊ុយអែត រយៈពេល០៤សប្តាហ៍
-ចូលរួមកិច្ចប្រជុំ ០២ លើក ដើម្បីពិនិត្យកែសម្រួលសេចក្តីព្រាងសារាចរណែនាំស្តីពីការអនុវត្តប្រកាសអន្តរក្រសួងលេខ ២៣៩១ ប្រក ចុះថ្ងៃទី ២២ ខែធ្នូ ឆ្នាំ ២០១០ របស់ក្រសួងមហាផ្ទៃ និងក្រសួងអភិវឌ្ឍន៍ជនបទ ស្តីពីការរៀបចំ និងការប្រព្រឹត្តទៅរបស់គណៈកម្មាធិការអភិវឌ្ឍន៍ភូមិ (គ.អ. ភ.)
-ចូលរួមសិក្ខាសាលាស្តីពីគម្រោងបញ្ជ្រាបយេនឌ័រជំហ៊ានទី ០២ នៅខេត្តកំពង់ចាម ដែលរៀបចំឡើងដោយក្រសួងកិច្ចការនារី និងអង្គការ JICA
-ចូលរួមកិច្ចប្រជុំបូកសរុបសកម្មភាពការងារឆ្នាំ ២០១០ និងទិសដៅការងារឆ្នាំ ២០១១ របស់ក្រុមប្រឹក្សា ជាតិកម្ពុជាដើម្បីស្ត្រី ក្រោមអធិបតីភាព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
-ចូលរួមវេទិកាស្តីពីព្រឹទ្ធសភា និងការលើកកម្ពស់ការអនុវត្តគោលនយបាយវិមជ្ឈការ និងយេនឌ័រ នៅខេត្តបាត់ដំបង។
II- ទិសដៅ-ផែនការសម្រាប់ឆ្នាំ ២០១២
ការកំណត់ទិសដៅផែនការនេះ ផ្អែកតាមគោលនយោបាយ យុទ្ធសាស្ត្រ និង ផែនការរយៈពេល ៥ឆ្នាំ ពីឆ្នាំ ២០០៩ ដល់ ២០១៣ របស់ក្រសួងអភិវឌ្ឍន៍ជនបទ ដោយផ្តោតការយកចិត្តទុកដាក់លើ ៖
- បន្តពង្រឹងការគ្រប់គ្រងនិងប្រតិបត្តិការគម្រោងឥណទានឱ្យមានភាពជឿនលឿន ប្រកបដោយនិរន្តរភាពនិងប្រសិទ្ធភាព ដោយជំរុញការបង្កើនទំហំឥណទានសរុប ចំនួនអ្នកខ្ចី និងប្រមូលត្រទ្បប់មកវិញឱ្យបានក្នុងកំរិតអត្រាមួយខ្ពស់។កាត់បន្ថយសោហ៊ុយចំណាយប្រតិបត្តិការនិងបង្កើនប្រាក់ចំណូល ដើម្បីធ្វើឱ្យអត្រាការប្រាក់កាន់តែចុះទាប។
- បង្កើនកិច្ចសហការជាមួយមន្ទីរអភិវឌ្ឍន៍ជនបទខេត្ត និងអង្គការ RACHA ជាដៃគូ ដើម្បីតាមដានពង្រឹង កែលម្អ ការងារឥណទាននៅខេត្តពោធិសាត់ កំពត សៀមរាប កោះកុង និងផ្តល់ការបណ្តុះបណ្តាលដល់មន្ត្រីភ្នាក់ងារនិងគណៈកម្មការឥណទានភូមិ។ជាមួយនេះជំរុញកិច្ចសហការពង្រីកប្រតិបត្តិការគម្រោងឥណទានទៅខេត្តព្រៃវែង បន្ថែមទៀត។
- ប្រឹងប្រែងកៀរគរថវិកាពីប្រភពនានា ពិសេសពីសាធារណរដ្ឋកូរ៉េដើម្បីបង្កើនមូលនិធិ និងពង្រីកបណ្តាញប្រតិបត្តិការឥណទាន។
- បន្តអនុវត្តគម្រោង “ផ្តល់បច្ចេកទេសជំនាញ ដើម្បីបង្កើតមុខរបរ និងបង្កើនប្រាក់ចំណូល” ដែលប្រើប្រាស់ថវិកាតាមកម្មវិធី ។
- ចូលរួមពង្រឹងការងារធនាគារស្រូវ ការងារធនាគារគោក្របី ឱ្យប្រព្រឹត្តទៅប្រកបដោយប្រសិទ្ធិភាព ។
- បន្តពង្រឹងសមត្ថភាពមន្ត្រីរាជការ តាមរយៈការបើកវគ្គបណ្តុះបណ្តាលនៅនឹងកន្លែង និងបញ្ជូនឱ្យទៅរៀនសូត្របទពិសោធន៍ពីស្ថាប័ន អង្គការនានា។
ប្រធាននាយកដ្ឋាន