ក-សកម្មភាពសាងសង់ផ្ទះជូនគ្រួសារកងទ័ពជំហាន ១
ការងារអភិវឌ្ឍន៍នៅតាមបណ្តោយព្រំដែនទិសខាងលិចនិងទិសខាងជើងនៃព្រះរាជាណាចក្រម្ពុជា ដោយឡែកការ សាងសង់លំនៅដ្ឋានជូនគ្រួសារកងទ័ពនិងនគរបាល នៅភូមិទាំងប្រាំបួននៃស្រុកជាំក្សាន្ត ទទួលបានលទ្ធផលគួរអោយកត់ សំគាល់ ជាក់ស្តែងសកម្មភាពសាងសង់ផ្ទះជូនគ្រួសារកងទ័ពក្នុងជំហាន១ សំរេចបានប្រកបដោយជោគជ័យ ១០០ភាគរយ នៃផែនការ (១០០៩ខ្នង/១០០៩ខ្នង) ។
+ ថ្ងៃទី០៩.០៨.២០១១ គណៈប្រតិភូអន្តរក្រសួងដឹកនាំដោយឯកឧត្តម សាន វិសាល អនុរដ្ឋលេខាធិការក្រសួង អភិវឌ្ឍន៍ជនបទនិងជាអនុប្រធានលេខាធិការដ្ឋានដែលសមាសភាពចូលរួមមានពីថ្នាក់ដឹកនាំមន្រី្តរដ្ឋបាលព្រៃឈើរ,បរិស្ថាន រៀបចំដែនដីនគរូបនីយកម្ម (ថា្នក់ជាតិ),អភិបាលរងខេត្ត, អភិបាលរងស្រុកជាំក្សាន្ត,មន្ត្រីមន្ទីរអភិវឌ្ឍន៍ជនបទ,រដ្ឋបាល ព្រៃឈើរ,បរិស្ថាន ,រៀបចំដែនដីនគរូបនីយកម្មខេត្ត ,មេបញ្ជាការ មេបញ្ជាការរងកងពលតូចអន្តាគមន៍លេខ៨ បានចុះ សិក្សាទីតាំង និងកំណត់យកនិយាមការសំរាប់រៀបចំបង្កើតភូមិថ្មី របស់គ្រួសារកងទព័នៅកងពលតូចអន្តាគមន៍លេខ៨ ដែលមានផ្ទៃដីស្នើសុំចំនួន ៨.៨៤២ ហ.តក្នុងនោះដែរអង្គប្រជុំបានសម្រេចដូចខាងក្រោម៖
១-សម្រាប់គ្រួសារកងទ័ពវរៈសេនាតូចលេខ៣៨១ ត្រូវបានអាជ្ញាធរខេត្តប្រគល់ដីសម្រាប់សង់លំនៅដ្ឋាន នៅភូមិ ធម្មជាតិសម្តេចតេជោហ៊ុនសែន រីឯគ្រួសារកងទ័ពវរៈសេនាតូចលេខ៣៨៤ បានទទួលដីសម្រាប់សង់លំនៅដ្ឋាន នៅភូមិប្រាសាទក្រហមសែនជ័យ ស្រុកត្រពាំងប្រាសាទ ខេត្តឧត្តរមានជ័យរួចហើយ ដូច្នេះគ្រួសារទ័ពវរៈ៣៨១និង៣៨៤ ត្រូវបាន ទទួលតែដីសម្រាប់ធ្វើកសិកម្មតែប៉ុណ្ណោះ។
២-អង្គភាពកងពលតូចអន្តរាគមន៍លេខ៨ ត្រូវធ្វើផែនការប្រើប្រាស់ដីឡើងវិញដោយយោងតាមលទ្ថផលកាងារ របស់ក្រុមការងារថ្នាក់ខេត្តអំឡុង ខែ មីនា ,ខែមេសា ឆ្នាំ២០១១កន្លងមក។
- ដីស្រែនិងដីចំការជាកម្មសិទ្ធរបស់ប្រជាពលរដ្ឋកំពុងប្រើប្រាស់ (ក្រុមការងារខខេត្តបានធ្វើរួចម្តងហើយ)
- ដីសង់ផ្ទះនិងដីកសិកម្មដែលសម្រាប់ចែកជូនគ្រួសារកងទ័ព
- ដីសម្រាប់សាងសង់សាលារៀន
- ដីសម្រាប់សាងសង់មណ្ឌលសុខភាព
- ដីសម្រាប់សាងសង់វត្ត
- ដីសម្រាប់សាងសង់ផ្លូវ
- ដីសម្រាប់សាងសង់ផ្សារ
- ដីសម្រាប់សាងសង់សួនច្បានិងសួនកំសាន្ត
- ដីបំរុងផ្សេងៗទៀតដែលជាតម្រូវការចាំបាច់។ល៕និង។ល។
+ ថ្ងៃទី០៩.០៨.២០១១ នេះដែរគណៈប្រតិភូអន្តរៈក្រសួងមានសមាសភាពដដែល បន្ថែមលោកមេបញ្ជាការ, មេបញ្ជាការរងកងពលតូចអន្តរាគមន៍លេខ៧ដែលបានស្នើសុំដីសម្រាប់កសិកម្មចំនួន៨.៥៦៩ហ.ត។អាស្រ័យដោយអង្គភាព កងពលលេខ៧(ភូមិសែនជ័យ)មិនទាន់បានធ្វើការបែងចែកដីចំនួន ៤.៦១៥ ហ.ត ដែលមានអនុក្រឹត្យផ្តល់ជូនលេខ ១៩៥ អនក្របក ចុះថ្ងៃទី ២០ ខែវិច្ឆិកា ឆ្នាំ២០០៩ អាស្រ័យហេតុនេះអង្គប្រជុំសំរេចឲ្យអង្គភាពធ្វើផែនការប្រើប្រាស់ដីធ្លី ឲ្យបានច្បាស់លាស់ហើយធ្វើរបាយការណ៍ផ្ញើជូនគណៈកម្មការអន្តរក្រសួងដើម្បីគោរពស្នើសុំយោបល់សម្រេចពី ឯកឧត្តម ប្រធាន គណៈកម្មការអន្តរក្រសួងដើម្បីសម្របសម្រួលរៀបចំនិងអនុវត្តគម្រោងអភិវឌ្ឍន៍នៅតាមបណ្តោយព្រំដែន ទិស ខាងលិចនិងទិសខាងជើងនៃព្រះរាជាណាចក្រកម្ពុជា ។
ខ-ការលំបាក
- ភ្លៀងធ្លាក់ជោគជាំស្ទើររៀងរាល់ថ្ងៃ ព្រៃដុះក្រាស់ ពិបាកចុះចុចយកនិយាមការ។
- ដីស្នើសុំនៅតំបន់ខ្លះមិនទាន់បានធ្វើការបោសសំអាតមីន ។
- ដីដែលស្នើសុំភាគច្រើនស្ថិតក្នុងដែនជម្រកសត្វ ។
- មន្ទីរពាក់ពន្ធ័ដែលជាក្រុមការងារខេត្ត មានការរអ៊ូ រទាំពីសោហ៊ុយចំណាយពេលចុះបេសកកម្ម ។
គ-សន្និដ្ឋាន
អាស្រ័យដោយមានការដឹកនាំយ៉ាងហ្មត់ចត់ពីឯកឧត្តមប្រធានគណៈកម្មការអន្តរក្រសួងដើម្បីសម្របសម្រួលរៀបចំនិងអនុវត្តគម្រោងអភិវឌ្ឍន៍នៅតាមបណ្តោយព្រំដែនទិសខាងលិចនិងទិសខាងជើងនៃព្រះរាជាណាចក្រកម្ពុជា និងមានការ ដឹកនាំផ្ទាល់ពីឯកឧត្តមអភិបាលខេត្តនិងមានការសហការគ្នាបានល្អពីគ្រប់ស្ថាប័នជំនាញពាក់ពន្ធ័ ,អាជា្ញធរមូលដ្ឋានគ្រប់ លំដាប់ថ្នាក់ ជំរុញឲ្យដំណើរការនៃការអភិវឌ្ឍន៍របស់ក្រុមការងារទទួលបានលទ្ធផលជោគជ័យ ។
អ្នកធ្វើរបាយការណ៍ សេង សារី