I. សេចក្តីផ្តើម
ខេត្តឧត្តរមានជ័យស្ថិតនៅទិសឧត្តរនៃព្រះរាជាណាចក្រកម្ពុជា មានចម្ងាយប្រមាណជា៤៤៧គីឡូម៉ែត្រ ពីរាជធានី ភ្នំពេញ មានផ្ទៃដីសរុបចំនួន៦៦៣១.៧២ គីឡូម៉ែត្រក្រឡា ។ ខេត្តនេះមានព្រំប្រទល់ខាងកើតជាប់នឹងខេត្តព្រះវិហារ ខាង លិចជាប់នឹងខេត្តបន្ទាយមានជ័យ ខាងត្បូងជាប់នឹងខេត្តសៀមរាប និងខាងជើងប្រវែង២២៥គីឡូម៉ែត្រជាប់នឹងខេត្តស៊ី សាកេត ខេត្តបុរីរាំង និងខេត្ត សុរិន ប្រទេសថៃ និងមានស្រុកចំនួន០៤ និងក្រុង១ គឺ ស្រុកអន្លង់វែង ស្រុកត្រពាំងប្រាសាទ ស្រុកចុងកាល់ ស្រុកបន្ទាយ អំពិល និង ក្រុងសំរោង ។
II. ស្ថានភាពរបស់មន្ទីរ
១. រដ្ឋបាល និងបុគ្គលិក
មន្ទីរអភិវឌ្ឍន៍ជនបទខេត្តឧត្តរមានជ័យ ដឹកនាំដោយប្រធានមន្ទីរ០១រូប និងអមដោយអនុប្រធានមន្ទីរចំនួន០៣រូប រួមមានបុគ្គលិកសរុបចំនួន ៣៩នាក់ ក្នុងនោះនៅកម្រិតរដ្ឋបាលថ្នាក់មន្ទីរមានការិយាល័យជំនាញចំនួន០៨ និងថ្នាក់ស្រុក ចំនួន០៥ ។ នៅក្នុងខែ មិថុនា ឆ្នាំ២០១១នេះ មន្ត្រីចំនួន០៣រូបត្រូវបានប្រកាសតែងតាំងតាមប្រកាសរបស់ក្រសួង អភិវឌ្ឍន៍ជន បទលេខ១៣៤/១១ ចុះថ្ងៃទី ០៦ ខែមិថុនា ឆ្នាំ២០១១ ជាប្រធាន និងអនុប្រធានការិយាល័យ ដូចមាន រាយនាមខាងក្រោម ៖
- លោក ផេង សំបូរ ជាប្រធានការិយាល័យរដ្ឋបាល និងកិច្ចការទូទៅ
- លោក ទៀក ចាន់ណា ជាអនុប្រធានការិយាល័យរដ្ឋបាល និងកិច្ចការទូទៅ
- លោក សោម រ៉ូ ជាប្រធានការិយាល័យផ្លូវជនបទ
នៅក្នុងខែ មិថុនា ឆ្នាំ២០១១នេះ មានមន្ត្រីចំនួន០១រូប ត្រូវបានផ្ទេរពីមន្ទីរអភិវឌ្ឍន៍ជនបទខេត្តឧត្តរមានជ័យ ទៅបម្រើការងារនៅមន្ទីរអភិវឌ្ឍន៍ជនបទខេត្តពោធិសាត់ តាមប្រកាសលេខ០១៤១/១១ ចុះថ្ងៃទី ០៧ ខែ មិថុនា ឆ្នាំ២០១១ របស់ក្រសួងអភិវឌ្ឍន៍ជនបទ ដូចមានឈ្មោះខាងក្រោម ៖
- លោក ប្លង់ បញ្ញា ផ្ទេរពីមន្ទីរអភិវឌ្ឍន៍ជនបទខេត្តឧត្តរមានជ័យ ទៅបម្រើការងារនៅមន្ទីរអភិវឌ្ឍ
ជនបទខេត្តពោធិសាត់ ។
២.ផែនការ និងស្ថិតិ
- នៅថ្ងៃទី១៣ ខែមិថុនា ឆ្នាំ២០១១ ប្រធានការិយាល័យស្រុកចុងកាល់នៃមន្ទីរអភិវឌ្ឍន៍ជនបទ ចូលរួម ប្រជុំធ្វើផែនការអភិវឌ្ឍន៍ ៥ឆ្នាំស្រុកចុងកាល់លើកទី១ សមាសភាពចូលរួម២៧រូប ស្រី០៥រូប ។
- នៅថ្ងៃទី៣០ ខែឧសភា ឆ្នាំ២០១១ លោកអនុប្រធានការិយាល័យផ្គត់ផ្គង់ទឹកស្អាតជនបទ បានចូលរួមប្រជុំស្តី ពីការបូកសរុបការអនុវត្តន៍កម្មវិធីរយៈពេលបួនខែ ឆ្នាំ២០១១និងរៀបចំផែនការសកម្មភាពសម្រាប់ខែ ឧសភា-មិថុនា ឆ្នាំ២០១១ របស់ គ.អ.ជ.ខ នៅសាលប្រជុំគណកម្មាធិការប្រតិបត្តិខេត្ត ។
៣. កិច្ចប្រជុំផ្សេងៗ និងទំនាក់ទំនងសាធារណៈ
- មន្ទីរបានរៀបចំកិច្ចប្រជុំប្រចាំខែ ស្តីពីការងាររីកចម្រើន និងការផ្សព្វផ្សាយអំពីប្រកាសអន្តរក្រសួងស្តីពីសារា ចរណែនាំពីគ.អ.ភ មានអ្នកចូលរួមសរុប២៦នាក់
- នៅថ្ងៃទី១៥ ខែមិថុនា ឆ្នាំ២០១១ លោកប្រធានមន្ទីរអភិវឌ្ឍន៍ជនបទចូលរួមជាភ្ញៀវកិត្តិយសក្នុងពិធីអបអរ សាទរខួបអនុស្សាវរីយ៏លើកទី៤ ថ្ងែបង្កើតសមាគមន៍អតីតយុទ្ធជនកម្ពុជា ក្នុងសាលប្រជុំសាលាខេត្ត។
- នៅថ្ងៃទី១៦ ខែមិថុនា ឆ្នាំ២០១១ លោកអនុប្រធានមន្ទីរអភិវឌ្ឍន៍ជនបទ បានចូលរួមប្រជុំប្រគល់សមិទ្ធិផល គម្រោង FAO-EU FFP នៅមន្ទីរកសិកម្មខេត្តឧត្តរមានជ័យ។
- លោកអនុប្រធានការិយាល័យស្រុកចុងកាល់នៃមន្ទីរអភិវឌ្ឍន៍ជនបទ បានចូលរួមផ្សព្វផ្សាយព៌ត័មានដល់ ជនពិការយករទេះពីសាខាកាកបាទក្រហមចុងកាល់ និងសហការណ៍ជាមួយអាជ្ញាធរភូមិឃុំ ការកាត់បន្ថយ គ្រោះថ្នាក់គ្រាប់មិនទាន់ផ្ទុះដល់ប្រជាពលរដ្ឋ។
- នៅថ្ងៃទី០២ ខែមិថុនា ឆ្នាំ២០១១ លោកប្រធានមន្ទីរអភិវឌ្ឍន៍ជនបទ រួមនឹងប្រធានការិយាល័យអភិវឌ្ឍន៍ សហគមន៍ ចូលរួមសិក្ខាសាលាផ្សព្វផ្សាយសារាចរណែនាំស្តីពីការអនុវត្តប្រកាសអន្តរក្រសួងស្តីពីការបង្កើត និងការប្រព្រឹត្តទៅរបស់គណៈកម្មាធិការអភិវឌ្ឍន៍ភូមិ (គ.អ.ភ.) នៅសាលប្រជុំក្រសួងអភិវឌ្ឍន៍ជនបទ។
- នៅថ្ងៃទី០៩ ខែមិថុនា ឆ្នាំ២០១១ លោកអនុប្រធានមន្ទីរអភិវឌ្ឍន៍ជនបទ បានចូលរួមជួបជាមួយអគ្គកុងស៊ុល វៀតណាមប្រចាំខេត្តបាត់ដំបង នៅសាលប្រជុំសាលាខេត្តឧត្តរមានជ័យ។
- នៅថ្ងៃទី១៧ ខែមិថុនា ឆ្នាំ២០១១ លោកប្រធានមន្ទីរអភិវឌ្ឍន៍ជនបទ ចូលរួមប្រជុំស្តីពីការធ្វើរបាយការណ៍ ជូនអាជ្ញាធរសវនកម្មជាតិ នៅសាលប្រជុំតូចសាលាខេត្ត។
- នៅរសៀលថ្ងៃទី១៧ ខែមិថុនា ឆ្នាំ២០១១ លោកអនុប្រធានមន្ទីរអភិវឌ្ឍន៍ជនបទ ចូលរួមប្រជុំស្តីពីការរៀប ចំដីសម្បទានសង្គមកិច្ច នៅសាលប្រជុំតូចសាលាខេត្ត។
- នៅថ្ងៃទី២១ ខែមិថុនា ឆ្នាំ២០១១ លោកអនុប្រធានមន្ទីរអភិវឌ្ឍន៍ជនបទ បានចូលរួមក្នុងពិធីបំពាក់កន្សែង នៅមន្ទីរអប់រំយុវជន និងកីឡា។
III. សកម្មភាពតាមវិស័យ
១. ការងារផ្លូវជនបទ
- នៅក្នុងខែ មិថុនា ឆ្នាំ២០១១ ក្រុមការងារបានចុះប្រមូលទិន្នន័យដើម្បីធ្វើបញ្ជីសារពើភ័ណ្ឌ ខ្សែផ្លូវជនបទ ក្នុងក្រុងសំរោង សរុប ៦១០៥៤ ម៉ែត្រ រួមមាន៖
១.ផ្លូវប្រភេទទី១ មានចំនួន ៤៥៣៦០ ម៉ែត្រ។
២.ផ្លូវប្រភេទទី២ មានចំនួន ៤៦០០ ម៉ែត្រ។
៣.ផ្លូវប្រភេទទី៣ ១១០៩៤ ម៉ែត្រ
៤.ផ្លូវប្រភេទទី៤ គ្មាន
២. ការងារផ្គត់ផ្គង់ទឹកស្អាត
- នៅថ្ងៃទី១៥ ខែមិថុនា ឆ្នាំ២០១១ លោកអនុប្រធានការិយាល័យផ្គត់ផ្គង់ទឹកស្អាតជនបទ បានចូលរួមប្រជុំ ស្តីពីដំណើរការនិងនិតិវិធីសម្រាប់ជ្រើសរើសកម្មវិធីចំណាយប្រតិបត្តិការអាទិភាព សម្រាប់អនុវត្ត ផអ៣ នៅសាលប្រជុំគណកម្មាធិការប្រតិបត្តិខេត្ត។
- ក្រុមការងារមន្ត្រីបច្ចេកទេសទឹក បានចុះប្រមូលទិន្នន័យអណ្តូងគ្រប់ប្រភេទដែលមានក្នុងខេត្តឧត្តរមានជ័យ ដោយសការណ៍ជាមួយមន្ទីរ ជំនាញពាក់ព័ន្ធ និងអាជ្ញាធរមូលដ្ឋាន ដើម្បីចងក្រងជាប្រព័ន្ធទិន្នន័យមូលដ្ឋាន។
៣. ការងារថែទាំសុខភាពបឋម
- នៅថ្ងៃទី០៦ ខែមិថុនា ឆ្នាំ២០១១ មន្ត្រីបច្ចេសទេសអនាម័យនៃមន្ទីរអភិវឌ្ឍន៍ជនបទប្រជុំពិភាក្សាជាមួយ មន្ត្រីអប់រំយុវជននិងកីឡា សី្តពីការធ្វើសូចនាករនៅតាមសាលាបឋមសិក្សាក្នុងខេត្ត នៅមន្ទីរអប់រំយុវជន និងកីឡាខេត្តឧត្តរមានជ័យ សមាសភាពចូលរួមចំនួន ០៤រូប។
- នៅថ្ងៃទី១៣-១៦ ខែមិថុនា ឆ្នាំ២០១១ លោកអនុប្រធានការិយាល័យថែទាំសុខភាព ចូលរួមក្នុងវគ្គបណ្តុះ បណ្តាលគ្រូបង្គោលស្តីពីការអនុវត្តវិធីសាស្ត្រសហគមន៍ដឹកនាំអនុវត្តអនាម័យទាំងស្រុងនៅអង្គការ CHHRA
- នៅថ្ងៃទី០៧ ខែមិថុនា ឆ្នាំ២០១១ មន្ត្រីបច្ចេសទេសអនាម័យនៃមន្ទីរអភិវឌ្ឍន៍ជនបទប្រជុំពិភាក្សាជាមួយ មន្ត្រីកាកបាទក្រហមខេត្ត សី្តពីការការកំណត់គ្រសារនិងទីតាំងសអនុវត្តបង្គន់អនាម័យតាមសហគមន៍ នៅការិយាល័យកាកបាទក្រហមខេត្តឧត្តរមានជ័យ សមាសភាពចូលរួមចំនួន ០៣រូប។
- នៅថ្ងៃទី១៥ ខែមិថុនា ឆ្នាំ២០១១ មន្ត្រីបច្ចេសទេសអនាម័យនៃមន្ទីរអភិវឌ្ឍន៍ជនបទប្រជុំពិភាក្សាជាមួយមន្ត្រី រដ្ឋបាលសុខាភិបាលខេត្តស្តីពី សូចនាករអនាម័យតាមមណ្ឌលសុខភាព នៅមន្ទីរសុខាភិបាលខេត្តឧត្តរ មានជ័យ សមាសភាពចូលរួមមាន ០៣រូប។
៤. ការងារអភិវឌ្ឍន៍សហគមន៍
- មន្ទីរបានបើកកិច្ចប្រជុំមួយស្តីពីការផ្សព្វផ្សាយសារាចរណែនាំពីគណៈកម្មការអភិវឌ្ឍន៍ភូមិ របស់ប្រកាសអន្តរ ក្រសួងគឺក្រសួងអភិវឌ្ឍន៍ជនបទ និងក្រសួងមហាផ្ទៃ ។
- ជីកស្រះគ្រួសារចំនួន៦ និងបានផ្តល់ជូនគ្រួសារចំនួន៦ ស្ថិតក្នុងស្រុកបន្ទាយអំពិល៣គ្រួសារ និងក្រុងសំរោង ចំនួន៣គ្រួសារ ។
- បានផ្តល់ពូជមេគោចំនួន៤ក្បាលដល់គ្រួសារចំនួន៤ ស្ថិតក្នុងក្រុងសំរោង
- បានផ្តល់ពូជបន្លែគ្រប់មុខចំនួន៥១០០ក្រាមសម្រាប់៦គ្រួសារ ស្ថិតក្នុងស្រុកបន្ទាយអំពិល និងក្រុងសំរោង។
៥. គម្រោងកម្មវិធី
៥.១ គម្រោងសាច់ប្រាក់ពលកម្ម (Cash for Work) ចំនួន១២គម្រោង បានបញ្ចប់សកម្មភាពការងាររួចរាល់ ១០០% ជាស្ថាពរ ។
+ គម្រោងខ្នាតធំ (Civil Work) បានសម្រេចលទ្ធផលរួមមាន៖
-ផ្លូវក្រាលគ្រួសក្រហម ភូមិខ្នារ ឃុំក្រសាំង ស្រុកចុងកាល់ ០១ខ្សែ មានប្រវែង ៤៥០០ម៉ែត្រ អនុវត្ត ដោយក្រុមហ៊ុន វិមានជ័យ ចាប់ផ្តើម សាងសង់នៅថ្ងៃទី២៧ ខែមេសា ឆ្នាំ២០១១ បាន ៤៥% ។
- ផ្លូវក្រាលគ្រួសក្រហម ភូមិគោកស្ពាន ឃុំក្រសាំង ស្រុកចុងកាល់ ០១ខ្សែ មានប្រវែង ៤០០០ម៉ែត្រ អនុវត្តដោយក្រុមហ៊ុន វិមានជ័យ ចាប់ផ្តើមសាងសង់នៅថ្ងៃទី ២៧ ខែមេសា ឆ្នាំ២០១១ បាន ៤៥% ។
- ផ្លូវក្រាលគ្រួសក្រហម ភូមិស្រះព្រិច សង្កាត់កូនកៀល ក្រុងសំរោង ០១ខ្សែ មានប្រវែង ៥៥០០ម៉ែត្រ អនុវត្តដោយក្រុមហ៊ុន វ៉ាត ឈិញ ចាប់ផ្តើមសាងសង់ នៅថ្ងៃទី១៨ ខែមេសា ឆ្នាំ២០១១ បាន ៦០% ។
- ផ្លូវក្រាលគ្រួសក្រហម ភូមិគោកមន ឃុំគោកមន ស្រុកបន្ទាយអំពិល ០១ខ្សែ មានប្រវែង ៣០០០ម៉ែត្រ អនុវត្តដោយក្រុមហ៊ុន លាំ ឈើន ចាប់ផ្តើមសាងសង់នៅថ្ងៃទី ២២ ខែមេសា ឆ្នាំ២០១១ សម្រេច បានលទ្ធផល ៨៥% ។
- ផ្លូវក្រាលគ្រួសក្រហម ភូមិតាម៉ា ឃុំគោកមន ស្រុកបន្ទាយអំពិល ០១ខ្សែ មានប្រវែង ២៧០០ម៉ែត្រ អនុវត្តដោយក្រុមហ៊ុន គិន សួន ចាប់ផ្តើម សាងសង់នៅថ្ងៃទី២២ ខែមេសា ឆ្នាំ២០១១ បាន ៥០% ។
- ផ្លូវក្រាលគ្រួសក្រហម ភូមិជ្រឹង សង្កាត់កូនកៀល ក្រុងសំរោង ០១ខ្សែ មានប្រវែង ៤០០០ម៉ែត្រ អនុវត្តដោយក្រុមហ៊ុន វ៉ាត ឈិញ ចាប់ផ្តើមសាងសង់ នៅថ្ងៃទី១៨ ខែមេសា ឆ្នាំ២០១១ បាន ៥០% ។
៥.២ គម្រោងស្តារហេដ្ឋារចនាសម្ព័ន្ធខេត្ត និងជនបទ (PRIP)
+ នៅថ្ងៃទី២០ ខែមិថុនា ឆ្នាំ២០១១ ប្រធានអង្គភាពគម្រោងរួមនឹងមន្ត្រីអនុវត្តគម្រោង បានចុះត្រួតពិនិត្យ ខ្សែផ្លូវក្រាលគ្រួសក្រហមមួយខ្សែមានប្រវែងចំនួន ៥,៥០០មែត្រ និងបានកំណត់បញ្ចប់សកម្មភាពការងារ រួចរាល់ជាស្ថាពរ ១០០% ។
៥.៣ គម្រោងផ្គត់ផ្គង់ទឹកស្អាត និងអនាម័យជនបទ IMF
+ កម្មវិធីផ្គត់ផ្គង់ទឹកស្អាត-អនាម័យ
- អណ្តូងស្នប់អាហ្វ្រីដេហ្វចំនួន១៦កន្លែង ក្នុងចំនោម៦០កន្លែង ត្រូវបានខួងរួចរាល់ដែលមានទីតាំងស្ថិត នៅក្នុងឃុំគោកមន ០៨កន្លែង និងឃុំអំពិល ០៨កន្លែង ស្រុកបន្ទាយអំពិល ក្នុងនោះមានចំនួន១១កន្លែង ខួងគ្មានទឹក។
- អណ្តូងស្នប់អាហ្វ្រីដេហ្វចំនួន១៦កន្លែងត្រូវបានត្រួតពិនិត្យ និងតម្រង់ទិសការងារបច្ចេកទេសដែល ស្ថិតនៅឃុំគោកមន០៨កន្លែង និងឃុំអំពិលចំនួន០៨កន្លែង ស្រុកបន្ទាយអំពិល ក្នុងនោះខួងគ្មាន ទឹកចំនួន ១១កន្លែង។
- បង្គន់អនាម័យចំនួន០៧ក្នុងចំណោម ១១០០បង្គន់ត្រូវបានសាងសង់រួចរាល់ជាស្ថាពរដោយក្រុមហ៊ុនJNR ដែលមានទីតាំងស្ថិតនៅក្នុង ភូមិពពេលសែនជ័យ ឃុំអូរស្វាយ ស្រុកត្រពាំងប្រាសាទ ។
- នៅថ្ងៃទី០១-០២ ខែមិថុនា ឆ្នាំ២០១១ ចុះរៀបចំចងក្រងក្រុមអ្នកប្រើប្រាស់ទឹក និងអនាម័យនៅសង្កាត់ សំរោង និងសង្កាត់កូនក្រៀល ក្រុងសំរោង សរុបបានចំនួន ១០ក្រុម ស្មើនឹង ២២៩នាក់ ស្រីចំនួន ១៣៩នាក់ ។
- នៅថ្ងៃទី ០៣-០៤ ខែមិថុនា ចុះរៀបចំចងក្រងក្រុមអ្នកប្រើប្រាស់ទឹកស្អាត និងអនាម័យ នៅឃុំអំពិល និងឃុំគោកមន ស្រុកបន្ទាយអំពិលចំនួន២វគ្គ ស្មើនឹង០៥ក្រុម សរុបអ្នកចូលរួម ១៣០នាក់ក្នុងនោះ ស្រី៤៩នាក់។
- នៅថ្ងៃទី ០៥-០៦ ខែមិថុនា ចុះបើកបណ្តុះបណ្តាលក្រុមអ្នកប្រើប្រាស់ទឹកស្អាត និងអនាម័យ នៅក្រុង សំរោង ចំនួន២វគ្គ ស្មើនឹង១០ក្រុម សរុបអ្នកចូលរួម ៦៦នាក់ ស្រី៣១នាក់។
- នៅថ្ងៃទី០៨ ខែមិថុនា ឆ្នាំ២០១១ បណ្តុះបណ្តាលក្រុមអ្នកប្រើប្រាស់ទឹក និងអនាម័យ ស្រុកបន្ទាយអំពិល ចំនួន១វគ្គ ស្មើនឹង៥ក្រុម សរុបអ្នកចូលរួម ចំនួន៣៧នាក់ ស្រី ១៤នាក់ ។
- នៅថ្ងៃទី ១០ ខែមិថុនា ឆ្នាំ២០១១ បណ្តុះបណ្តាលក្រុមអ្នកប្រើប្រាស់ទឹក និងជួសជុលថែទាំអណ្តូងស្នប់ ស្រុកចុងកាល់ ចំនួន១វគ្គ ស្មើនឹង៣៥ក្រុម សរុបអ្នកចូលរួម ចំនួន៤៨នាក់ ស្រី ១៧នាក់ ។
៥.៤ ការអភិវឌ្ឍន៍ព្រំដែនទិសខាងជើង និងខាងលិចប្រទេស
+ ចុះទៅសិក្សាផ្លូវក្នុងភូមិអភិវឌ្ឍន៍ចំនួន ០៦ភូមិជាមួយមន្ត្រីមកពីក្រសួងអភិវឌ្ឍន៍រួមមាន៖
- ភូមិពពេលសែនជ័យ
- ភូមិប្រាសាទក្រហមសែនជ័យ
- ភូមិទួលស្វាយសែនជ័យ
- ភូមិសំរោងសែនជ័យ១
- ភូមិសំរោងសែនជ័យ២
- ភូមិត្រពាំងម្អមសែនជ័យ
+ ការងារសាងសង់ផ្ទះ
- នៅភូមិតាមាន់សែនជ័យ
- លើកគ្រោងផ្ទះ និងវាយជញ្ជាំងបានចំនួន ២២ខ្នង និងប្រកដំបូល១ខ្នង
- លើកគ្រោងផ្ទះ ប្រក់ដំបូល និងវាយជញ្ជាំងរួចរាល់ ១០០% បានចំនួន ១៥ខ្នង សរុបចំនួនផ្ទះបាន សាងសង់ចំនួន ៣៨ខ្នង។
- នៅភូមិពពេលសែនជ័យ
- ផ្ទះលើកគ្រោង និងវាយជញ្ជាំង បានចំនួន ២៦ខ្នង
- ប្រក់ដំបូល មានចំនួន ១០ខ្នង
- ផ្ទះលើកគ្រោង ប្រក់ដំបូល និងវាយជញ្ជាំងរួចរាល់១០០% បានចំនួន ២៩ខ្នង សរុបចំនួនផ្ទះបាន សាងសង់ចំនួន ៦៥ខ្នងផ្ទះ។
+ ការងារចាក់ជើងតាង
- ការងារចាក់ជើងតាងបានចំនួន ៩៩០០ដុំលើ ភូមិអភិវឌ្ឍន៍ទាំង១៥
+ ការងារសាងសង់អណ្តូង
- នៅភូមិពពេលសែនជ័យ សាងសង់អណ្តូងចំនួន ០២ (មានអណ្តូង០១ពិបាកសប់ ទឹកចេញតិច)
- ភូមិតាមាន់សែនជ័យ ខួងអណ្តូងស្នប់បាន២កន្លែង (IMF)
+ ការងារសាងសង់បង្គន់
- នៅភូមិ ពពេលសែនជ័យ សាងសង់បង្គន់ចំនួន ០៧កន្លែង
+ ការងារបោសសំអាតមីន
- នៅភូមិតាមាន់សែនជ័យ ចំការមីនលេខ M14836-B ផ្ទៃដីទំហំ ៦០៥ ហ.ត លទ្ធផលសម្រេចបាន៖ ផ្ទៃដីបោសសំអាតមិន ១០៤.៣៥៩មែត្រក្រឡា ស្មើនឹង១.៧% កំទេចគ្រាប់មីនថ្មើរជើង ២៧គ្រាប់, កំទេច គ្រាប់មីនមិនទាន់ផ្ទុះចំនួន ១៣គ្រាប់ អំបែង ៥៩០៧ដុំ។
+ នៅភូមិពពេលសែនជ័យ ឃុំផ្អាវ ស្រុកត្រពាំងប្រាសាទ ចំការមីនលេខ BS04477,BS04478 ទំហំផ្ទៃដី ២៦០ហ.ត លទ្ធផលសម្រេចបាន៖ ផ្ទៃដិបោសសំអាតមីន ៥៣៤.៤៨៣មែត្រក្រឡា ស្មើនឹង២០.៣% កំទេច គ្រាប់មីនថ្មើជើង ០០គ្រាប់, កំទេចគ្រាប់មីនមិនទាន់ផ្ទុះ ៥៧គ្រាប់ និងអំបែងចំនួន ៣,២៣០ដុំ។
៥. កិច្ចសហប្រតិបត្តិការណ៍ជាមួយអង្គការក្រៅរដ្ឋាភិបាល
+ នៅថ្ងៃទី១៥ ខែមិថុនា ឆ្នាំ២០១១ លោកប្រធានមន្ទីរ រួមជាមួយលោកអនុប្រធានមន្ទីរ និងមន្ត្រី បច្ចេសទេសទឹកស្អាត-អនាម័យនៃមន្ទីរអភិវឌ្ឍន៍ជនបទប្រជុំពិភាក្សាជាមួយ អង្គការទស្សនៈពិភពលោក កម្ពុជា ស្តីពីកម្មវិធីទឹកស្អាតអនាម័យ ទាក់ទងនឹងគម្រោង CLTS and SC-WASH ដែលបានកំណត់ ចំនួន០៣ឃុំ១៥ភូមិ និងការជួសជុលអណ្តូងស្នប់។
៦. ទិសដៅការងារបន្ត
- ចុះត្រួតពិនិត្យបង្គន់អនាម័យគ្រួសារចំនួន ១០៩៤កន្លែង។
- បន្តចុះរៀបចំបញ្ជីសារពើភ័ណ្ឌផ្លូវជនបទនៅស្រុកអន្លង់វែង និងស្រុកត្រពាំងប្រាសាទ។
- ចុះត្រួតពិនិត្យ និងជម្រុញការងារគម្រោង Civil Work ដែលមិនទាន់រួច តាមតំបន់គោលដៅ។
- បន្តការសាងសង់ផ្ទះតាមភូមិទាំង១៥អោយបានសម្រេចតាមផែនការ។
- ចុះត្រួតពិនិត្យអភិបាលការងារសាងសង់អណ្តូងស្នប់អណ្តូងស្នប់ចំនួន ២៧កន្លែង។
៧. បញ្ហាប្រឈម
- ការចូលរួមថែទាំសមិទ្ធិផលដែលមានស្រាប់នៅមិនទាន់មាននិរន្តរភាពនៅឡើយ
- អ្នកទទួលការផ្គត់ផ្គង់សម្ភារៈសម្រាប់សាងសង់បង្គន់អនាម័យ មានការយឺតយ៉ាវ
- ការងារជីកដីសម្រាប់តម្លើងលូស្តុកលាមក មានថ្មច្រើនពិបាកជីក
- អណ្តូងមួយចំនួនខួងគ្មានទឹក (IMF)
- ការផ្លាស់ប្តូរទម្លាប់នៃការប្រតិបត្តិអនាម័យល្អនៅមានកម្រិត
IV. សេចក្តីសន្និដ្ឋាន
ការអនុវត្តសកម្មភាពលក្ខណៈពហុវិស័យ នៅតាមតំបន់មូលដ្ឋានជនបទ ដូចជាការស្តារសាងសង់ហេដ្ឋារចនាសម្ព័ន្ធ រូបវ័ន្តជនបទ ការផ្តល់ប្រព័ន្ធផ្គត់ផ្គង់ទឹកស្អាត បង្គន់អនាម័យ ពាងយក្ស និងស្រះសហគមន៍ជាដើម គឺជាការរួម ចំណែកក្នុងយុទ្ធនាការនៃការជួយកាត់បន្ថយភាពក្រីក្រ និងបានឆ្លើយតបទៅនឹងគោលនយោបាយជាតិ យុទ្ធសាស្ត្រ ចតុកោណរបស់រាជរដ្ឋាភិបាល ដែលបានដាក់ចេញជាពិសេស គឺបានជួយដល់តម្រូវការនៃការរស់នៅរបស់ ប្រជាពលរដ្ឋ នៅតាមតំបន់ព្រំដែនខាងជើង។ ម្យ៉ាងវិញទៀត មន្ទីរអភិវឌ្ឍន៍ជនបទ គឺជាសេនាធិការមួយដ៏សំខាន់របស់ខេត្ត និងក្រសួង អភិវឌ្ឍន៍ជនបទ ក្នុងការដើរតួជាអ្នកអនុវត្តសកម្មភាពផ្ទាល់ និងផ្តល់សេវាដល់ប្រជាពលរដ្ឋតាមមូលដ្ឋាន ក្នុងគោលបំណង ដើម្បីរួមចំណែកក្នុងការផ្លាស់ប្តូរ និងអភិវឌ្ឍន៍សហគមន៍ប្រកបដោយចីរភាព ។
ប្រធានមន្ទីរអភិវឌ្ឍន៍ជនបទខេត្ត
