I. សេចក្តីផ្តើម
អគ្គាធិការដ្ឋាន គឺជាសេនាធិការផ្ទាល់របស់ក្រសួង មានភារកិច្ចតាមដាន ត្រួតពិនិត្យ ស្រាវជ្រាវលើសកម្ម ភាពការងាររបស់អង្គភាពចំណុះក្រសួងអភិវឌ្ឍន៍ជនបទ និងគម្រោងកម្មវិធីនានា។ ធ្វើការសន្និដ្ឋាន និងវាយតម្លៃចំពោះ ការងារអង្គភាពចំណុះក្រសួង និងគម្រោងកម្មវិធីដែលបានអនុវត្តកន្លងមក ក្នុងគោលបំណងដើម្បីពង្រឹងការងារឲ្យមាន សមត្ថភាព គណនេយ្យភាព និងតម្លាភាពនៅក្នុងកិច្ចការងារគ្រប់គ្រង។ មានភារកិច្ចសម្រាប់អនុវត្តការងារដោះស្រាយ វិវាទ បណ្តឹង បញ្ហាមិនប្រក្រតីផ្សេងៗដែលកើតមានឡើងជាយថាហេតុ ក្រោមកិច្ចចង្អុលការដ៏ខ្ពង់ខ្ពស់របស់ឯកឧត្តម រដ្ឋមន្ត្រីក្រសួងអភិវឌ្ឍន៍ជនបទ។
អង្គភាពអគ្គាធិការដ្ឋានមានសមាជិកសរុបចំនួន ១៨ រូប មានស្ត្រីចំនួន ០២ រូប និងមានការប្រគល់ភារកិច្ចដឹកនាំ ក្នុងការងារគ្រប់គ្រង។ ដោយឡែកមានមន្ត្រីចំនួន ០៦រូប បម្រើការងារក្រៅអង្គភាព គឺ មន្ត្រី ០១រូប បម្រើការងារនៅ គម្រោង RIP, មន្ត្រី ០២រូប នៅគម្រោង IMF,និងមន្ត្រី ០២រូបទៀត បម្រើការងារនៅខុទ្ទកាល័យឯកឧត្តមរដ្ឋមន្ត្រី ។
II. លទ្ធផលការងាររបស់អគ្គាធិការរដ្ឋាន
- សម្រាប់ឆ្នាំ២០១១ អគ្គាធិការរដ្ឋានមានសកម្មភាពចំនួន០២ អនុវត្តតាមកម្មវិធីទី១ អនុកម្មវិធីទី២ ក្នុងសកម្មភាពទី៣ និងសកម្មភាពទី៤ ដើម្បីផ្សព្វផ្សាយនីតិវិធី និងផែនការយុទ្ធសាស្ត្រអធិការកិច្ចរបស់ អគ្គាធិការដ្ឋាន និងចុះធ្វើអធិការកិច្ចតាមបណ្តារាជធានី-ខេត្ត ។
- ចុះធ្វើអធិការកិច្ច នៅមន្ទីរអភិវឌ្ឍន៍ជនបទខេត្តរតនៈគីរី
- ចុះធ្វើអធិការកិច្ច នៅមន្ទីរអភិវឌ្ឍន៍ជនបទខេត្តស្ទឹងត្រែង
- ចុះធ្វើអធិការកិច្ច នៅមន្ទីរអភិវឌ្ឍន៍ជនបទខេត្តតាកែវ
- ចូលរួមរៀបចំផែនការវិនិយោគសាធារណៈបីឆ្នាំរំកិល ២០១២-២០១៤ និងផែនការយុទ្ធសាស្ត្រថវិកាឆ្នាំ ២០១២-២០១៤ របស់ក្រសួងអភិវឌ្ឍន៍ជនបទ។
- ចុះពិនិត្យនិងសម្របសម្រួលការងារលើការផ្គត់ផ្គង់ឈើសម្រាប់សាងសង់ផ្ទះជូនយោធិន និងនគរបាល ទិសខេត្តឧត្តរមានជ័យ។
III. ទិសដៅបន្ត
- ចុះអនុវត្តសកម្មភាពការងារបន្ត ដើម្បីសម្រេចបានតាមផែនការអធិការកិច្ចរបស់អគ្គាធិការដ្ឋាននៅ តាមបណ្តាមន្ទីររាជធានី-ខេត្តគោលដៅ ឲ្យបានរួចរាល់នៅក្នុងខែវិច្ចិកា ឆ្នាំ២០១។
អគ្គាធិការ