សន្និបាតបូកសរុបការងារឆ្នាំ ២០០៨ និងទិសដៅការងារឆ្នាំ ២០០៩
របស់ក្រសួងអភិវឌ្ឍន៍ជនបទ
សាលសន្និសីទចតុមុខ ថ្ងៃទី ២៥-២៦ ខែ មីនា ឆ្នាំ ២០០៩
បទអន្តរាគមន៍ស្ដីពី ការគ្រប់គ្រង និងអនុវត្តកម្មវិធីអភិវឌ្ឍន៍ជនបទខេត្តកំពង់ស្ពឺ
ដោយ លោក អៀង ដាំ
ប្រធានមន្ទីរអភិវឌ្ឍន៍ជនបទ ខេត្តកំពង់ស្ពឺ
១- ស្ថានភាពទូទៅខេត្តកំពង់ស្ពឺ
ខេត្តកំពង់ស្ពឺ ជាខេត្តមួយក្នុងចំណោមខេត្តទាំង ២៤ ខេត្ត-រាជធានី មានចម្ងាយ ៤៨ គីឡូម៉ែត្រ ពីរាជធានីភ្នំពេញ ដែលមានព្រំប្រទល់ៈ ខាងជើងជាប់ខេត្តកំពង់ឆ្នាំង និងខេត្តពោធិ៍សាត់ ខាងកើតជាប់ខេត្តកណ្ដាល និងតាកែវ ខាងត្បូងជាប់ខេត្តតាកែវ និងខេត្តកំពត និងខាងលិចជាប់ខេត្តព្រះសីហនុ កោះកុង និងពោធិ៍សាត់ ។
ខេត្តកំពង់ស្ពឺ មានផ្ទៃដីសរុប ៦៩៦.៧៩១,៩០ ហ.ត ផ្ទៃដីស្រែ ១១០.០០០ ហ.ត ដីចំការ ១០.២០២ ហ.ត ដីលំនៅដ្ឋាន ១១.៩៩៦ ហ.ត ដីទំនេរ ៤០៨.៩០ ហ.ត ដីព្រៃភ្នំ និងដីសំណង់ធារាសាស្ត្រ ៥៦៤.៣៦៥ ហ.ត។ ខេត្តមាន ស្រុករដ្ឋបាលចំនួន ៧ ស្រុក និង ១ ក្រុង ៨៧ ឃុំ-សង្កាត់ និង ១.៣០៨ ភូមិ ហើយមានប្រជាពលរដ្ឋរស់នៅ ១៤១.៦៣០ គ្រួសារ មានមនុស្សសរុប ៧៣៨.៤០១ នាក់ ស្រី ៣៨១.១០៨ នាក់ ក្នុងនោះអ្នកមានអាយុ ១៨ ឆ្នាំ ឡើងទៅ ចំនួន ៤១៧.០៥៣ នាក់ ស្រី ២២១.២២៧ នាក់ ដង់ស៊ីតេប្រជាពលរដ្ឋ គឺមាន ១០៥ នាក់/គ.ម២ ។
២- គោលនយោបាយ និងគោលការណ៍តាមវិស័យនីមួយៗ
ដោយចូលរួមចំណែកក្នុងការអភិវឌ្ឍជនបទតាមទិសដៅរបស់ក្រសួងអភិវឌ្ឍន៍ជនបទ និងអនុលោមតាមគោលនយោបាយយុទ្ធសាស្ត្រចតុកោណដំណាក់កាលទី២ របស់រាជរដ្ឋាភិបាល មន្ទីរអភិវឌ្ឍន៍ជនបទខេត្តកំពង់ស្ពឺមានគោលការណ៍ តាមវិស័យនីមួយៗ ដូចខាងក្រោម ៖
-
ធ្វើឱ្យប្រជាពលរដ្ឋមានផ្លូវលំជនបទល្អ ងាយស្រួលក្នុងការធ្វើចរាចរទៅមក និងដឹកនាំកសិផល ផលិតផល ទៅកាន់ទីផ្សារ សាលារៀន និងមណ្ឌលសុខភាពជាដើម។
-
ធ្វើឱ្យប្រជាពលរដ្ឋមានអណ្ដូងស្នប់ អណ្ដូងចម្រុះ អណ្ដូងលូ ស្រះ ពាងយក្ស អាងស្តុក ទឹកភ្លៀង ធុងចម្រោះ សម្រាប់ហូប និងប្រើប្រាស់តាមគ្រួសារក្នុងសហគមន៍ ព្រមទាំងអប់រំប្រជាពលរដ្ឋឱ្យយល់ដឹងកាន់តែច្បាស់ ពីការប្រើប្រាស់ទឹកស្អាត និងផលប៉ះពាល់ដែលបណ្ដាលមកពីការប្រើប្រាស់ទឹកមិនស្អាត។
-
ធ្វើឱ្យប្រជាពលរដ្ឋយល់ដឹងពីការថែរក្សាអនាម័យខ្លួនប្រាណ អនាម័យចំណីអាហារ អនាម័យលំនៅដ្ឋាន និង អនាម័យបរិស្ថាន ចេះការពារខ្លួនពីជំងឺឆ្លងផ្សេងៗ ដូចជា អាសន្នរោគ គ្រុនពោះវៀន គ្រុនឈាម គ្រុនចាញ់ ផ្កាសសាយបក្សី និងការប្រើប្រាស់បង្គន់តាមគ្រួសារក្នុងសហគមន៍ និងសាលារៀន។
-
ធ្វើឱ្យប្រជាពលរដ្ឋ និង គ.អ.ភ យល់ដឹងកាន់តែច្បាស់ពីតួនាទី និងភារកិច្ចដឹកនាំ ការរៀបចំផែនការ ការសរសេរគម្រោងសំណើ ការត្រួតពិនិត្យនិងវាយតម្លៃគម្រោង និងការសរសេររបាយការណ៍ ដើម្បីអភិវឌ្ឍន៍ភូមិ ឃុំរបស់ខ្លួន។
-
ធ្វើឱ្យប្រជាពលរដ្ឋមានលទ្ធភាពគ្រប់គ្រាន់ក្នុងការប្រើប្រាស់ឥណទាន ជី ស្រូវ គោ និង ឥណទានសាច់ប្រាក់ ដើម្បីបង្កើនទិន្នផល និងប្រាក់ចំណូលគ្រួសារ។
៣- គម្រោងកម្មវិធីអភិវឌ្ឍន៍ក្នុងខេត្ត
ដើម្បីមានការរីកចម្រើន និងជីវភាពរស់នៅរបស់ប្រជាពលរដ្ឋឱ្យកាន់តែប្រសើរឡើង ស្របតាមគោលនយោបាយ យុទ្ធសាស្ត្រចតុកោណរបស់រាជរដ្ឋាភិបាល ក្នុងការកាត់បន្ថយភាពក្រីក្រ មន្ទីរអភិវឌ្ឍន៍ជនបទខេត្តកំពង់ស្ពឺ មានការគាំទ្រ គម្រោងកម្មវិធីអភិវឌ្ឍន៍ជនបទមួយចំនួនដូចខាងក្រោម ៖
-
គម្រោងកម្មវិធីផ្លូវលំជនបទ ក្រសួងអភិវឌ្ឍន៍ជនបទ និងកម្មវិធី TRIP/RIP
-
គម្រោងកម្មវិធីទឹកស្អាត និងអនាម័យ (LIEN AID)
-
គម្រោងកម្មវិធីអភិវឌ្ឍន៍សហគមន៍
-
គម្រោងកម្មវិធី គ.ជ.អ.ប (គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យ) នៅថ្នាក់ក្រោមជាតិ ក្នុងនោះមាន កម្មវិធីសិទ្ធិកុមារ (UNICEF) ផងដែរ។
-
គម្រោងកម្មវិធីរបស់អង្គការក្រៅរដ្ឋាភិបាល ជាដៃគូមួយចំនួន មាន LWF, World Vision Cambodia, PADEK, WFP, CGA/CHE ៘
សមិទ្ធផលការងារអភិវឌ្ឍន៍ជនបទក្នុងខេត្តឆ្នាំ ២០០៨
|
ល.រ |
បរិយាយសកម្មភាព |
ឯកតា |
សរុប |
ផ្សេងៗ | |
|
១ |
ការងារទឹកស្អាត |
ខួង និងតំឡើងស្នប់ |
អណ្ដូង |
50 |
|
|
ជួសជុលអណ្ដូង ស្នប់ |
អណ្ដូង |
210 |
| ||
|
ស្រះទឹក |
ស្រះ |
1 |
| ||
|
អាងសាលារៀន |
អាង |
7 |
| ||
|
២ |
ការងារផ្លូវលំជនបទ |
ផ្លូវក្រាលគ្រួសក្រហម |
គ.ម |
134.20 |
|
|
ផ្លូវ ដី ស |
គ.ម |
32.45 |
| ||
|
៣ |
ការងារសុខភាព |
បង្គន់ចាក់ទឹក |
បង្គន់ |
214 |
|
|
បង្គន់ចាក់ផេះ |
បង្គន់ |
875 |
| ||
|
បង្គន់សាលារៀន |
បង្គន់ |
10 |
| ||
|
៤ |
ការងារអភិវឌ្ឍន៍ សហគមន៍ |
បោះឆ្នោត គ.អ.ភ (ភូមិ) |
ភូមិ |
1,132 |
|
|
៥ |
ការងារសេដ្ឋកិច្ចជនបទ |
ឥណទានជី |
បាវ |
1,205 |
|
|
ធនាគារស្រូវ |
គ.ក្រ |
31,232 |
| ||
៤- មេរៀន និងបទពិសោធន៍
ក. ចំណុចខ្លាំង
-
សិក្សាបានច្បាស់លាស់នូវស្ថានភាពភូមិសាស្ត្រ និងគុណភាពដីដើម្បីសាងសង់ និងជួសជុលផ្លូវឱ្យត្រូវតាមបច្ចេកទេស ព្រមទាំងផ្សព្វផ្សាយ និងមានការយល់ដឹងពីប្រជាពលរដ្ឋអំពីផលប្រយោជន៍ នៃការប្រើប្រាស់ផ្លូវ
-
ការផ្ដល់សិទ្ធិអំណាចដល់សហគមន៍ ការបង្កើតភាពជាម្ចាស់ដល់ក្រុមប្រើប្រាស់ទឹកនិងអនាម័យ និងបង្កើត ជំនឿចិត្តដល់សហគមន៍ ដើម្បីឱ្យមានការចូលរួមក្នុងគម្រោងទឹកស្អាតនៅតាមសហគមន៍។
-
ចាប់ផ្ដើមពីបង្គន់ដែលមានតម្លៃថោក មិនគិតពីថវិកាដែលប្រជាពលរដ្ឋមាន តែគិតគូរពីពេលវេលា ឆន្ទៈ និងកម្លាំងដែលប្រជាជនចូលរួម ដើម្បីកែលម្អបង្គន់ស្ងួតឱ្យទៅជាបង្គន់ចាក់ទឹកនៅពេលដែលសហគមន៍ផ្លាស់ប្ដូរទម្លាប់។
-
ការងារអភិវឌ្ឍន៍សហគមន៍ មានការចូលរួមពីអាជ្ញាធរមូលដ្ឋាន គ.អ.ភ និងប្រជាពលរដ្ឋក្នុងសហគមន៍។
-
ផ្ដល់ ជី ស្រូវ គោ និង ឥណទានសាច់ប្រាក់រួមចំណែកកាត់បន្ថយការខ្ចីបុលពីខាងក្រៅ។
ខ. បញ្ហាប្រឈម
-
កង្វះខាតធនធានក្នុងស្រុកសម្រាប់សាងសង់ផ្លូវ (គ្រួសក្រហម) និងការដឹកជញ្ជូនដោយផ្ទុកលើសទម្ងន់ ធ្វើឱ្យផ្លូវឆាប់ទទួលរងការខូចខាត។
-
ប្រជាពលរដ្ឋខ្វះភាពជាម្ចាស់ក្នុងការថែទាំ និងជួសជុលសំណង់ទឹកស្អាតដោយពឹងផ្អែកតែទៅលើម្ចាស់ជំនួយ
-
អត្រាប្រើប្រាស់បង្គន់អនាម័យទាប ខ្វះការយល់ដឹងពីអនាម័យ និងការផ្លាស់ប្ដូរទម្លាប់របស់សហគមន៍នៅមានកម្រិត។
-
ការយល់ដឹងរបស់ គ.អ.ភ នៅមានកម្រិត។
-
ប្រជាពលរដ្ឋមានភាពយឺតយ៉ាវក្នុងការផ្ដល់ទុនត្រឡប់ និងការប្រើប្រាស់មិនចំគោលដៅ។
៥- ការងារអភិបាលកិច្ចលើគម្រោងកម្មវិធីអភិវឌ្ឍន៍ជនបទខេត្ត
-
ពង្រឹងភាពជាដៃគូ ក្នុងការចូលរួមគាំទ្រអភិវឌ្ឍន៍គម្រោង
-
មានរចនាសម្ព័ន្ធ
-
គ្រប់គ្រងពីថ្នាក់ខេត្ត ដល់មូលដ្ឋាន
-
ការរៀបចំផែនការ និងអនុវត្តស្របតាមគោលដៅ និងទិសដៅ
-
មានការគាំទ្រពីថ្នាក់ដឹកនាំក្រសួងអភិវឌ្ឍន៍ជនបទ និងថ្នាក់ដឹកនាំខេត្តដល់ថ្នាក់មូលដ្ឋាន
-
មានការសហការល្អពីអាជ្ញាធរដែនដីគ្រប់លំដាប់ថ្នាក់
-
មានស្មារតីទទួលខុសត្រូវក្នុងការអនុវត្តកម្មវិធី
៦- ទិសដៅជាយុទ្ធសាស្ត្រតាមវិស័យ
នៅក្នុងឆ្នាំ ២០០៩ មន្ទីរអភិវឌ្ឍន៍ជនបទខេត្តកំពង់ស្ពឺ បានត្រៀមខ្លួនជាស្រេច ដើម្បីចូលរួមចំណែកក្នុងការកាត់បន្ថយភាពក្រីក្រ តាមយុទ្ធសាស្ត្រចតុកោណដំណាក់កាលទី ២ របស់រាជរដ្ឋាភិបាល ក្រោមការចង្អុលបង្ហាញរបស់ក្រសួងអភិវឌ្ឍន៍ជនបទ ដែលមានទិសដៅជាយុទ្ធសាស្ត្រតាមវិស័យដូចខាងក្រោម ៖
-
កាត់បន្ថយពេលវេលា និងថវិកាដើម្បីជួយសម្រួលដល់ចរាចរក្នុងការធ្វើដំណើរ និងដឹកជញ្ជូនកសិផល ផលិតផលទៅកាន់ទីផ្សារ និងទីប្រជុំជន សាលារៀន មន្ទីរពេទ្យដោយសាងសង់ផ្លូវថ្មីក្រាលគ្រួសក្រហម ៤០.០០០ ម ថែទាំផ្លូវជាលក្ខណៈខួបប្រវែង ១១២.០០០ ម និង ថែទាំផ្លូវជាប្រចាំ ២២៤.០០០ ម ។
-
កាត់បន្ថយរយៈពេលទៅដងទឹក ថ្លៃទិញទឹក និងបង្ការជំងឺមួយចំនួនដែលឆ្លងតាមរយៈការប្រើប្រាស់ទឹក មិនស្អាត ដោយខួងអណ្ដូង និងដំឡើងស្នប់ចំនួន ១៥០ អណ្ដូង ជួសជុល ២០០ អណ្ដូង សាងសង់ពាងយក្ស/អាងត្រងទឹកភ្លៀង ១៣៥ កន្លែង ជីក និងស្តារស្រះសហគមន៍ ២០ ស្រះ។ ធ្វើតេស្តអាសេនិច បាក់តេរី បើក វគ្គបណ្ដុះបណ្ដាលអប់រំអនាម័យ និងការប្រើប្រាស់ទឹកដល់ក្រុមប្រើប្រាស់ទឹក នៅតាមទីតាំងខាងលើ ។
-
បង្កើនការអប់រំអនាម័យបរិស្ថាន ខ្លួនប្រាណ ចំណីអាហារ ដើម្បីផ្លាស់ប្ដូរទម្លាប់ និងកាត់បន្ថយ អត្រាជំងឺឆ្លង ដែលបណ្ដាលមកពីការបន្ទោបង់ពាសវាលពាសកាល រួមចំណែកកាត់បន្ថយភាពក្រីក្រក្នុងសហគមន៍ដោយជំរុញ និងបំផុសតាមសហគមន៍ចំនួន ១១៥ ភូមិ និងសាលា ២០ សាលា។
-
សហគមន៍មានសមត្ថភាពគ្រប់គ្រាន់ និងជឿជាក់លើខ្លួនឯង ក្នុងការអភិវឌ្ឍភូមិ-ឃុំរបស់ពួកគាត់ ដោយបោះឆ្នោតជ្រើសរើស គ.អ.ភ ៣០ ភូមិ និងបើកវគ្គបណ្ដុះបណ្ដាលដល់ គ.អ.ភ ចំនួន ១៥ វគ្គ។
លើកកម្ពស់សេដ្ឋកិច្ចគ្រួសារជនបទ និងកាត់បន្ថយអត្រារកប្រាក់កម្ចីពីប្រភពខាងក្រៅ ដើម្បីបង្កើនមុខរបរ តាមរយៈការផ្ដល់ទុនឱ្យខ្ចីជាលក្ខណៈឥណទាន បន្តកិច្ចសហការ ប្រតិបត្តិការជាមួយអង្គការជាតិ អន្តរជាតិ និងចុះត្រួតពិនិត្យ ទុនដែលមានស្រាប់។
