របាយការណ៍
ស្តីពីការបូកសរុបការងារឆ្នាំ ២០០៨ និងទិសដៅការងារ
ឆ្នាំ ២០០៩ របស់ក្រសួងអភិវឌ្ឍន៍ជនបទ
១.សេចក្តីផ្តើម
“យុទ្ធសាស្ត្រចតុកោណដំណាក់កាលទី២” ដើម្បី កំណើន ការងារ សមធម៌ និង ប្រសិទ្ធិភាព នៅកម្ពុជា ។ ក្នុងគោលដៅនេះកម្មវិធីគោលនយោបាយរបស់រាជរដ្ឋាភិបាលនីតិកាលទី៤នៃរដ្ឋសភាចតុកោណជាយុទ្ធសាស្ត្រទាំង៤សម្រាប់ជំរុញកំណើនរួមមាន ៖ ចតុកោណទី១ ការលើកស្ទួយវិស័យកសិកម្មរួមមានការលើកកម្ពស់ផលិតភាព និងពិពិធភាវូបនីយកម្មកសិកម្ម កំណែទម្រង់ដីធ្លី និងការបោសសម្អាតមីន កំណែទម្រង់ជលផល និងកំណែទម្រង់ព្រៃឈើ។ ចតុកោណទី២ ការបន្តស្ដារនិងកសាងហេដ្ឋារចនាសម្ព័ន្ធរូបវន្តរួមមានការបន្តស្ដារ និងកសាងហេដ្ឋារចនាសម្ព័ន្ធគមនាគមន៍ (ផ្លូវគោក ផ្លូវទឹក និងផ្លូវអាកាស)ការគ្រប់គ្រងធនធានទឹក និងប្រព័ន្ធធារាសាស្ត្រការអភិវឌ្ឍវិស័យថាមពលការអភិវឌ្ឍបច្ចេកវិទ្យាព័ត៌មានគមនាគមន៍។ចតុកោណទី៣ ការអភិវឌ្ឍវិស័យឯកជននិងការងារមានការពង្រឹងវិស័យឯកជននិងការទាក់ទាញការវិនិយោគបង្កើតការងារ និងការធានាលក្ខខណ្ឌការងារល្អប្រសើរជូនកម្មករនិងនិយោជិកការលើកស្ទួយសហគ្រាសធុនតូចនិងមធ្យម ការរៀបចំប្រព័ន្ធសុវត្ថិភាពសង្គមសម្រាប់ មន្ត្រី បុគ្គលិក កម្មករ ។ ចតុកោណទី៤ ការកសាង សមត្ថភាព និង ការអភិវឌ្ឍធនធានមនុស្សមានការពង្រឹងគុណភាពវិស័យ អប់រំ ការលើកកម្ពស់សេវាសុខាភិបាល ការអនុវត្តគោលនយោបាយសមភាពយេនឌ័រ និងការអនុវត្តគោលនយោបាយជាតិ ប្រជាជន។
ក្នុងទស្សនវិស័យនៃការអនុវត្តផែនការយុទ្ធសាស្ត្រអភិវឌ្ឍន៍ជាតិឆ្នាំ២០០៦-២០១០ ក្រសួងអភិវឌ្ឍន៍ជនបទបានដាក់ចេញនូវសូចនាករ០៣សំខាន់ៗ ក្នុងនោះមានផែនការស្ដារនិងជួសជុលផ្លូវជនបទលើប្រវែងសរុប ២៥,០០០គ.ម បង្កើនសមាមាត្រប្រជាជនជនបទដែលមានលទ្ធភាពប្រើប្រាស់ទឹកស្អាតឱ្យដល់ ៤៥% និងបង្កើនសមាមាត្រ ប្រជាជនដែលមានលទ្ធភាពទទួលបានសេវាអនាម័យឱ្យដល់ ២៥%។
ក្នុងផែនការវិនិយោគសាធារណៈ ឆ្នាំ២០០៩-២០១១ របស់រាជរដ្ឋាភិបាលកម្ពុជា ក្រសួងអភិវឌ្ឍន៍ជនបទ បានរៀបចំគម្រោងដើម្បីធ្វើការវិនិយោគវិស័យអភិវឌ្ឍន៍ជនបទនៅព្រះរាជាណាចក្រកម្ពុជា និងផែនការយុទ្ធសាស្ត្រថវិការយៈពេល មធ្យមព្រមទាំងផែនការថវិកាតាមកម្មវិធី។
ក្រសួងអភិវឌ្ឍន៍ជនបទបានកសាងនិងអភិវឌ្ឍន៍នូវសមិទ្ធផលជាច្រើនជាអាទិ៍ក្នុងវិស័យអភិវឌ្ឍន៍ហេដ្ឋារចនាសម្ព័ន្ធជនបទមានដូចជាផ្លូវជនបទស្ពានលូនិងសំណង់សិល្ប ការជាដើម។ ក្រសួងអភិវឌ្ឍន៍ជនបទសម្រេចស្ដារប្រឡាយស្រោចស្រពខ្នាតតូចស្រះទឹកសហគមន៍ជីកអណ្ដូងដើម្បីផ្គត់ផ្គង់ទឹកស្អាតជូនប្រជាពលរដ្ឋសាងសង់បង្គន់អនាម័យជូនប្រជាពលរដ្ឋជនបទតាមសហគមន៍និងតាមទីសាធារណៈផ្ដល់សេវាអប់រំសុខភាពអនាម័យដើម្បីបង្ការនិងទប់ស្កាត់ជំងឺឆ្លងផ្សេងៗ។ការសាងសង់ និងជួសជុលសាលារៀនជនបទតាមសហគមន៍ ការបណ្ដុះបណ្ដាលអក្ខរកម្មការរៀបចំកម្មវិធីសន្តិសុខស្បៀង ការបង្កើត និងបណ្ដុះបណ្ដាលគណៈកម្មាធិការអភិវឌ្ឍន៍ភូមិការបណ្ដុះបណ្ដាលជំនាញមូលដ្ឋានដល់ ប្រជាពលរដ្ឋដើម្បីបង្កើតមុខរបរដោយខ្លួនឯង និងការផ្ដល់ឥណទានខ្នាតតូចដល់ប្រជាពលរដ្ឋ ដើម្បីបង្កើនមុខរបរថ្មីបន្ថែម ទៀតក្រៅពីរបរកសិកម្ម។
សកម្មភាពទាំងអស់ខាងលើសុទ្ធតែបានចូលរួមចំណែកកាត់បន្ថយភាពក្រីក្រ ដែលបានចូលរួមជំរុញកំណើនសេដ្ឋកិច្ច ឱ្យឡើងខ្ពស់ជាមធ្យម ១១,១% ក្នុងអំឡុងឆ្នាំ២០០៤-២០០៧ របស់ប្រជាពលរដ្ឋកម្ពុជាធ្វើឱ្យអត្រានៃភាពក្រីក្របាន ថយចុះជាង ១% ជារៀងរាល់ឆ្នាំចាប់តាំងពីឆ្នាំ ១៩៩៤ មក។ សមិទ្ធផលនេះបានជំរុញឱ្យកិត្យានុភាពកម្ពុជាល្បីល្បាញនៅ លើឆាកអន្តរជាតិព្រមទាំងបានសម្រួលឱ្យការធ្វើសមាហរណកម្មសេដ្ឋកិច្ចកម្ពុជា ចូលក្នុងសេដ្ឋកិច្ចតំបន់ និងពិភពលោក ទៀតផង។
២.អំពីរចនាសម្ព័ន្ធ
២.១. រចនាសម្ព័ន្ធដឹកនាំរបស់ក្រសួងអភិវឌ្ឍន៍ជនបទ
ក្រសួងអភិវឌ្ឍន៍ជនបទ ដឹកនាំដោយរដ្ឋមន្ត្រី ០១ រូប អមដោយរដ្ឋលេខាធិការ ០៧ រូប និងអនុរដ្ឋលេខាធិការ ១៣ រូប ។
នៅកម្រិតរដ្ឋបាល ក្រសួងមានអគ្គនាយកចំនួន ០២ រូប អគ្គាធិការចំនួន ០១ រូប អគ្គនាយករង ចំនួន ១៦ រូប អគ្គាធិការរងចំនួន ០២ រូប អធិការចំនួន ០៣ រូប ប្រធាននាយកដ្ឋានចំនួន ១១ រូប និងអនុប្រធាននាយកដ្ឋាន ចំនួន ៨០រូប ។ ក្រសួងមានមន្ត្រីរាជការសរុបចំនួន ២.១៥១ នាក់ ស្ត្រីមានចំនួន ៣៦៨ នាក់ ក្នុងនោះមន្ត្រីថ្នាក់កណ្ដាល ចំនួន ៦១១ នាក់ ស្ត្រីមានចំនួន ១២៧ នាក់និងមន្ត្រីថ្នាក់រាជធានី ខេត្ត មានចំនួន ១.៥៤០ នាក់ ស្ត្រីមានចំនួន ២៤១ នាក់ ។
២.១.១. អគ្គនាយកដ្ឋានរដ្ឋបាល និងហិរញ្ញវត្ថុ
អគ្គនាយកដ្ឋានរដ្ឋបាល និងហិរញ្ញវត្ថុ មាននាយកដ្ឋានចំណុះចំនួន ០៦ គឺ ៖
នាយកដ្ឋានរដ្ឋបាលនិងបុគ្គលិក
នាយកដ្ឋានផ្គត់ផ្គង់និងហិរញ្ញវត្ថុ
នាយកដ្ឋានផែនការនិងទំនាក់ទំនងសាធារណៈ
នាយកដ្ឋានបណ្ដុះបណ្ដាលនិងស្រាវជ្រាវ
នាយកដ្ឋានអភិវឌ្ឍន៍ជនជាតិភាគតិច
នាយកដ្ឋានសវនកម្មផ្ទៃក្នុង
២.១.២. អគ្គនាយកដ្ឋានបច្ចេកទេស
អគ្គនាយកដ្ឋានបច្ចេកទេសមាននាយកដ្ឋានចំណុះចំនួន ០៥ គឺ ៖
នាយកដ្ឋានផ្គត់ផ្គង់ទឹកជនបទ
នាយកដ្ឋានថែទាំសុខភាពជនបទ
នាយកដ្ឋានអភិវឌ្ឍន៍សហគមន៍
នាយកដ្ឋានអភិវឌ្ឍន៍សេដ្ឋកិច្ចជនបទ
នាយកដ្ឋានផ្លូវលំជនបទ
២.១.៣. រចនាសម្ព័ន្ធដឹកនាំថ្នាក់រាជធានី ខេត្ត
ក្រសួងអភិវឌ្ឍន៍ជនបទ មានរចនាសម្ព័ន្ធគ្រប់គ្រងតាំងពីថ្នាក់កណ្ដាលរហូតដល់មន្ទីរអភិវឌ្ឍន៍ជនបទទាំង ២៤ រាជធានី ខេត្ត ។ មន្ទីរអភិវឌ្ឍន៍ជនបទរាជធានី ខេត្តនីមួយៗមានការិយាល័យចំនួន ០៩ ៖
ការិយាល័យរដ្ឋបាលនិងបុគ្គលិក
ការិយាល័យផែនការ និងស្ថិតិ
ការិយាល័យគណនេយ្យនិងហិរញ្ញវត្ថុ
ការិយាល័យអភិវឌ្ឍន៍សហគមន៍
ការិយាល័យផ្គត់ផ្គង់ទឹកជនបទ
ការិយាល័យផ្លូវលំជនបទ
ការិយាល័យអភិវឌ្ឍន៍ជនជាតិភាគតិច
ការិយាល័យសេដ្ឋកិច្ចជនបទ
ការិយាល័យថែទាំសុខភាពជនបទ
នៅតាមបណ្តាស្រុក និងក្រុងមានការិយាល័យអភិវឌ្ឍន៍ជនបទស្រុក និងការិយាល័យអភិវឌ្ឍន៍ជនបទក្រុង។
២.២-ការអភិវឌ្ឍក្របខ័ណ្ឌគោលនយោបាយនិងគតិយុត្តិ
មូលដ្ឋានគាំទ្រដល់កិច្ចអនុវត្តក្នុងគ្រប់ទិដ្ឋភាពនៃការអភិវឌ្ឍជនបទឱ្យមានតម្លាភាព គណនេយ្យភាព ត្រូវមានសង្គតភាពជាមួយនឹងគោលនយោបាយកាត់បន្ថយភាពក្រីក្រ គោលនយោបាយអភិវឌ្ឍន៍សហវត្ស ២០១៥ និងយុទ្ធសាស្រ្ត ចតុកោណដំណាក់កាលទី ២ របស់រាជរដ្ឋាភិបាលកម្ពុជាដើម្បីឆ្លើយតបនឹងផែនការយុទ្ធសាស្ត្រអភិវឌ្ឍន៍ជាតិ ២០០៦-២០១០ ។ ក្របខ័ណ្ឌគតិយុត្តិដែលក្រសួងអភិវឌ្ឍន៍ជនបទសម្រេចបានរួមមានៈ
២.២.១-ក្របខ័ណ្ឌគោលនយោបាយ និងគតិយុត្តិ បាន និងកំពុងបន្តរៀបចំ ៖
គោលនយោបាយអភិវឌ្ឍន៍ជនបទ
គោលនយោបាយផ្លូវជនបទ
គោលនយោបាយអភិវឌ្ឍន៍ជនជាតិភាគតិច
គោលនយោបាយអភិវឌ្ឍន៍សហគមន៍
គោលការណ៍ណែនាំស្ដីពីការលើកកម្ពស់ប្រតិបត្តិអនាម័យនៅតាមសហគមន៍ជនបទ
២.២.២- បានរៀបចំអនុក្រឹត្យ ប្រកាសស្ដីពីការតែងតាំងមន្ត្រី និងផ្ទេរភារកិច្ចមន្ត្រីរាជការមួយចំនួនៈ
អនុក្រឹត្យស្ដីពីការតែងតាំងអគ្គនាយករង
អនុក្រឹត្យស្ដីពីការតែងតាំងប្រធាននាយកដ្ឋានសវនកម្មផ្ទៃក្នុង
ប្រកាសស្ដីពីការតែងតាំងអនុប្រធាននាយកដ្ឋាន
ប្រកាសស្ដីពីការតែងតាំងប្រធានមន្ទីរខេត្តសៀមរាប និងខេត្តឧត្តរមានជ័យ
ប្រកាសស្ដីពីការតែងតាំងអនុប្រធានមន្ទីរអភិវឌ្ឍន៍ជនបទរាជធានី ខេត្ត
ប្រកាសស្ដីពីការរៀបចំ និងប្រព្រឹត្តទៅរបស់ការិយាល័យផែនការ និងស្ថិតិ
ប្រកាសស្ដីពីការរៀបចំ និងប្រព្រឹត្តទៅរបស់ការិយាល័យគណនេយ្យ និងហិរញ្ញវត្ថុ
២.៣. ការអភិវឌ្ឍន៍ និងពង្រឹងស្ថាប័ន
បានរៀបចំកិច្ចប្រជុំផ្សេងៗក្នុងក្រសួងអភិវឌ្ឍន៍ជនបទ (ក.អ.ជ) សរុបចំនួន ១២៥ លើកក្នុងនោះមានការប្រជុំ របស់គណៈកម្មាធិការកំណត់បរេលក្ខណសម្បត្តិ វាយតម្លៃ និងប្រគល់កិច្ចសន្យា (PEAC) របស់ក្រសួង អ.ជ.ប. ចំនួន ៥៨ លើក
ចូលរួមប្រជុំក្រុមការងារកំណែទម្រ ងហិរញ្ញវត្ថុសាធារណៈចំនួន ១៥ លើក
ចូលរួមប្រជុំក្រុមការងារកំណែទម្រ ងរដ្ឋបាលសាធារណៈចំនួន ១៩ លើក
ចូលរួមប្រជុំក្រុមការងារវិមជ្ឈការ និងវិសហមជ្ឈការចំនួន ១៥ លើក
ចូលរួមប្រជុំប្រចាំសប្ដាហ៍ក្នុង ក.អ.ជ ចំនួន ០៨ លើក
ចូលរួមក្នុងអង្គប្រជុំផ្សេងៗចំនួន ១០ លើក
ប នាចូលរួមប្រជុំក្រុមការងារកំណែទម្រ ងហិរញ្ញវត្ថុសាធារណៈអន្តរក្រសួង ដឹកនាំដោយក្រសួងសេដ្ឋកិច្ច និង ហិរញ្ញវត្ថុ ចំនួន ៣៥ លើក
ប្រជុំអន្តរក្រសួង ដឹកនាំដោយឧត្ដមក្រុមប្រឹក្សាកំណែទម្រង់រដ្ឋបាលចំនួន ២១ លើក
ចូលរួមប្រជុំក្រុមការងារវិមជ្ឈការ និងវិសហមជ្ឈការអន្តរក្រសួង ដឹកនាំដោយក្រសួងមហាផ្ទៃចំនួន ៣៣ លើក
ចូលរួមក្នុងសិក្ខាសាលា និងកម្មវិធីផ្សេងៗចំនួន ២៨ លើក
ដឹកនាំរៀបចំគម្រោងកន្សោមអាទិភាពបានចំនួន ០៤ គម្រោង
ដឹកនាំរៀបចំផែនការយុទ្ធសាស្ត្រប្រកបដោយជោគជ័យក្នុងការទទួលជំនួយហិរញ្ញប្បទាន ពីធនាគារអភិវឌ្ឍន៍ អាស៊ី (ADB) ដែលនឹងចាប់ផ្ដើមអនុវត្តចាប់ពីខែមិថុនា ឆ្នាំ ២០០៩
ដឹកនាំរៀបចំផែនការយុទ្ធសាស្ត្រកំណែទម្រង់នានារបស់ក្រសួង អ.ជ.ប.
ចូលរួមក្នុងកម្មវិធីប្រជុំ សិក្ខាសាលា និងទំនាក់ទំនងជាប្រចាំជាមួយអង្គភាពសម្ព័ន្ធមេត្រីភាពកងពលតូចថ្មើរជើង លេខ ៥២ ចំណុះយោធភូមិភាគទី ៥ នៃកងយោធពលខេមរៈភូមិន្ទ
ចូលរួមកិច្ចប្រជុំអន្តរក្រសួងលើការងារបច្ចេកទេសបានចំនួន ៦៩ លើក
ចូលរួមប្រជុំជាមួយដៃគូអភិវឌ្ឍន៍បានចំនួន ៨៧ លើក
ប នាបំពេញបេសកកម្មក្នុងប្រទេសចំនួន ២១៤ លើក
ប នាបំពេញបេសកកម្មក្រៅប្រទេសចំនួន ១៧ លើក
អគ្គាធិការដ្ឋានបានចុះបំពេញបេសកកម្មតាមមន្ទីរអភិវឌ្ឍន៍ជនបទរាជធានី ខេត្ត ចំនួន ០៨ លើក ដើម្បីត្រួត ពិនិត្យកិច្ចការគ្រប់គ្រងរដ្ឋបាល ហិរញ្ញវត្ថុ និងការងារបច្ចេកទេស
រៀបចំប្រជុំក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទបានចំនួន ០៥ លើក
៣.សហប្រតិបត្តិការអន្តរជាតិ
៣.១. ហិរញ្ញប្បទានពីដៃគូអភិវឌ្ឍន៍
នៅក្នុងឆ្នាំ ២០០៨ ក្រសួងអភិវឌ្ឍន៍ជនបទបានទទួលជំនួយហិរញ្ញប្បទាន ដៃគូអភិវឌ្ឍន៍មួយចំនួន ដើម្បីអនុវត្ត គម្រោងមួយចំនួនក្នុងសកម្មភាពអភិវឌ្ឍន៍ជនបទនៃព្រះរាជាណាចក្រកម្ពុជា។ ដៃគូអភិវឌ្ឍន៍ទាំងនោះរួមមាន ធនាគារ អភិវឌ្ឍន៍អាស៊ី(ADB) ធនាគារពិភពលោក (WB) មូលនិធិ GTZ របស់អាល្លឺម៉ង់ កម្មវិធីស្បៀងអាហារពិភពលោក (WFP) ទីភ្នាក់ងារសហប្រតិបត្តិការអន្តរជាតិជប៉ុន (JICA) ទីភ្នាក់ងារសហប្រតិបត្តិការអន្តរជាតិ នៃប្រទេសកូរ៉េ (KOICA) មូលនិធិអង្គការសហប្រជាជាតិសម្រាប់សង្គ្រោះកុមារអន្តរជាតិ (UNICEF) ភ្នាក់ងារអភិវឌ្ឍន៍អន្តរជាតិរបស់ ចក្រភពអង់គ្លេស 9ឌធីឌប និងធនាគារអភិវឌ្ឍន៍អាល្លឺម៉ង់ 9គថឺប ។ គម្រោងទាំងនោះរួមមានៈ
៣.១.១. គម្រោងផ្គត់ផ្គង់ទឹក និងអនាម័យជនបទជុំវិញបឹងទន្លេសាប (TSRWSSP)
ជាគម្រោងជំនួយឥតសំណងរបស់ធនាគារអភិវឌ្ឍន៍អាស៊ីលេខ ០០១៨-CAM.SF។ គម្រោងនេះមានគោលដៅ បង្កើនអត្រាប្រើប្រាស់ទឹករបស់ប្រជាជនជនបទឱ្យបាន កើនដល់ ៥០% និងមានកម្រិតអនាម័យសមរម្យឱ្យបាន៣០ នៅក្នុង តំបន់អនុវត្តគម្រោងដើម្បីបង្កើនជីវភាពរស់នៅរបស់ប្រជាពលរដ្ឋឱ្យបានប្រសើរឡើង។ គម្រោងនេះអនុវត្តនៅខេត្តបាត់ដំបង ខេត្តកំពង់ឆ្នាំង ខេត្តកំពង់ធំ ខេត្តពោធិ៍សាត់ និងខេត្តសៀមរាប។
ជាលទ្ធផលគម្រោងសម្រេចសាងសង់អណ្ដូងស្នប់បានចំនួន ២.៦៥៨ អណ្ដូង (៤២៣ អណ្ដូងគ្មានទឹក) អណ្ដូងចម្រុះ បានចំនួន ១.១៤៥ អណ្ដូង (១១៦ គ្មានទឹក) អណ្ដូងលូបាន ១៩៤ អណ្ដូង (២៩ អណ្ដូងគ្មានទឹក) សិក្សាប្រភពទឹក ក្រោមដីបាន ១០ កន្លែង នៅក្នុង ១១២ ភូមិ ជីកស្រះបាន ១៣ ស្រះ លើផែនការសរុប ២២ ស្រះ។ គម្រោងបានបង្កើត ក្រុមអ្នកប្រើប្រាស់ទឹក និងអនាម័យបានចំនួន ៥.២២៨ក្រុម ស្មើនឹង ២៦.១៤០ នាក់ ក្នុងនោះស្ត្រីមានចំនួន ១១.០៩៩នាក់ និងបានសាងសង់បង្គន់អនាម័យបានចំនួន ១៧.៤៤៩ បង្គន់ ដោយចុះកិច្ចសន្យាសាងសង់បង្គន់បានចំនួន ៣៦.៧២២បង្គន់។
៣.១.២. គម្រោងហេដ្ឋារចនាសម្ព័ន្ធជនបទខេត្ត និងជនបទ (PRIP/MRD)
ជាគម្រោងជំនួយរបស់ធនាគារពិភពលោកក្រោមឥណទាន IDF Credit N.3822-KH សម្រាប់ជួសជុល ថែទាំ ផ្លូវជនបទ នៅខេត្តគោលដៅចំនួន ០៤ គឺ ខេត្តកំពង់ធំ ខេត្តសៀមរាប ខេត្តព្រះវិហារ និងខេត្តឧត្តរមានជ័យ។ នៅឆ្នាំ ២០០៨ នេះ គម្រោងសម្រេចសាងសង់ផ្លូវថ្មីបានចំនួន ០២ ខ្សែ នៅខេត្តសៀមរាប ០១ ខ្សែប្រវែង ១២.៥០ គម និង ខេត្តព្រះវិហារ ០១ខ្សែប្រវែង ១៧.៥០ គ.ម និងថែទាំប្រចាំលើផ្លូវជនបទបានចំនួន ១២ខ្សែ ក្នុងនោះខេត្តព្រះវិហារចំនួន ០៥ ខ្សែ ប្រវែង ៤១ គ.ម ខេត្តសៀមរាបចំនួន ០១ ខ្សែ ប្រវែង ៩ គ.ម និងខេត្តកំពង់ធំ ០៦ ខ្សែប្រវែង ៣៩.៧១ គម។
៣.១.៣. គម្រោងចលនាភូមិថ្មី (Samol Undong)
គម្រោងចលនាភូមិថ្មី ទទួលបានកិច្ចសហប្រតិបត្តិការជាមួយ ESCAP ដើម្បីអភិវឌ្ឍន៍សហគមន៍ជនបទតាម វិធីសាស្ត្រ ្សាមៀល នូដៀនង នៃសាធារណរដ្ឋកូរ៉េ។ ក្នុងជំហានទី ២ ចាប់តាំងពីខែវិច្ឆិកា ឆ្នាំ២០០៧ មក គម្រោងបានធ្វើ ការបង្កើតក្រុមការងារគ្រប់គ្រងអនុវត្តគម្រោងរៀបចំ និងពង្រឹងគណៈកម្មាធិការអភិវឌ្ឍន៍ភូមិ(គ.អ.ភ)នៅស្រុកបាធាយ ខេត្តកំពង់ចាម រៀបចំផែនការអនុវត្តគម្រោងធ្វើការបណ្ដុះបណ្ដាលរយៈពេលខ្លី។ គម្រោងនេះបានផ្អាកដំណើរការទៅវិញ ចាប់តាំងពីខែមិថុនា ឆ្នាំ២០០៨ ដើម្បីកែសម្រួលរចនាសម្ព័ន្ធគ្រប់គ្រងគម្រោងឡើងវិញ ហើយគ្រោងនឹងដំណើរការឡើង វិញចាប់ពីឆ្នាំ២០០៩ ដល់ឆ្នាំ២០១០ ។
៣.១.៤. កម្មវិធីអភិវឌ្ឍន៍ផ្លូវជនបទ (TRIP IV)
ជាគម្រោងជំនួយឥតសំណងរបស់ធនាគារអាល្លឺម៉ង់ (KFW)។ គម្រោងទ្រីប៤ ផ្ដោតលើការសាងសង់ផ្លូវជនបទ សាងសង់ផ្សារជនបទ ស្រះទឹក ការថែទាំផ្លូវជនបទ និងការកសាងសមត្ថភាព។ គម្រោងនេះត្រូវបានអនុវត្តលើខេត្ត ចំនួន០៦ គឺ ខេត្តកំពង់ធំ ខេត្តកំពង់ចាម ខេត្តកំពង់ឆ្នាំង ខេត្តកំពង់ស្ពឺ ខេត្តក្រចេះ និងខេត្តព្រៃវែង។ ឆ្នាំ២០០៨ នេះ គម្រោងសម្រេចបានដូចខាងក្រោម ៖
សាងសង់ផ្លូវថ្មីបានចំនួន ០៩ ខ្សែ ប្រវែង ១៤១,២៥ គ.ម លើខេត្តចំនួន ០៤ គឺខេត្តកំពង់ចាម ០២ ខ្សែ ខេត្តកំពង់ធំ ០៣ ខ្សែ ខេត្តកំពង់ស្ពឺ ០២ ខ្សែ និងខេត្តព្រៃវែង ០២ ខ្សែ
សាងសង់រនាំងការពារជើងទេរផ្លូវ ០១ ខ្សែ ប្រវែង ៤.៥ គ.ម នៅខេត្តកំពង់ធំ
សាងសង់ផ្សារជនបទបានចំនួន ០៤ ផ្សារ នៅខេត្តកំពង់ចាម ខេត្តកំពង់ឆ្នាំង ខេត្តកំពង់ស្ពឺ និងខេត្តព្រៃវែង
ជីកស្រះទឹកបាន ០១ កន្លែង នៅខេត្តកំពង់ធំ
ជារួមគម្រោងសម្រេចថែទាំផ្លូវបាន ១៨ ខ្សែ ប្រវែង ២៧០,១០ គ.ម ថែទាំប្រចាំបានប្រវែង ១ ៩៦៦,៤៤ គ.ម និងជួសជុលផ្លូវដោយអន្លើបាន ១០ ខ្សែ ប្រវែង ៩៥,១៦៣ គ.ម។
៣.១.៥. គម្រោងអភិវឌ្ឍន៍ភូមិភាគពាយ័ព្យ (NRDP)
ជាគម្រោងកម្ចីរវាងព្រះរាជាណាចក្រកម្ពុជា និងធនាគារអភិវឌ្ឍន៍អាស៊ី (ADB) ក្រោមកិច្ចព្រមព្រៀងផ្ដល់ ឥណទានកម្ចីលេខ ៖ ១៨៦២-CAM (SF) គម្រោងនេះបានបញ្ចប់នៅខែមិថុនា ឆ្នាំ២០០៨ រួចហើយ។ គម្រោងអនុវត្ត លើ ០៤ ខេត្ត គឺខេត្តបាត់ដំបង ខេត្តបន្ទាយមានជ័យ ខេត្តឧត្តរមានជ័យ និងខេត្តសៀមរាប រួមមាន១៤ ស្រុក ៨៥ ឃុំ និង ៤០០ភូមិ មានអ្នកទទួលផលប្រមាណ ១០៥,០០០គ្រួសារ សរុបប្រជាពលរដ្ឋសរុប ៥២៥,១៥៨ នាក់។ គម្រោងមាន គោលដៅចូលរួមចំណែកការកាត់បន្ថយភាពក្រីក្ររបស់ប្រជាពលរដ្ឋតាមរយៈការបង្កើនការកែលំអហេដ្ឋារចនាសម្ព័ន្ធរូបវន្ត និងធ្វើឱ្យប្រសើរឡើងនូវស្ថានភាពសង្គម សេដ្ឋកិច្ច នៅក្នុងតំបន់ពាយ័ព្យនៃប្រទេសកម្ពុជា។ គម្រោងផ្តោតសំខាន់ ការ លើកកម្ពស់ជីវភាពរស់នៅរបស់ប្រជាជននៅជនបទ ដោយផ្អែកលើការស្ដារផ្នែកហេដ្ឋារចនាសម្ពន្ធ័ឮជនបទដូចជាៈ ផ្លូវជនបទ សាលារៀន មណ្ឌលសុខភាព ទីផ្សារ អណ្ដូងទឹក និងលើការកសាងសមត្ថភាព ពិសេសចំពោះមន្ត្រីរដ្ឋាភិបាល អង្គការ មិនមែនរដ្ឋាភិបាល សហគមន៍ និងវិស័យឯកជន។
៣.១.៦. គម្រោងអភិវឌ្ឍន៍សហគមន៍មូលដ្ឋានជនបទនៅខេត្តកំពង់ធំ និងកំពត (CBRDP)
ដៃគូអភិវឌ្ឍន៍ និងអ្នកចូលរួមផ្តល់ហិរញ្ញប្បទាន ចម្រុះ ទឹកប្រាក់សរុប ២២.៨៥លាន ក្រោមឥណទានលេខ ៥៥១-គះ របស់អង្គការ IFAD។ គម្រោងមានគោលបំណងជួយកាត់បន្ថយភាពក្រីក្ររបស់ប្រជាពលរដ្ឋនៅជនបទ ប្រមាណជា ៤០.០០០ គ្រួសារនៅខេត្តកំពង់ធំ និងខេត្តកំពត ដោយធ្វើឱ្យមានស្ថិរភាពកំណើននៃផលិតផលស្បៀង និងប្រាក់ចំណូល ពីផលិតកម្ម កសិកម្ម និងការចិញ្ចឹមសត្វតាមបែបប្រពលវប្បកម្មទំនើប ព្រមទាំងបង្កើនសមត្ថភាពដល់ប្រជាពលរដ្ឋ ក្រីក្រនៅក្នុងខេត្តគោលដៅដើម្បីឱ្យមានលទ្ធភាពប្រើប្រាស់សេវាកម្មរបស់រដ្ឋាភិបាល និងពីប្រភពផ្សេងៗទៀតដើម្បីការ អភិវឌ្ឍសង្គម និងសេដ្ឋកិច្ចរបស់ពួកគេ។
៣.១.៧. គម្រោងផ្គត់ផ្គង់ទឹកខេត្តកំពង់ចាម ដំណាក់កាលទី ២
ជាគម្រោងផ្គត់ផ្គង់ទឹកជនបទដំណាក់កាលទី ២ នៅស្រុកមេមត់ ខេត្តកំពង់ចាម។ គម្រោងនេះប្រើប្រាស់ថវិកា រាជរដ្ឋាភិបាលជប៉ុនក្នុងគម្រោងជំនួយ ODA ។ លទ្ធផលឆ្នាំ២០០៨ គម្រោងសម្រេចជីកអណ្ដូងស្នប់បាន ១៩៦ អណ្ដូង ប្រគល់ជូនប្រជាពលរដ្ឋប្រើប្រាស់បានចំនួន ០៤ ស្រុក ១៧ ឃុំ ៥៦ ភូមិ ក្នុងនោះមានស្រុកមេមត់ មាន ០៤ ឃុំ ០៦ ភូមិ បានទទួលអណ្ដូង ១២៨ ស្រុកពញាក្រែកមាន ០២ ឃុំ ០៣ ភូមិ បានទទួលអណ្ដូង ១១ ស្រុកតបែរ មាន ០១ ឃុំ ០១ភូមិ បានទទួលអណ្ដូង ០៦ និងស្រុកត្បូងឃ្មុំ មាន ០៨ ឃុំ ១៥ ភូមិ បានទទួលអណ្ដូង ៥០ ។
៣.១.៨. គម្រោងកម្មវិធីកំណែទម្រង់ហិរញ្ញវត្ថុសាធារណៈ (PFMRP)
ជាគម្រោងជំនួយឥតសំណងរបស់ធនាគារអភិវឌ្ឍន៍អាស៊ី (ADB) គម្រោងនេះចាប់ផ្តើមនៅឆ្នាំ២០០៩ ដល់ ឆ្នាំ ២០១១ មានរយៈពេល ០៣ ឆ្នាំ។ គម្រោងនេះអនុវត្តដោយក្រសួង ស្ថាប័ន ចំនួន ០៤ មានក្រសួងអភិវឌ្ឍន៍ជនបទ ក្រសួងកសិកម្ម រុក្ខាប្រមាញ់ និងនេសាទ ក្រសួងធនធានទឹក និងឧតុនិយម និងអាជ្ញាធរសវនកម្មជាតិ ដោយមាន ក្រសួងសេដ្ឋកិច្ច និងហិរញ្ញវត្ថុ ជាអ្នកសម្របសម្រួល។ គម្រោងនេះអនុវត្តលើកម្មវិធីកំណែទម្រង់ហិរញ្ញវត្ថុសាធារណៈ ដែលមាន ០៤ ដំណាក់កាលធំៗ។ ជាលទ្ធផលឆ្នាំ២០០៨ នេះ ក្រុមការងារកំណែទម្រង់ក្រសួងបានចូលរួមជួយក្រុមជំនាញ ការបច្ចេកទេស (TA) ដើម្បីសិក្សាពីស្ថានភាពហិរញ្ញវត្ថុនៅក្រសួង និងជួយរៀបចំផែនការហិរញ្ញវត្ថុ ផែនការសកម្មភាព ក្រសួង Ministry Acion Plan (MAP) និងចុងក្រោយឈានទៅចុះកិច្ចព្រមព្រៀង (MOU) ជាមួយ រាជរដ្ឋាភិបាលកម្ពុជា កាលពីថ្ងៃទី១២ ខែធ្នូ ឆ្នាំ២០០៨ កន្លងទៅនេះ។ ហើយក្នុងឆ្នាំ ២០០៨ នេះដែរ គម្រោងបានបញ្ចប់ ជំហានទី១ ដែលជាជំហាននៃថវិកាអាចជឿទុកចិត្តបាននៃថវិកាជាតិ និងបន្តអនុវត្តដំណាក់កាលទី ២ ស្ដីពី គណនេយ្យ ភាពហិរញ្ញវត្ថុនៅ ឆ្នាំ២០០៩ ទៀត ។
៣.១.៩. កម្មវិធីស្បៀងអាហារពិភពលោក (WFP)
ជាកម្មវិធីប្រើប្រាស់ស្បៀងពលកម្ម ដើម្បីជួសជុលថែទាំហេដ្ឋារចនាសម្ព័ន្ធជនបទ រួមមានផ្លូវជនបទបាន ២៣៣ គ.ម ជីកប្រឡាយបាន ១៨ គ.ម ស្តារស្រះក្នុងភូមិបាន ០១ កន្លែង៘ ក្នុងឆ្នាំ ២០០៨ នេះ កម្មវិធីស្បៀង អាហារពិភពលោកបានប្រើប្រាស់ស្បៀងពលកម្មអស់ ៣.៤៤០ តោន ស្មើនឹង ២.៨៤១.៦១២ ដុល្លារ ដោយមានពលករ ចូលរួម ចំនួន ៤៥.៤២៤ នាក់ ហើយមានប្រជាពលរដ្ឋចំនួន ៩២.៥២៩ នាក់បានទទួលផលផ្ទាល់ពីកម្មវិធីនេះ។
៣.១.១០. គម្រោងផ្គត់ផ្គង់ទឹក និងអនាម័យជនបទ (IMF)
គម្រោងនេះចាប់ដំណើរការតាំងពីខែតុលា ឆ្នាំ២០០៨ ដល់ ខែកញ្ញា ឆ្នាំ២០១១ ដែលអនុវត្តលើកម្មវិធីទឹកស្អាត និងអនាម័យជនបទ លើខេត្តគោលដៅចំនួន ១៣ គឺខេត្តកំពង់ចាម ខេត្តព្រៃវែង ខេត្តស្វាយរៀង ខេត្តក្រចេះ ខេត្តស្ទឹងត្រែង ខេត្តរតនគីរី ខេត្តមណ្ឌលគីរី ខេត្តតាកែវ ខេត្តកំពត ខេត្តកណ្ដាល ខេត្តកំពង់ស្ពឺ ខេត្តឧត្តរមានជ័យ និងខេត្តព្រះវិហារ។ គម្រោងនេះមានគោលបំណងចូលរួមកាត់បន្ថយ ភាពក្រីក្ររបស់ប្រជាពលរដ្ឋ តាមរយៈការលើកកម្ពស់សុខភាពជីវភាព រស់នៅឱ្យកាន់តែប្រសើរឡើង។
៣.១.១១. គម្រោងគាំទ្រការបង្កើនល្បឿន និងនិរន្តរភាពការរីកចម្រើនអនាម័យជនបទ (Support to accelerated and sustained progress on rural sanitation in Cambodia)
គម្រោងនេះចាប់ដំណើរការពីខែមករា ឆ្នាំ ២០០៨ ដោយមានរយៈពេល ០៣ ឆ្នាំ។ គម្រោងគាំទ្រការបង្កើនល្បឿន និងនិរន្តរភាពការរីកចម្រើនអនាម័យជនបទ ត្រូវបានជួយដោយស្ថាប័នអភិវឌ្ឍន៍អន្តរជាតិរបស់ចក្រភពអង់គ្លេស តាមរយៈ អង្គការ UNICEF ក្នុងខេត្តចំនួន ០៦ មានខេត្តព្រៃវែង ខេត្តស្វាយរៀង ខេត្តកំពង់ស្ពឺ ខេត្តកំពង់ធំ ខេត្តឧត្តរមានជ័យ និង ខេត្តស្ទឹងត្រែង។ ទិសដៅសំខាន់របស់គម្រោងនេះ គឺផ្តោតលើការផ្លាស់ប្តូរឥរិយាបថដោយប្រកាន់យកការប្រតិបត្តិអនាម័យល្អ។
ក្នុងឆ្នាំ២០០៨ គម្រោងបានបើកវគ្គបណ្ដុះបណ្ដាលអប់រំសុខភាពដល់មន្ត្រីមន្ទីរអភិវឌ្ឍន៍ជនបទខេត្តព្រៃវែង ខេត្តស្វាយរៀង ខេត្តកំពង់ស្ពឺ ខេត្តកំពង់ធំ ខេត្តឧត្តរមានជ័យ ខេត្តស្ទឹងត្រែង ខេត្តតាកែវ ខេត្តកំពង់ចាម ខេត្តកំពត និងខេត្តកែប បានចំនួន ១០វគ្គ មានអ្នកចូលរួមសរុប ១៥០ នាក់ និងវគ្គបណ្ដុះបណ្ដាលសុខភាពអនាម័យដល់ជនបង្គោលថ្នាក់ ភូមិបានចំនួន ៥០វគ្គ សរុប ៣០០ភូមិ មានអ្នកចូលរួម ០២ នាក់ ក្នុង ០១ភូមិ។ ក្រៅពីនេះគម្រោងបានបំផុស ប្រជាជនឱ្យសាងសង់បង្គន់ដោយខ្លួនឯងបាន ១២៥០ បង្គន់ បំផុសការយល់ដឹងពីសារៈសំខាន់នៃការប្រតិបត្តិអនាម័យល្អ តាមរយៈយុទ្ធនាការ លើកកម្ពស់អនាម័យបានចំនួន ១៦លើក ដោយមួយលើកៗមានអ្នកចូលរួមពី៥០០ ទៅ ៩០០ នាក់ ។ ក្រៅពីនោះគម្រោងបានជំរុញជនបង្គោលនារី-កុមារឃុំក្នុងខេត្តព្រៃវែង ខេត្តស្វាយរៀង បានចំនួន៣០ ឃុំ ដើម្បីបញ្ចូល សកម្មភាពសុខភាពអនាម័យទៅក្នុងផែនការវិនិយោគឃុំ ។
៣.២. ការងារអាស៊ាន និងសហប្រតិបត្តិការអន្តរជាតិ
ក្រសួងអភិវឌ្ឍន៍ជនបទបានចូលរួមប្រជុំក្នុងក្របខ័ណ្ឌអាស៊ានបានចំនួន ០៣ លើក ក្នុងនោះ
ថ្ងៃទី ២២-២៤ ខែមេសា ឆ្នាំ ២០០៨ នៅទីក្រុងប៉េកាំង រៀបចំដោយក្រសួងកសិកម្មនៃសាធារណរដ្ឋ ប្រជាមានិតចិន អំពីការអភិវឌ្ឍជនបទដែលមានប្រទេស ៣៤ បានចូលរួម។ កិច្ចប្រជុំផ្ដោតលើបញ្ហាកសិកម្ម និង ការអភិវឌ្ឍជនបទលើសកលលោកអាស៊ី និងអឺរ៉ុប។ ការកើនឡើងនូវតម្លៃស្បៀងអាហារ និង ការប្រែប្រួល បរិស្ថានធម្មជាតិដែលប៉ះពាល់ដល់ផលិតកម្មកសិកម្ម ។
កិច្ចប្រជុំជាមួយប្រតិភូសាធារណរដ្ឋប្រជាមានិតចិន ស្ដីពីការកាត់បន្ថយភាពក្រីក្រ នៅទីស្តីការក្រសួងអភិវឌ្ឍន៍ ជនបទ ក្រោមអធិបតីភាព ឯកឧត្ដម សួស គង់ ។
ចូលរួមសិក្ខាសាលាអាសាន-ចិន ស្ដីពីគោលនយោបាយកាត់បន្ថយភាពក្រីក្រ និងការអនុវត្តជាក់ស្ដែងដោយ មន្ត្រីរដ្ឋាភិបាល នៅទីក្រុងណាននីននៃសាធារណរដ្ឋប្រជាមានិតចិន កាលពីថ្ងៃ ទី០១-០៨ ខែវិច្ឆិកា ឆ្នាំ២០០៨។ សិក្ខាសាលាផ្ដោតលើការអនុវត្តគម្រោងជាក់ស្ដែង និងទ្រឹស្តីដើម្បីកាត់បន្ថយភាព ក្រីក្រ នៅសាធារណរដ្ឋ ប្រជាមានិតចិន ដែលទទួល បានជោគជ័យកន្លងមក ពិសេសនៅទីក្រុងណាននីន ខេត្តក្វាងស៊ី។ ភ្ជាប់ជាមួយនេះ កម្មវិធីក៏បានរៀបចំវេទិកា (Forum) មួយដោយមានប្រទេសអាស៊ាន និងអឺរ៉ុបមួយចំនួន ចូលរួមផង ដែរ ដើម្បីស្វែងរកដំណោះស្រាយវិបត្តិប្រេងឥន្ធនៈ និងវិបត្តិស្បៀងអាហារពិភពលោក។
៣.៣. កិច្ចសហប្រតិបត្តិការជាមួយគណៈកម្មាធិការជាតិទន្លេមេគង្គកម្ពុជា
ក្នុងឆ្នាំ ២០០៨ អង្គភាពមេគង្គរបស់ក្រសួងអភិវឌ្ឍន៍ជនបទ បានចូលរួមប្រជុំចំនួន ១៥ ដង ដែលមានប្រធាន បទ ដូចខាងក្រោម ៖
កិច្ចព្រមព្រៀងទន្លេមេគង្គឆ្នាំ១៩៩៥ និងនីតិវិធីរបស់គណៈកម្មការទន្លេមេគង្គ
ការកំណត់បញ្ហាសំខាន់ៗឆ្លងដែន
ដំណើរការអនុវត្តការដោះស្រាយបញ្ហាទឹកជំនន់ឆ្លងដែន
គម្រោងគាំទ្រការគ្របគ្រងធនធានទឹកចំរុះ
ការរៀបចំផែនការដំណើរការកម្មវិធីអភិវឌ្ឍន៍អាងទន្លេមេគង្គ
ដំណាក់កាលផ្ដួចផ្ដើមភាពបន្សាំ និងបម្រែបម្រួលអាកាសធាតុ
ការចែករំលែកទិន្នន័យ និងចំណេះដឹង
ការពង្រឹងសមត្ថភាពនៅថ្នាក់ខេត្តនិងស្រុក ក្នុងការគ្រប់គ្រង និងកាត់បន្ថយទឹកជំនន់ក្នុងអាងទន្លេមេគង្គក្រោម
វគ្គបណ្ដុះបណ្ដាលមូលដ្ឋានស្ដីពីប្រព័ន្ធព័ត៌មានភូមិសាស្ត្រ
សិក្ខាសាលាស្ដីពីវិធីសាស្ត្រកសាងសមិទ្ធផលភាពជាដៃគូទឹកតំបន់អាស៊ីអាគ្នេយ៍ និងការប្រមូលទឹកភ្លៀងនៅ ប្រទេសហ្វីលីពីន
សិក្ខាសាលាស្ដីពីការពិគ្រោះយោបល់ និងពិភាក្សាលទ្ធផលនៃគម្រោងធនាគារអភិវឌ្ឍន៍អាស៊ី និងភាពជាដៃគូ ទឹកសកលលោក នៅខេត្តក្រចេះ ។
របាយការណ៍កិច្ចប្រជុំថ្នាក់ជាតិលើកទី ២ ស្តីពីការ ចែករំលែកចំណេះដឹង និងទិន្នន័យនៅសណ្ឋាគារឆ្នេរជលសា ខេត្តព្រះសីហនុ ។
ជាលទ្ធផល គណៈកម្មាធិការជាតិទន្លេមេគង្គកម្ពុជា បានបញ្ចប់ការរៀបចំផែនការអភិវឌ្ឍន៍អាងទន្លេមេគង្គ ដំណាក់កាលទី ១ រួចហើយ និងបានចាប់ផ្ដើមដំណាក់កាលទី ២ នៅដើមឆ្នាំ ២០០៩ នេះទៀត ដោយផ្ដោតការយកចិត្ត ទុកដាក់ទៅលើការអនុវត្តគម្រោងវិញម្តង ។ ក្រៅពីនេះ ក្រសួងក៏បានរៀបចំចងក្រងប្រព័ន្ធទិន្នន័យក្នុងអាងទន្លេ ដើម្បី ចែករំលែកទិន្នន័យគ្នាទៅវិញទៅមក ។
៣.៤. កិច្ចសហប្រតិបត្តិការជាមួយអង្គការមិនមែនរដ្ឋាភិបាល
ក្រោមកិច្ចសហប្រតិបត្តិការអភិវឌ្ឍន៍ជនបទមានអង្គការមិនមែនរដ្ឋាភិបាល អង្គការជាតិ និងអន្តរជាតិសរុប ចំនួន ៣៥ អង្គការ បានចុះកិច្ចព្រមព្រៀងសហប្រតិបត្តិការជាមួយក្រសួងអភិវឌ្ឍន៍ជនបទតាំងពីឆ្នាំ ២០០២ បន្តរហូត ដល់ឆ្នាំ ២០១១ ក្នុងនោះមាន ៖
Action Contre la Faim Cambodia Program (ACF)
Australian Catholic Relief-Cambodia (ACR)
Action aid International Cambodia
Adventist Development and Relief Agency Cambodia (ADRA)
CARE Cambodia
CARITAS CAMBODIA
Christian Care for Cambodia (CCFC)
Cambodia Methodish Services (CMS)
Concern Worldwide Cambodia (CWC)
Catholic Relief Services (CRS)
Christian Reform World Relief Committee Cambodia (CRWRC)
Church World Service (CWS)
Development and Partnership in Action (DPA)
Development Technology Workshop (DTW)
Food for the Hungry International (FHI)
German Agro Action (GAA)
Helen Keller International (HKI)
Health Unlimited (HU)
International Development Enterprises (IDE)
International Volunteer of Yanmagata (IVY)
The Lutheran World Federation (LWF)
Mennonite Central Committee (MCC)
Neighbor of Cambodia (NC)
OCKENDEN INTERNATIONAL CAMBODIA
Operation Hope Foudation (OHF)
Oxfam Great Britain (GB) Cambodia Program
Partnership for Development in Kampuchea (PADEK)
Plan International Cambodia (PLAN)
Resource Development International (RDI)
Samaritan's Purse International Relief (SPIR)
Sustaniable Cambodia (SC)
Trailblazer Foudation (TF)
VICHEA-STHAN BOMREU NEAK-SAMROB-SAMROURL KARNGEA AKPIWAT (VBNK)
World Vision International in Cambodia (WVC)
ZOA Refugee Care Cambodia Program
ក្នុងឆ្នាំ ២០០៨ នេះមានអង្គការចំនួន ១២ បានចុះកិច្ចព្រមព្រៀងសហប្រតិបត្តិការជាមួយក្រសួងអភិវឌ្ឍន៍ ជនបទ។ អង្គការទាំងអស់ខាងលើ បានចូលរួមយ៉ាងសកម្មដោយផ្ទាល់ជាមួយសហគមន៍ជនបទ ក្នុងគោលដៅចូលរួមកាត់ បន្ថយភាពក្រីក្ររបស់ប្រជាពលរដ្ឋកម្ពុជានៅជនបទ។ ការអភិវឌ្ឍទាំងនោះរួមមានហេដ្ឋារចនាសម្ព័ន្ធជនបទ ផ្លូវជនបទ ទឹកស្អាត អនាម័យ គ.អ.ភ សេដ្ឋកិច្ចជនបទ ឥណទានជនបទ ធារាសាស្ត្រ អភិវឌ្ឍន៍សហគមន៍ ។
៤.គោលនយោបាយអភិវឌ្ឍន៍តាមវិស័យ
៤.១. ការរៀបចំផែនការ
ក្រសួងអភិវឌ្ឍន៍ជនបទបានរៀបចំគម្រោងកម្មវិធីវិនិយោគសាធារណៈ PIP ២០០៩-២០១១ សរុបចំនួន ៥៥ គម្រោង ដែលក្នុងនោះមានគម្រោងចាស់ស្នើសុំរំកិលចំនួន ៤៦ គម្រោង កំពុងដំណើរការចំនួន ០៨ គម្រោង និងសុំលុបចេញចំនួន ០១ គម្រោង ។
បានរៀបចំផែនការយុទ្ធសាស្ត្រ រយៈពេលមធ្យម ២០០៩-២០១១ (Strategic Budget Plan ២០០៩-២០១១) ដើម្បីអនុវត្តកម្មវិធីកំណែទម្រង់ហិរញ្ញវត្ថុសាធារណៈដំណាក់កាលទី ១ ។
ចូលរួមប្រជុំរៀបចំអភិក្រមទូទាំងវិស័យ Sector Wide Approach (SWAP) នៅខេត្តព្រះសីហនុដែលរៀប ចំដោយក្រសួងផែនការ។
ជួបពិភាក្សាជាមួយអង្គការមិនមែនរដ្ឋាភិបាលនិងអង្គការអន្តរជាតិក្នុងក្របខ័ណ្ឌបច្ចេកទេស និង ផែនការបាន ចំនួន ២០ លើក។
ចូលរួមប្រជុំកម្មវិធីកំណែទម្រង់ហិរញ្ញវត្ថុសាធារណៈបានចំនួន ១៩ លើក និងកំណែទម្រង់រដ្ឋបាលសាធារណៈ នៅគណៈរដ្ឋមន្ត្រីបានចំនួន ០២ លើក ។
ជួបប្រជុំជាមួយតំណាងបេសកកម្មស្វែងរកការពិតរបស់ (ADB) ដែលមានការចូលរួមពីក្រសួងពាក់ព័ន្ធមួយ ចំនួនដូចជា ក្រសួងកសិកម្ម រុក្ខាប្រមាញ់ និងនេសាទ ក្រសួងអភិវឌ្ឍន៍ជនបទ ក្រសួងធនធានទឹក និងឧតុនិយម ក្រសួងសុខាភិបាល ក្រសួងសាធារណការ និងដឹកជញ្ជូន ក្រសួងសេដ្ឋកិច្ច និងហិរញ្ញវត្ថុ ដែលបានរៀបចំឡើង នៅទីស្ដីការក្រសួងសេដ្ឋកិច្ច និងហិរញ្ញវត្ថុ។
ចូលរួមប្រជុំគណៈកម្មការគោលនយោបាយសេដ្ឋកិច្ច និងហិរញ្ញវត្ថុ នៅក្រសួងសេដ្ឋកិច្ច និងហិរញ្ញវត្ថុបានចំនួន ០៣ លើក។
ប្រជុំកន្សោមអាទិភាពបានចំនួន ០៣ លើក។
ចុះប្រមូលទិន្នន័យរៀបចំឃុំគំរូ នៅឃុំតាកែនកោះស្លា ស្រុកឈូក ខេត្តកំពត បានចំនួន ០៥ លើក ។
ពិភាក្សា និងវិភាគទិន្នន័យដែលយកបានក្នុងក្របខ័ណ្ឌកន្សោមអាទិភាព។
ចូលរួមប្រជុំក្រុមការងារបច្ចេកទេសទឹកស្អាត និងអនាម័យចំនួន ០៣ លើក។
ចូលរួមកិច្ចប្រជុំពិនិត្យឡើងវិញរបាយការណ៍រដ្ឋាភិបាលពាក់កណ្ដាលអាណត្តិនៅទីស្ដីការគណៈរដ្ឋមន្ត្រីចំនួន ០៣ លើក។
ចូលរួមកែសម្រួលគោលនយោបាយយុទ្ធសាស្ត្ររបស់ក្រសួងអភិវឌ្ឍន៍ជនបទនៅសណ្ឋាគារភ្នំពេញ។
ចូលរួមរៀបចំឯកសារសន្និបាតទូទាំងប្រទេសរបស់រាជរដ្ឋាភិបាល ឆ្នាំ ២០០៤-២០០៧ ចំនួន ០៤ លើក
ចូលរួមវគ្គបណ្ដុះបណ្ដាល ស្ដីពីការ កសាងសមត្ថភាពនៃការសម្រេចចិត្តលើ ការចំណាយមូលធន នៅក្រសួងសេដ្ឋកិច្ច និងហិរញ្ញវត្ថុ។
ចូលរួមកិច្ចប្រជុំពិគ្រោះយោបល់ ស្ដីពីសេចក្ដីព្រាងយុទ្ធសាស្ត្រហិរញ្ញប្បទានសម្រាប់ប្រទេសកម្ពុជា នៅក្រសួង សេដ្ឋកិច្ច និងហិរញ្ញវត្ថុ។
ចូលរួមសិក្ខាសាលាផ្សព្វផ្សាយទស្សនៈយេនឌ័រ និងអនុសញ្ញាលុបបំបាត់រាល់អំពើរើសអើងប្រឆាំងនឹងនារីភេទ ស៊ី-ដ (CEDAW)។
បើកវគ្គបណ្ដុះបណ្ដាលកសាងសមត្ថភាពមន្ត្រីផែនការ នៅទីស្ដីការក្រសួងដែលមានសមាជិកចូលរួមចំនួន ៨០នាក់
ចូលរួមប្រជុំក្រុមការងារបច្ចេកទេសកាត់បន្ថយភាពក្រីក្រ នៅក្រសួងផែនការចំនួន ០២ លើក ។
ចូលរួមប្រជុំរៀបចំថវិកានៅក្រសួងអភិវឌ្ឍន៍ជនបទ និងហិរញ្ញវត្ថុ ចំនួន ០៤ លើក ។
ដឹកនាំប្រជុំរៀបចំផែនការសកម្មភាពក្រសួង (MAP) បានចំនួន ០៥ លើក។
ចូលរួមប្រជុំស្ដីពីការដាក់ឱ្យដំណើរការកម្មវិធីកំណែទម្រង់ហិរញ្ញវត្ថុសាធារណៈជំហានទី ២ ក្រោមអធិបតីភាព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
ដឹកនាំរៀបចំសិក្ខាសាលាវាយតម្លៃការអនុវត្តផែនការឆ្នាំ ២០០៨ និងកំណត់ទិសដៅអនុវត្តឆ្នាំ ២០០៩។
៤.២. ការគ្រប់គ្រងហិរញ្ញវត្ថុ
ក្រសួងអភិវឌ្ឍន៍ជនបទមានថវិកាផែនការសរុបចំនួន ១០៦.៧៦៤.៧០០.០០០៛០០ បើប្រៀបធៀបជាមួយ ថវិកាឆ្នាំ ២០០៧ មានចំនួន ៧៦.៤១៦.៦៩០.៦០៦៛០០ កើនលើសចំនួន ៣០.៣៤៨.០០៩.៣៩៤៛០០ ស្មើនឹង ៣៩.៧១%។ ប៉ុន្តែ ការអនុវត្តជាក់ស្ដែងឆ្នាំ២០០៨ថវិកា បានត្រឹមចំនួន ១០៤.៥៣៥.៥៨៥.១១៤៛០០ ស្មើនឹង ៩៨% នៃផែនការកើន លើសឆ្នាំ ២០០៧ ប្រមាណ ១% បើប្រៀបធៀបពេលដូចគ្នា ។ ថវិកាខាងលើនេះ ចែកចេញជា ០៣ ផ្នែកដាច់ពីគ្នា ៖
ថវិកាមិនមែនកម្មវិធីមានចំនួន ៧.៥២៩.០០០.០០០៛០០
ថវិកាតាមកម្មវិធីមានចំនួន ២៤.០០៣.០០០.០០០៛០០
ថវិកាវិនិយោគសាធារណៈមានចំនួន ៧៥.២៣២.៧០០.០០០៛០០
ក្រសួងអភិវឌ្ឍន៍ជនបទ បានអនុវត្តការងារលទ្ធកម្មដូចខាងក្រោម៖
ចំពោះថវិកាមិនមែនកម្មវិធីក្រសួងបានអនុវត្តនីតិវិធីលទ្ធកម្មបានចំនួន ០៧ កិច្ចសន្យាគិតជាទឹកប្រាក់ស្មើនឹង ១.៤៩០.៧៣៣.៣០០៛០០។
ថវិកាតាមកម្មវិធីអនុវត្តអស់ទឹកប្រាក់ចំនួន ១៧.៩៦៧.៥៨៩.២០០៛០០ ក្នុងនោះក្រសួងបានអនុវត្តនីតិវិធីលទ្ធកម្មលើ ៖
កម្មវិធីទី២៖ ការថែទាំផ្លូវជាប្រចាំបានចុះកិច្ចសន្យាចំនួន ១៥ កិច្ចសន្យាដែលមានទឹកប្រាក់សរុបចំនួន ១.៤៧៥.១៥៤.០០០៛ ជាមួយមន្ទីរអភិវឌ្ឍន៍ជនបទចំនួន ១៥ ខេត្ត-ក្រុង។ ការជួសជុលផ្លូវជាលក្ខណៈខួប បានចុះកិច្ចសន្យាជាមួយមន្ទីរចំនួន ៣២ កិច្ចសន្យាគិតជាទឹកប្រាក់សរុបចំនួន ១៤.៤៩៣.៨០០.០០០៛០០។
កម្មវិធីទី៣៖ ការងារជួសជុលអណ្ដូងស្នប់បានចុះកិច្ចសន្យាចំនួន ០៩ កិច្ចសន្យាគិតជាទឹកប្រាក់ស្មើនឹង១.៦០០.០០០.០០០រៀល។ ការងារអនាម័យបានចុះកិច្ចសន្យាជាមួយនាយកដ្ឋានសុខភាពជនបទមានទឹកប្រាក់ចំនួន ៣៩៨.៦៣៥.២០០៛០០ ។
ថវិកាវិនិយោគសាធារណៈជំពូក (២១)
បានចុះកិច្ចសន្យាចំនួន៥២កិច្ចសន្យាដែលមានទឹកប្រាក់សរុបចំនួន ១០៦.៦៥៦.០០០.០០០៛០០ និងកិច្ចសន្យា ជាមួយនាយកដ្ឋានផ្លូវលំចំនួន ០៨ កិច្ចសន្យាដែលមានទឹកប្រាក់សរុបចំនួន ១៨.០១០.០០០.០០០៛០០។
ចុះកិច្ចសន្យាជាមួយអគ្គបញ្ជាការ ឯកឧត្ដមឧត្ដមសេនីយ៍ឯក ខ្វាន់ ស៊ាម ចំនួន ១៤ កិច្ចសន្យាដែលមាន ទឹកប្រាក់សរុបចំនួន ៣៣.០៨៧.០០០.០០០៛០០។
ចុះកិច្ចសន្យាជាមួយកងវិស្វកម្មកងទ័ពជើងគោក ឯកឧត្ដមឧត្ដមសេនីយ៍ឯក អ៊ុច វ៉ាន់ថា ចំនួន ០៦ កិច្ចសន្យា ដែលមានទឹកប្រាក់សរុបចំនួន ៨.៥៨៧.០០០.០០០៛០០។
ចុះកិច្ចសន្យាជាមួយនាយកដ្ឋានវិស្វកម្ម នៃអគ្គនាយកដ្ឋានភស្តុភារហិរញ្ញវត្ថុ ក្រសួងការពារជាតិ ឯកឧត្ដម ឧត្ដមសេនីយ៍ គង់ អៀង ចំនួន ១៥ កិច្ចសន្យា ដែលមានទឹកប្រាក់សរុបចំនួន ២៦.១៩៦.០០០.០០០៛០០។
ចុះកិច្ចសន្យាជាមួយនាយកដ្ឋានវិស្វកម្ម នៃអគ្គនាយកដ្ឋានភស្តុភារហិរញ្ញវត្ថុ ក្រសួងការពារជាតិ ឯកឧត្ដម ឧត្ដមសេនីយ៍ ប៊ូ ផាន់សារី ចំនួន ០៥ កិច្ចសន្យាដែលមានទឹកប្រាក់សរុបចំនួន ១៦.៣៣៣.០០០.០០០ ៛០០។
ចុះកិច្ចសន្យាជាមួយនាយកដ្ឋានវិស្វកម្ម នៃអគ្គនាយកដ្ឋានភស្តុភារហិរញ្ញវត្ថុ ក្រសួងការពារជាតិ ឯកឧត្ដម សេនីយ៍ សោម ស៊ីដេត ចំនួន ០៣កិច្ចសន្យាសរុបទឹកប្រាក់ចំនួន ៤.៤៤៣.០០០.០០០៛០០។
ចុះកិច្ចសន្យាជាមួយមជ្ឈមណ្ឌលបោសសំអាតមីនយុទ្ធភណ្ឌមិនទាន់ផ្ទុះ និងបណ្ដុះបណ្ដាល ០១ កិច្ចសន្យាទឹកប្រាក់សរុប ចំនួន ១.០៩៨.០០០.០០០៛០០ ។
៤.៣. ការងារសវនកម្មផ្ទៃក្នុង
នាយកដ្ឋានសវកម្មផ្ទៃក្នុង ទើបនឹងចាប់ផ្ដើមបង្កើតឡើងនៅថ្ងៃទី ១៣ ខែ សីហា ឆ្នាំ២០០៨ ។ នាយកដ្ឋានបាន រៀបចំរចនាសម្ព័ន្ធតួនាទីនិងភារកិច្ចគ្រប់គ្រងនាយកដ្ឋាន ។
ប្រមូលស្រាវជ្រាវឯកសារ គោលនយោបាយ ក្រមសីលធម៌ និងស្តង់ដារសវនកម្មផ្ទៃក្នុង ពីក្រសួងសេដ្ឋកិច្ច និងហិរញ្ញវត្ថុ
ប្រជុំពិភាក្សាលើការរៀបចំផែនការ និងធ្វើពង្រាងរបាយការណ៍ ៣ ឆ្នាំរំកិល និងផែនការសកម្មភាពសវនកម្ម ផ្ទៃក្នុងឆ្នាំ២០០៩
ចងក្រងទម្រង់របាយការណ៍សវនកម្មពីក្រសួងសេដ្ឋកិច្ច និងហិរញ្ញវត្ថុ
ចូលរួមប្រជុំពិភាក្សាចំនួន ០៥លើក ជាមួយក្រុមការងារកំណែទម្រង់ការគ្រប់គ្រងហិរញ្ញវត្ថុសាធារណៈ
ចូលរួមសិក្ខាសាលាបានចំនួន០៤លើក
ចូលរួមវគ្គបណ្ដុះបណ្ដាលការងារផែនការដែលរៀបចំឡើងដោយនាយកដ្ឋានផែនការ និងទំនាក់ទំនងសាធារណៈបានចំនួន ០៤ លើក
សម្របសម្រួលការងារបកប្រែឯកសារក្នុងក្រុមការងារកែទម្រង់ហិរញ្ញវត្ថុសាធារណៈបានមួយចំនួន
៤.៤. ការងារវិមជ្ឈការ និងវិសហមជ្ឈការ សម្រាប់ គ.ជ.អ.ប របស់ក្រសួងអភិវឌ្ឍន៍ជនបទ
ការគាំទ្របច្ចេកទេសរបស់ក្រុមការងារកម្មវិធីវិមជ្ឈការ និងវិសហមជ្ឈការ គឺជាផ្នែកមួយនៃគោលនយោបាយ របស់រាជរដ្ឋាភិបាល សំដៅពង្រឹងអំណាចដល់ថ្នាក់ក្រោមជាតិ ក្នុងការអភិវឌ្ឍឃុំ សង្កាត់ឱ្យមានតម្លាភាព គណនេយ្យភាព និងប្រសិទ្ធិភាពនៅថ្នាក់មូលដ្ឋាន។ លទ្ធផលនៃការងារវិមជ្ឈការ និងវិសហមជ្ឈការ ដែលក្រសួងបានអនុវត្តកន្លងមកមាន ៖
ចូលរួមប្រជុំជាមួយក្រសួង ស្ថាប័នពាក់ព័ន្ធ បានចំនួន ១៨ លើក
ចូលរួមសិក្ខាសាលាស គ.ជ.អ.ប ចំនួន ០៣ លើក
រៀបចំសិក្ខាសាលាគាំទ្របច្ចេកទេសហេដ្ឋារចនាសម្ព័ន្ធថ្នាក់ជាតិនៅខេត្តកំពង់ធំ បាន ០១ លើក
ចុះសិក្សាវាយតម្លៃស្ដីពីការប្រើប្រាស់មូលនិធិក្រុមប្រឹក្សាឃុំ សង្កាត់ចំនួន ០៤ ខេត្ត
ចុះតាមដានត្រួតពិនិត្យការអនុវត្តគំរោងមូលនិធិឃុំ សង្កាត់ចំនួន ០២ ខេត្ត
ចូលរួមទិវាជនជាតិនៅខេត្តពោធិ៍សាត់
ចូលរួមវេទិកាលើកកម្ពស់ផលប្រយោជន៍ឃុំ សង្កាត់តាមរយៈការអនុវត្តគោលនយោបាយវិមជ្ឈការនិងវិសហមជ្ឈការនៅភូមិភាគទី៣ខេត្តកណ្ដាលនិងភូមិភាគទី ១ មន្ទីរព្រឹទ្ធសភាភ្នំពេញ។
៤.៥. ការងារយេនឌ័រ
ក្រសួងអភិវឌ្ឍន៍ជនបទ មានក្រុមការងារយេនឌ័រ ០១ក្រុម ០៩នាក់ សម្រាប់ធ្វើការងារយេនឌ័រ។
បានរៀបចំសៀវភៅផែនការយុទ្ធសាស្ត្រ បញ្ជ្រាបយេនឌ័រសម្រាប់រយៈពេល ០៤ឆ្នាំ។
បានរៀបចំជនបង្គោលនៅតាមនាយកដ្ឋានចំនួន ១០ និងអគ្គាធិការ ០១ ដែលមានចំនួន ២២នាក់ ស្រី ៖ ១១នាក់ ។
បានរៀបចំក្រុមការងារយេនឌ័រ នៅតាមបណ្ដាខេត្តចំនួន ២៤ខេត្ត ក្នុងនោះមានប្រធាន-អនុប្រធានមន្ទីរ ជាប្រធានក្រុម និង ប្រធាន-អនុប្រធានការិយាល័យមន្ទីរ និងស្រុកជាសមាជិកមានចំនួន ១៥៩នាក់ ស្រី ៖ ៤០នាក់ ។
បានបើកវគ្គសិក្ខាសាលាផ្សព្វផ្សាយ ស្ដីពីទស្សនៈយេនឌ័រ និងអនុសញ្ញាលុបបំបាត់រាល់ទម្រង់នៃការរើស អើងប្រឆាំងនារីភេទ ជឌែៅឺ និងយោបល់សន្និដ្ឋាន ៤២ ចំណុចរបស់គណៈកម្មាធិការ ជឌែៅឺ នៃ អង្គការសហប្រជាជាតិ ចំនួន ០៤ លើក ដែលមានសមាជិកចូលរួម ២១៤ នាក់ ស្ត្រី ៖ ៥១នាក់ ។
បានរៀបចំផែនការសកម្មភាព និងតួនាទីភារកិច្ចរបស់ជនបង្គោល និងក្រុមការងារយេនឌ័ររាជធានី ខេត្ត។
បានផ្សព្វផ្សាយសៀវភៅគោលនយោបាយផែនការយុទ្ធសាស្ត្រយេនឌ័របានដល់មន្ទីរអភិវឌ្ឍន៍ជនបទរាជធានី ខេត្ត ចំនួន ០១លើក នៅទីស្ដីការក្រសួង សម្រាប់ប្រធានមន្ទីរ ០១ នាក់ ក្រុមការងារយេនឌ័រ ០១ នាក់ ។
ប នាចូលរួមជាមួយក្រុមប្រឹក្សាជាតិកម្ពុជាដើម្បីស្ត្រី ដើម្បីចុះផ្សព្វផ្សាយរបាយការណ៍ជាតិ។ ស្ដីពីអនុសញ្ញាលុប បំបាត់នូវរាល់ទម្រង់នៃការរើសអើងប្រឆាំងនារីភេទនៅតាមបណ្ដាខេត្ត-ក្រុងចំនួន ២៤ ខេត្ត ជាមួយក្រុមប្រឹក្សា ជាតិកម្ពុជាដើម្បីស្ត្រី។
បនាចុះតាមដាននូវការអនុវត្តច្បាប់ស្ដីពីការជួញដូរមនុស្ស ស្ត្រី និងកុមារ និងការកេងប្រវ័ញ្ចពលកម្មលើកុមារ ជាមួយក្រុមប្រឹក្សាជាតិកម្ពុជាដើម្បីស្ត្រី។
បានចូលរួមវគ្គបណ្ដុះបណ្ដាល ទឿទ ចំនួន ០៤លើកសម្រាប់ផ្សព្វផ្សាយ និងបណ្ដុះបណ្ដាលបន្ត
បានចូលរួមវគ្គបណ្ដុះបណ្ដាលការតាមដានត្រួតពិនិត្យចំនួន ០២ លើកនៅក្រសួងកិច្ចការនារី និងក្រុមប្រឹក្សា ជាតិ កម្ពុជាដើម្បីស្ត្រី
បានចូលរួមវគ្គបណ្ដុះបណ្ដាល ស្ដីពីការសរសេររបាយការណ៍ជាតិចំនួន ០២ លើកជាមួយក្រុមព្រឹក្សាជាតិ- កម្ពុជាដើម្បីស្ត្រី។
បានចូលរួមប្រជុំបច្ចេកទេសយេនឌ័រចំនួន ១២ លើកជារៀងរាល់ខែ នៅក្រសួងកិច្ចការនារី។
បានចូលរួមសិក្ខាសាលាស្ដីពីការវិភាគគោលនយោបាយឆ្លើយតបនឹងយេនឌ័រជាមួយ ក្រសួងកិច្ចការនារីគម្រោង 9ភអំ ជ្ញីបៅ ផ្ដោតទៅលើផ្នែកឥណទានជនបទនៅខេត្តកំពង់ចាម ដោយសហការជាមួយ មន្ទីរអភិវឌ្ឍន៍ ជនបទខេត្ត។
បានចូលរួមសហការជាមួយក្រុមការងារយេនឌ័រមេគង្គចំនួន ០៤ លើក។
បានចុះសួរសុខទុក្ខនារីមានធុរៈ និងលំហែមាតុភាព។
បានរៀបចំទិវានារីអន្តរជាតិ ០៨ មិនា (ចែកថវិកាដល់មន្ត្រីរាជការនៅក្នុងទីស្ដីការក្រសួង )
៥.សកម្មភាពអភិវឌ្ឍន៍តាមវិស័យ
ការអភិវឌ្ឍជនបទជាជំរើសដ៏ប្រសើរបំផុតក្នុងយុទ្ធសាស្ត្រកាត់បន្ថយភាពក្រីក្រ របស់រាជរដ្ឋាភិបាលកម្ពុជាដែល
បានលើកឡើងក្នុងយុទ្ធសាស្ត្រចតុកោណរបស់រាជរដ្ឋាភិបាលកម្ពុជា ក៏ដូចជាផែនការយុទ្ធសាស្ត្រអភិវឌ្ឍន៍ជាតិ ២០០៦-២០១០ និងផែនការអភិវឌ្ឍន៍សហស្សវត្សកម្ពុជា២០១៥។ ក្នុងទិសដៅនេះ ក្រសួងអភិវឌ្ឍន៍ជនបទបានដើរតួនាទីជាអ្នកសម្រប សម្រួល សហប្រតិបត្តិការតាមដានការអនុវត្ត និងវាយតម្លៃកម្មវិធីគម្រោងអភិវឌ្ឍន៍ជនបទនានាក្នុងក្របខណ្ឌទូទាំង ប្រទេស។ ដើម្បីងាយស្រួលក្នុងការគ្រប់គ្រងថវិកាឱ្យមានប្រសិទ្ធិភាព ក្រសួងអភិវឌ្ឍន៍ជនបទបានរៀបចំកម្មវិធីធំៗចំនួន ០៣ តាមវិស័យអាទិភាពដូចខាងក្រោម៖
វិស័យអភិវឌ្ឍន៍ធនធានមនុស្ស និងពង្រឹងសមត្ថភាព
វិស័យស្តាកសាង និងអភិវឌ្ឍន៍ហេដ្ឋារចនាសម្ព័ន្ធជនបទ
វិស័យលើកកម្ពស់សុខភាពអនាម័យជនបទ និងសេដ្ឋកិច្ចជនបទ
៥.១. កម្មវិធីទី ១ ៖ វិស័យអភិវឌ្ឍន៍ធនធានមនុស្ស និងពង្រឹងសមត្ថភាព
ក្រសួងអភិវឌ្ឍន៍ជនបទមានតួនាទីបណ្ដុះបណ្ដាល មិនត្រឹមតែដល់មន្ត្រីរាជការបម្រើក្នុងអង្គភាពប៉ុណ្ណោះទេប៉ុន្តែ ថែមទាំងបានបណ្ដុះបណ្ដាលជំនាញវិជ្ជាជីវៈមូលដ្ឋានដល់ប្រជាពលរដ្ឋក្រីក្រនៅតាមជនបទថែមទៀតផង។ ដើម្បីធ្វើឱ្យ ប្រជាពលរដ្ឋដែលខ្វះលទ្ធភាព ឬគ្មានជំនាញអាចទទួលបានចំណេះដឹង ឬអាជីពពិតប្រាកដដែលអាចមានលទ្ធភាពបង្កើន ប្រាក់ចំណូលតាមគ្រួសាររបស់ពួកគាត់។
៥.១.១. ការបណ្ដុះបណ្ដាលក្រៅប្រទេស
ក្រសួងបានបញ្ជូនមន្ត្រីទៅបណ្ដុះបណ្ដាលវគ្គខ្លីៗ នៅបរទេសបានចំនួន ០៩ វគ្គ នៅតាមបណ្តាប្រទេសចំនួន ៤ គឺ ថៃឡង់ដ៏ ឥណ្ឌា សាធារណរដ្ឋកូរ៉េ និងហ្វីលីពីន ដែលមានមន្ត្រីចូលរួមសរុបចំនួន ៣៣ នាក់ ។
៥.១.២. ការបណ្ដុះបណ្ដាលក្នុងប្រទេស
មានមន្ត្រីចំនួន ៤២១ នាក់បានចូលរួមក្នុងវគ្គខ្លីៗចំនួន ១០៤ វគ្គ។
៥.១.៣. ការបណ្ដុះបណ្ដាលប្រជាពលរដ្ឋ
បានបណ្ដុះបណ្ដាលជំនាញមូលដ្ឋានដល់ប្រជាពលរដ្ឋនៅក្នុងមជ្ឈមណ្ឌលបណ្ដុះបណ្ដាលជំនាញមូលដ្ឋាន ក្នុងខេត្ត ស្វាយរៀង ខេត្តព្រៃវែង ខេត្តតាកែវ និងខេត្តកំពង់ស្ពឺ លើជំនាញ ០៧ គឺ ៖ ជួសជុលម៉ូតូ ជួសជុលគ្រឿងយន្ត កសិកម្ម ខ្នាតតូច កាត់សម្លៀកបំពាក់បុរស ស្ត្រី ជួសជុលវិទ្យុ ទូរទស្សន៍ ម៉ាញេ កែសម្ផស្ស និងអ៊ុតសក់ ផលិតគ្រឿង សង្ហារឹម ពីឬស្សី និងបង្រៀនភាសាអង់គ្លេស បានចំនួន ២៩ វគ្គ ដែលមានសិក្ខាកាមចូលរួមចំនួន ៤០៣ នាក់ ។
៥.១.៤. ការអភិវឌ្ឍជនជាតិដើមភាគតិច
រៀបចំប្រារព្ធអោបអរសាទរទិវាអន្តរជាតិជនជាតិភាគតិចពិភពលោកប្រចាំឆ្នាំនៅខេត្តពោធិ៍សាត់
បើកវគ្គបណ្ដុះបណ្ដាលពង្រឹងសមត្ថភាព និងភាពជាអ្នកដឹកនាំដល់សហគមន៍ជនជាតិភាគតិចចំនួន ០៥ លើក នៅខេត្តកំពង់ចាម ខេត្តមណ្ឌលគីរី ខេត្តព្រះវិហារ ខេត្តព្រះសីហនុ និងខេត្តកោះកុង
ចូលរួមប្រកាសទទួលស្គាល់ការបង្កើតភូមិ ០២ គឺ ភូមិល្អើនក្រែន និងភូមិឡាអ៊ិន នៅខេត្តមណ្ឌលគីរី ដោយ ក្រសួងមហាផ្ទៃ សហការជាមួយអង្គការពលកម្មអន្តរជាតិ
រៀបចំសិក្ខាសាលាចុះបញ្ជីដីសហគមន៍ជនជាតិភាគតិចនៅខេត្តស្ទឹងត្រែងដែលសហការជាមួយអង្គការពលកម្មអន្តរជាតិ
ចូលរួមសិក្ខាសាលាស្ដីពីការផ្លាស់ប្ដូរបទពិសោធន៍ក្នុងសហគមន៍ជនជាតិដើមភាគតិចនៅខេត្តក្រចេះ ដោយសហការជាមួយអង្គការស៊ីដា
នាយកដ្ឋានចុះស្រាវជ្រាវប្រមូលទិន្នន័យ វប្បធម៌ ទំនៀមទម្លាប់ ប្រពៃណីជនជាតិភាគតិច នៅខេត្ត មណ្ឌលគីរី ខេត្តរតនគីរី ខេត្តស្ទឹងត្រែង ខេត្តកោះកុង និងខេត្តព្រះវិហារ (ជំហានទី១)
នាយកដ្ឋានចុះសិក្សាបង្កើតសហគមន៍ជនជាតិដើមភាគតិចនៅខេត្តរតនគីរី និងខេត្តមណ្ឌលគីរី
រៀបចំសិក្ខាសាលាផ្សព្វផ្សាយច្បាប់ លិខិតបទដ្ឋាន និងនីតិវិធីពាក់ព័ន្ធការងារអភិរក្សជនជាតិភាគតិច នៅខេត្ត ព្រះសីហនុ
ចងក្រងបញ្ជីសំណួរជាមួយសហគមន៍ និងអ្នកពាក់ព័ន្ធដើម្បីប្រមូលទិន្នន័យ កំណត់អត្តសញ្ញាណជនជាតិ ភាគតិចកួយ នៅសំឡូត ខេត្តបាត់ដំបង ។
ប្រជុំដឹកនាំជ្រើសរើសក្រុមការងារដឹកនាំបង្កើតសហគមន៍ជនជាតិភាគតិចនៅស្រុកសៀមបូក ខេត្តស្ទឹងត្រែង
ចុះពិនិត្យមើលស្ថានភាពរស់នៅរបស់ជនជាតិភាគតិច (ស្អូច) នៅស្រុកព្រៃនុប។
៥.១.៥. ការអភិវឌ្ឍសហគមន៍
បោះឆ្នោតឡើងវិញជ្រើសរើស គ.អ.ភ ដែលផុតអាណត្តិបានចំនួន ៩៨ ភូមិ
បណ្ដុះបណ្ដាល គ អ ភ ចំនួន ០៣ វគ្គ មានអ្នកចូលរួមចំនួន ៩០ នាក់
អប់រំក្រៅប្រព័ន្ធ បើកថ្នាក់អក្ខរកម្មចំនួន ១២ ថ្នាក់ មានសិស្សចូលរួមចំនួន ២៤០ នាក់។
បណ្ដុះបណ្ដាលទស្សនៈយល់ដឹងនៃសន្តិសុខស្បៀង និងអាហារូបត្ថម្ភចំនួន ០២ វគ្គ មានសិក្ខាកាមចូលរួមចំនួន ៤០ នាក់
បណ្ដុះបណ្ដាល គ.អ.ភ និងកសិករស្ដីពីបច្ចេកទេសធ្វើជីកំប៉ុសចំនួន ០៤ វគ្គ មានអ្នកចូលរួម ១២០ នាក់
ផ្នែកសម្ភារៈធ្វើរោង ជីកំប៉ុសចំនួន ៨០ រណ្ដៅ ។
បណ្ដុះបណ្ដាលបច្ចេកទេសដាំក្រូចផ្លុងចំនួន ០២ វគ្គ និងចែកកូនក្រូចថ្លុងចំនួន ៣២១ ដើម
ផ្ដល់កូនឈើហូបផ្លែចំនួន ៩៥៤ ដើម ផ្ដល់ពូជស្រូវចំនួន ៦២៥ គក្រ ស្រះទឹកចំនួន ០២ កន្លែង និងផ្ដល់កូនត្រីចំនួន ១៣០០ ក្បាល ។
៥.២. កម្មវិធីទី២ ៖ វិស័យស្តារ កសាង និងអភិវឌ្ឍន៍ហេដ្ឋារចនាសម្ព័ន្ធជនបទ
ការងារស្តារ និងជួសជុលហេដ្ឋារចនាសម្ព័ន្ធជនបទ ផ្លូវជនបទ ស្ពាន សាលារៀន មណ្ឌលសុខភាព ផ្សារជនបទ ជាការងារអាទិភាពទី១ របស់ក្រសួងអភិវឌ្ឍន៍ជនបទដែលត្រូវបានរាជរដ្ឋាភិបាលយកចិត្តទុកដាក់ខ្ពស់បំផុត។ ផ្លូវជនបទ ជាសរសៃឈាមដែលតភ្ជាប់ពីជនបទមកកាន់ទីប្រជុំជន ឬទីក្រុងធំៗ ដែលអាចឱ្យប្រជាពលរដ្ឋប្រើប្រាស់ដើម្បីដឹកជញ្ជូន កសិផលរបស់ខ្លួនមកកាន់ទីផ្សារដើម្បីធ្វើការដោះដូរទំនិញបានដោយងាយស្រួល និងចំណាយពេលវេលាតិចដែលជាកត្តា ធ្វើឱ្យថ្លៃដើមផលិតថោកអាចប្រកួតប្រជែងជាមួយទំនិញនៅក្រៅស្រុក និងទំនិញក្នុងស្រុកបាន ។ ឈរលើស្មារតីនេះ ក្រសួងបានយកចិត្តទុកដាក់អនុវត្តកម្មវិធីស្ដារ និងជួសជុលហេដ្ឋារចនាសម្ព័ន្ធជនបទបានលទ្ធផលដូចខាងក្រោម ៖
សាងសង់ផ្លូវថ្មី បាន ៩៩ ខ្សែ ស្មើនឹង ប្រវែង ៤១០,៨២ គ.ម
ផ្លូវលំជួសជុលបាន ២១៧ ខ្សែ ស្មើនឹង ប្រវែង ៩៤០,៩០ គ.ម
ថែទាំផ្លូវលំបាន ១៧២ ខ្សែ ស្មើនឹងប្រវែង ២.១៦៥,២៧ គ.ម
សាងសង់ស្ពានបានចំនួន ៣៨ កន្លែង
សាងសង់លូបង្ហូរបានចំនួន ៤១៩ កន្លែង
សាងសង់សាលារៀនបានថ្មី ៣១ ខ្នង មាន ១៥៤ បន្ទប់
ជួសជុលសាលារៀនបាន ០២ ខ្នង ០៦ បន្ទប់
៥.៣. កម្មវិធីទី២ៈ វិស័យលើកកម្ពស់សុខភាពអនាម័យជនបទ និងសេដ្ឋកិច្ចជនបទ
វិស័យផ្គត់ផ្គង់ទឹកស្អាតជនបទជាប្រធានបទមួយ ដែលរាជរដ្ឋាភិបាលក៏ដូចជាក្រសួងអភិវឌ្ឍន៍ជនបទបាននឹងកំពុងយកចិត្តទុកដាក់យ៉ាងខ្លាំងដើម្បីបម្រើរាល់សេចក្ដីត្រូវការរបស់ប្រជាពលរដ្ឋគ្រប់មជ្ឈដ្ឋានពិសេសប្រជាពលរដ្ឋតាម ទីជនបទដែលមានការខ្វះខាតប្រភពទឹកសម្រាប់ប្រើប្រាស់ និងសម្រាប់បរិភោគ។ ក្រសួងអភិវឌ្ឍន៍ជនបទបានកំណត់ថា នៅឆ្នាំ ២០១០ ប្រជាពលរដ្ឋនៅតាមជនបទនៃព្រះរាជាណាចក្រកម្ពុជាត្រូវមានទឹកស្អាតប្រើប្រាស់ ៤៥% ខណៈដែលនៅ ឆ្នាំ ២០០៦ អត្រានេះមានតែ ៤២.៦% ប៉ុណ្ណោះ (NSDP ២០០៦-២០១០)។ ដោយឡែកតាមផែនការឆ្នាំ ២០០៨ របស់ក្រសួងអភិវឌ្ឍន៍ជនបទប្រជាពលរដ្ឋចំនួន ២១ រាជធានី ខេត្ត នៅតាមជនបទត្រូវបានទទួលទឹកស្អាតប្រើប្រាស់ បន្ថែមទៀត។ នៅឆ្នាំ២០០៨ ក្រសួងអភិវឌ្ឍន៍ជនបទសម្រេចបាននូវសមិទ្ធផលមួយចំនួនដូចខាងក្រោម ៖
៥.៣.១. ទឹកស្អាតសម្រាប់បរិភោគ
សង់អណ្ដូងលូបេតុងបានចំនួន ៦២៥ អណ្ដូង
អណ្ដូងលូបេតុងជួសជុល ចំនួន ១៣ អណ្ដូង
អណ្ដូងស្នប់សង់ថ្មីបានចំនួន ១.៣១២ អណ្ដូង
ជួសជុលអណ្ដូងស្នប់បានចំនួន ១.២៣២ អណ្ដូង
ជីកស្រះទឹករួមបានចំនួន ៤៨ ស្រះទឹក
ធ្វើអាងទឹកបេតុងបានចំនួន ២៨៧ អាង
សាងសង់ធុងទឹកចម្រោះ៥.២៦២ ធុង
៥.៣.២. ទឹកសម្រាប់ស្រោចស្រពដំណាំកសិកម្ម
ការងារធ្វើប្រព័ន្ធស្រោចស្រពដំណាំកសិកម្ម ពិសេសដំណាំស្រូវ ត្រូវបានរាជរដ្ឋាភិបាលនីតិកាលទី ៣ នៃរដ្ឋសភា បានផ្ដល់អាទិភាពដើម្បីលើកស្ទួយការងារបង្កបង្កើនផលរបស់ប្រជាកសិករឱ្យមានទឹកសម្រាប់ធ្វើស្រែចំការ សំដៅធ្វើឱ្យ ជីវភាពរស់នៅតាមគ្រួសារឱ្យកាន់តែប្រសើរឡើង។ ក្នុងនោះក្រសួងអភិវឌ្ឍន៍ជនបទក៏បានសម្រេចនូវសមិទ្ធផលមួយ ចំនួនដូចខាងក្រោម ៖
បានសាងសង់ទំនប់ថ្មីបាន ០៣ខ្សែ ស្មើនឹង ៣.៦៥០ ម៉ែត្រ
ជួសជុលទំនប់ទឹកបាន ០១ ខ្សែ ស្មើនឹង ៤២៩ ម៉ែត្រ
បានសាងសង់ប្រឡាយស្រោចស្រពបានចំនួន ០៩ ខ្សែ ស្មើនឹង ២៤.៦៥៨ ម៉ែត្រ
បានជួសជុលប្រឡាយស្រោចស្រពបាន ១៧ ខ្សែ ស្មើនឹងប្រវែង ២៨.១៧៣ ម៉ែត្រ
៥.៣.៣. ការថែទាំសុខភាពអនាម័យជនបទ
អនាម័យនាំមកនូវការកាត់បន្ថយជំងឺដង្កាត់នានា ដែលធ្វើឱ្យប្រជាពលរដ្ឋមានសុខភាពល្អនាំមកនូវសុភមង្គល របស់គ្រួសារនីមួយៗក៏ដូចជាសុភមង្គលរបស់សង្គមជាតិទាំងមូលដែរ។ ដូច្នេះការការពារកុំឱ្យមានជំងឺឆ្លងដែលបណ្ដាលមកពីមានបញ្ហាកង្វះអនាម័យជាកត្តាសំខាន់បំផុតសម្រាប់ការរស់នៅរបស់ប្រជាពលរដ្ឋម្នាក់ៗក្នុងសង្គម។ ដើម្បីការពារ និង បញ្ចៀសបញ្ហាខាងលើ ក្រសួងអភិវឌ្ឍន៍ជនបទបានដើរតួនាទីយ៉ាងសំខាន់ក្នុងការសម្របសម្រួលផង ជាអ្នកប្រតិបត្តិផ្ទាល់ផង ជាមួយប្រជាពលរដ្ឋនៅតាមជនបទ ក៏ដូចជាមួយដៃគូអភិវឌ្ឍន៍ផ្សេងៗទៀតដែរ ។ សកម្មភាពទាំងនោះរួមមាន ការអប់រំ ប្រជាពលរដ្ឋពីជំងឺអេដស៏ គ្រុនផ្ដាសាយបក្សី ជំងឺឆ្លងផ្សេងៗ ការអប់រំឱ្យសាងសង់ និងប្រើប្រាស់បង្គន់អនាម័យតាម គ្រួសារ។ បង្ហាញពីវិធីសាស្ត្រសាងសង់បង្គន់ អប់រំប្រជាពលរដ្ឋឱ្យបរិភោគទឹក ឆ្អិន ឬទឹក ចម្រោះ ទឹកស្អាតគ្មានមេរោគ។ ជាពិសេសបានធ្វើតេស្តជាតិអាសេនីចក្នុងទឹកអណ្ដូងណាដែលប្រជាពលរដ្ឋ កំពុងប្រើប្រាស់ដើម្បី កំណត់ថាតើទឹកអណ្ដូងណាអាចបរិភោគបាន និងទឹកអណ្ដូងណាមិនអាចបរិភោគបាន។ ចំពោះអណ្ដូងដែលមានជាតិ កំហាប់អាសេនីចតិចជាង ៥០ អាចប្រើបាន (កំណត់ដោយស្តង់ដារ)។ ជាលទ្ធផលក្រសួងអភិវឌ្ឍន៍ជនបទសម្រេចបានដូច ខាងក្រោម ៖
ធ្វើតេស្តទឹកអណ្ដូងរកជាតិអាសេនិចបានចំនួន ៨.៩២១ អណ្ដូង
សាងសង់បង្គន់អនាម័យតាមគ្រួសារបានចំនួន ៤៥.៦៧៣ បង្គន់
អប់រំសុខភាព និងអនាម័យបានចំនួន ១៧៤.២៥០ នាក់
៥.៣.៤. ការលើកកម្ពស់សេដ្ឋកិច្ចជនបទ
ក្រសួងអភិវឌ្ឍន៍ជនបទដែលមាននាយកដ្ឋានសេដ្ឋកិច្ចជនបទ ជាអ្នកសម្របសម្រួល និងអនុវត្តលើកម្មវិធីទាំង ឡាយដែលទាក់ទងនឹងសេដ្ឋកិច្ចនៅជនបទដែលក្នុងនោះមានឥណទានសាច់ប្រាក់ ឥណទានសត្វពាហណៈ ឥណទានស្រូវ ជាដើម។ ការធ្វើឥណទានក្នុងគោលដៅឱ្យប្រជាពលរដ្ឋ មានលទ្ធភាពប្រកបរបរអាជីវកម្មរបស់ខ្លួន តាមរយៈការឱ្យខ្ចី ប្រាក់ឥណទាន ដែលមានការប្រាក់ថោក ដូចជា ៖
ឥណទានសាច់ប្រាក់រៀលបានចំនួន ៥.៦៤៤.៩១១.៩៨៨ រៀល
ឥណទានសាច់ប្រាក់បាតថៃ ២,៩២៣.៣៩០ បាត
ឥណទានសាច់ប្រាក់ដុល្លារអាមេរិកចំនួន ១៦.១៣០ ដុល្លារ
ធនាគារស្រូវចំនួន ១.៤៥០,៣២ តោន
ធនាគារគោមានចំនួន ១៨២៣ ក្បាល និង ធនាគារជីមានចំនួន ៧២៣ បាវ
៦.ទិសដៅការងារឆ្នាំ ២០០៩
យោងតាមយុទ្ធសាស្ត្រចតុកោណដំណាក់កាលទី ០២ ក្រសួងអភិវឌ្ឍន៍ជនបទនឹងបន្តអនុវត្តកម្មវិធីនយោបាយ និង យុទ្ធសាស្ត្ររបស់រាជរដ្ឋាភិបាលកម្ពុជាដើម្បីជំរុញ កំណើន ការងារ សមធម៌ និងប្រសិទ្ធិភាព។ បន្តជំរុញការងារអភិវឌ្ឍន៍ ជនបទ និងកិច្ចសហប្រតិបត្តិការជាមួយដៃគូអភិវឌ្ឍន៍អន្តរជាតិឱ្យបានកាន់តែល្អប្រសើរ សំដៅជំរុញការលើកស្ទួយវិស័យ កសិកម្ម ការបន្តស្តា និងកសាងហេដ្ឋារចនាសម្ព័ន្ធរូបវន្ត កសាងសមត្ថភាព និងការអភិវឌ្ឍធនធានមនុស្ស (ដូចមានចែង នៅក្នុងមុំទី ៣ នៃយុទ្ធសាស្ត្រចតុកោណ) ដើម្បីរួមចំណែកអនុវត្តតាមអនុសាសន៍ដ៏ខ្ពង់ខ្ពស់របស់ សម្ដេចអគ្គមហា សេនាបតីតេជោ ហ៊ុន សែន ដែលមានប្រសាសន៍ថានៅឆ្នាំ ២០០៩ នេះ ព្រះរាជាណាចក្រកម្ពុជា នឹងខិតខំរក្សា ម៉ាក្រូសេដ្ឋកិច្ចឱ្យមានកំណើនប្រហាក់ប្រហែល ៧ % និងបន្ទាបអត្រានៃភាពក្រីក្រឱ្យធ្លាក់ចុះយ៉ាងតិច ១% ក្នុងមួយឆ្នាំ។
ក្រសួងអភិវឌ្ឍន៍ជនបទមានទិសដៅជាយុទ្ធសាស្ត្រសំខាន់ៗ ដូចខាងក្រោម ៖
បន្តកិច្ចសហប្រតិបត្តិការជាមួយដៃគូអភិវឌ្ឍន៍នានា សំដៅគៀងគរជំនួយអភិវឌ្ឍន៍
បន្តអនុវត្តកម្មវិធីកំណែទម្រង់ហិរញ្ញវត្ថុសាធារណៈជំហានទី ២ ឱ្យបានជោគជ័យ
បន្តអនុវត្តផែនការថវិកាតាមកម្មវិធី ស្របតាមស្មារតីនៃច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ ២០០៩ ដែលបានអនុម័តកញ្ចប់ថវិការួចហើយ ឱ្យមានប្រសិទ្ធភាព តម្លាភាព និងគណនេយ្យភាព ដើម្បីសម្រេច បាននូវ ទិសដៅការងារតាមទស្សនវិស័យខាងលើ ក្រសួងអភិវឌ្ឍន៍ជនបទបានរៀបចំផែនការកម្មវិធីដូចខាង ក្រោម ៖
កម្មវិធីទី១ ៖ កម្មវិធីកសាង និងលើកកម្ពស់សមត្ថភាព មាន ០៣ អនុកម្មវិធី គឺៈ
បណ្ដុះបណ្ដាលមន្ត្រីទទួលបន្ទុករៀបចំផែនការថវិកា ចំនួន ៨០ នាក់ មកពី ១៥ ខេត្ត
ត្រួតពិនិត្យ និងវាយតម្លៃការអនុវត្តកម្មវិធីទាំង ០៣ នៅ ២៤ រាជធានី ខេត្ត
ទិន្នន័យអភិវឌ្ឍន៍មូលដ្ឋានចម្រុះ ត្រូវបានធ្វើបច្ចុប្បន្នភាព និងបោះពុម្ភផ្សាយ
វគ្គបណ្ដុះបណ្ដាលត្រួតពិនិត្យ និងតាមដាន ត្រូវបានដំណើរការសម្រាប់មន្ត្រីជំនាញតាមខេត្តគោលដៅ
បោះពុម្ពសៀវភៅរបាយការណ៍ប្រចាំខែ ត្រីមាស ឆមាស និងឆ្នាំ
បោះពុម្ពព្រឹត្តិបត្រប្រចាំត្រីមាស-ឆមាស
ផ្សព្វផ្សាយឯកសាររបាយការណ៍របស់ក្រសួងតាមគេហទំព័រ
បណ្ដុះបណ្ដាលមន្ត្រីថ្នាក់ដឹកនាំក្រសួង មន្ត្រីបង្គោលប្រមាណ ៤០ នាក់អំពីបញ្ហាយេនឌ័រ
បើកវគ្គបណ្ដុះបណ្ដាលមន្ត្រីជំនាញចំនួន ០៣ វគ្គ
បោះឆ្នោតគណៈកម្មាធិការអភិវឌ្ឍន៍ភូមិចំនួន ១៥០ ភូមិ ឡើងវិញ
បើកវគ្គបណ្ដុះបណ្ដាលគណៈកម្មាធិការអភិវឌ្ឍន៍ភូមិចំនួន ២៥ វគ្គ
បន្តបណ្ដុះបណ្ដាលសិក្ខាកាមអក្ខរជនចំនួន ៣០០ នាក់
ផ្សព្វផ្សាយចំណេះដឹងអំពីទស្សនៈយល់ដឹងសន្តិសុខស្បៀងថ្នាក់ខេត្ត ថ្នាក់ស្រុក ចំនួន ៥០នាក់់
បន្តបណ្ដុះបណ្ដាលជំនាញវិជ្ជាជីវៈមូលដ្ឋានដល់ប្រជាពលរដ្ឋក្រីក្រដូចជា ជាងជួសជុលម៉ូតូ ជាងអ៊ុតសក់ ជាង កាត់ដេរ ជាងតម្បាញ នៅខេត្តស្វាយរៀង ខេត្តតាកែវ ខេត្តកំពង់ស្ពឺ និងខេត្តព្រៃវែង ។
ចូលរួមអភិរក្សសហគមន៍ជនជាតិភាគតិច
បន្តចុះស្រាវជ្រាវ ប្រមូលទិន្នន័យវប្បធម៌ ប្រពៃណីជនជាតិដើមភាគតិច និងចងក្រងសហគមន៍ជនជាតិ
កសាងភូមិគំរូសម្រាប់ជនជាតិដើមភាគតិច
ស្វែងរកថវិកាកសាងមជ្ឈមណ្ឌលបណ្ដុះបណ្ដាលវិជ្ជាជីវៈដល់ជនជាតិដើមភាគតិច
បន្តរៀបចំទិវាជនជាតិដើមភាគតិចប្រចាំឆ្នាំ
កម្មវិធីទី២ កម្មវិធីស្ដារ កសាង និងអភិវឌ្ឍន៍ហេដ្ឋារចនាសម្ព័ន្ធជនបទមាន ០៣ អនុកម្មវិធី ៖
ការប្រើប្រាស់កញ្ចប់ថវិកាសម្រាប់ជួសជុលថែទាំផ្លូវជនបទ ជំពូក ៦១ ៖
អនុវត្តដោយមន្ទីរអភិវឌ្ឍន៍ជនបទ ២៣ រាជធានី ខេត្ត
អនុកម្មវិធីទី១ ៈ ការងារថែទាំផ្លូវលំជាប្រចាំ ចំនួន ៤៣ ខ្សែ ប្រវែងសរុប ៥០៩.៤៩ គ.ម ស្ថិតិនៅក្នុង ២៣ រាជធានី ខេត្ត។
អនុកម្មវិធីទី២ ៖ ការងារថែទាំផ្លូវលំជាលក្ខណៈខួបចំនួន ៤៧ ខ្សែ ប្រវែងសរុប ៥៥៤.៤៩ គ.ម ស្ថិតិនៅក្នុង ២៣ ខេត្ត-រាជធានី ។
អនុកម្មវិធីទី៣ ៖ ការចូលរួមទុនបដិភាគជាមួយគម្រោងទ្រីប ៥ សម្រាប់ថែទាំផ្លូវ
ការវិនិយោគលើហេដ្ឋារចនាសម្ព័ន្ធជនបទ ដោយប្រើប្រាស់កញ្ចប់ថវិកាជំពូក ២១ ៖
អនុវត្តដោយនាយកដ្ឋានផ្លូវលំជនបទ
ផ្លូវប្រវែង ៥៣ គ.ម
សាងសង់ស្ពានបេតុង ០៧ កន្លែង
អនុវត្តដោយមជ្ឈមណ្ឌលបោសសំអាតមីន (ឯកឧត្ដម សែម សុវណ្ណី )លើការដ្ឋានចំនួន ០១ កន្លែង
ផ្លូវប្រវែង ១០ គ.ម
សាងសង់ស្ពានបេតុង ០២ កន្លែង
អនុវត្តដោយនាយកដ្ឋានវិស្វកម្មអគ្គភស្តុភារ (ឯកឧត្ដម គង់ អៀង) លើការដ្ឋានចំនួន ០៤ កន្លែង
ផ្លូវប្រវែង ២៤,៣០ គ.ម
អនុវត្តដោយនា
សាងសង់ស្ពានបេតុង ០២ កន្លែងនាយកដ្ឋានវិស្វកម្មអគ្គភស្តុភារ (ឯកឧត្ដម ប៊ូ ផាន់សារី) លើការដ្ឋានចំនួន ០៦ កន្លែង
ផ្លូវប្រវែង ១៥ គ.ម
សាgសង់ស្ពានបេតុង ១២ កន្លែង
អនុវត្តដោយកង វិស្វកម្មកងទ័ពជើងគោក (ឯកឧត្ដម អ៊ុជ វ៉ាន់ថា ) លើការដ្ឋានចំនួន ០៥ កន្លែង
ផ្លូវប្រវែង ៤០ គ.ម
សាងសង់ស្ពានបេតុង ០៥ កន្លែង
អនុវត្តដោយកងវិស្វកម្មអគ្គបញ្ជាការ (ឯកឧត្ដម ខ្វាន់ ស៊ាម)លើការដ្ឋានចំនួន ១៣ កន្លែង
ផ្លូវប្រវែង ១៣៤ គ.ម
សាងសង់ស្ពានបេតុង ២០ កន្លែង
កម្មវិធីទី៣ ៖កម្មវិធីលើកកម្ពស់សុខភាពអនាម័យជនបទ និងសេដ្ឋកិច្ចជនបទ មាន ០៣ អនុកម្មវិធីៈ
អនុកម្មវិធីទី១ ៖ ការផ្គត់ផ្គង់ទឹកស្អាតនៅតាមខេត្តគោលដៅទាំង ១៥ គឺ ខេត្តបាត់ដំបង ខេត្តពោធិ៍សាត់ ខេត្តព្រះវិហារ ខេត្តកំពត ខេត្តកំពង់ស្ពឺ ខេត្តកោះកុង ខេត្តសៀមរាប ខេត្តបន្ទាយមានជ័យ ខេត្តកែប ខេត្តស្ទឹងត្រែង ខេត្តក្រចេះ ខេត្តឧត្តរមានជ័យ ខេត្តព្រះសីហនុ ខេត្តតាកែវ និងខេត្តកំពង់ចាម ។
សាងសង់អណ្ដូងថ្មីចំនួន ១៦០ កន្លែង
ជួសជុលអណ្ដូងដែលខូចចំនួន ១៥០០ កន្លែង
ស្ដារស្រះសហគមន៍ចំនួន ០៣
ធ្វើអាងត្រងទឹកភ្លៀងចំនួន ៣០ អាង
តបណ្ដាញចែកចាយទឹកចំនួន ០១ ប្រព័ន្ធនៅខេត្តស្ទឹងត្រែង
ស្ដារប្រឡាយ ០៣ ខ្សែ នៅខេត្តកំពង់ចាម
អនុកម្មវិធីទី២ ៖ លើកកម្ពស់ការយល់ដឹងអនាម័យជនបទ ជំរុញការអនុវត្តអនាម័យល្អតាមភូមិគោលដៅចំនួន ៣៥ ក្នុងខេត្ត ០៦ គឺ ខេត្តព្រះសីហនុ ខេត្តកំពង់ចាម ខេត្តបន្ទាយមានជ័យ ខេត្តកោះកុង ខេត្តកំពង់ស្ពឺ និង ខេត្តកំពត។
ចងក្រងជនបង្គោលតាមភូមិ ទាំង ៣៥
បន្តសាងសង់បង្គន់អនាម័យ ២.៦១៣ បង្គន់
យុទ្ធនាការលើកកម្ពស់អនាម័យ ២៤០ លើក
កិច្ចប្រជុំផ្លាស់ប្ដូរបទពិសោធន៍ថ្នាក់ខេត្ត
អនុកម្មវិធីទី៣ ៖ ផ្ដល់បច្ចេកទេសជំនាញដើម្បីបង្កើតមុខរបរបង្កើតជាជំនាញបន្ថែមជូន ដល់ពលរដ្ឋដូចជា ៖
របៀបធ្វើចង្ក្រានឡូវ ព្រមទាំងជួយរកទីផ្សារជូនកសិករដើម្បីដោះដូរផលិតផលកសិកម្មរបស់បងប្អូនប្រជា-ពលរដ្ឋ។
៧.សេចក្ដីសន្និដ្ឋាន
កិច្ចការរបស់អភិវឌ្ឍន៍ជនបទជាអាទិភាពមួយក្នុងចំណោមក្រសួងអាទិភាពទាំង ០៧ របស់រាជរដ្ឋាភិបាលកម្ពុជា ដែលបានអនុវត្តដោយផ្ទាល់នូវយុទ្ធសាស្ត្រកាត់បន្ថយភាពក្រីក្រនៅតាមទីជនបទនានានៃព្រះរាជាណាចក្រកម្ពុជា។ ការងារ អភិវឌ្ឍន៍ជនបទមានទំហំធំធេងដែលតម្រូវឱ្យប្រើប្រាស់ពេលវេលាយូរអង្វែង និងថវិកាយ៉ាងច្រើនដើម្បីធ្វើសកម្មភាព ឈានទៅសម្រេចការកាត់បន្ថយភាពក្រីក្ររបស់ប្រជាពលរដ្ឋកម្ពុជា តាមគោលដៅនៃយុទ្ធសាស្ត្ររបស់រាជរដ្ឋាភិបាលកម្ពុជា ដែលកំណត់ថា “ភាពក្រីក្រនៅកម្ពុជាត្រូវកាត់បន្ថយឱ្យបានយ៉ាងតិច ១% ក្នុងមួយឆ្នាំ”។
ការអភិវឌ្ឍជនបទបានធ្វើឱ្យជនបទនៅកម្ពុជាមានការប្រែប្រួលមុខមាត់ថ្មី ឆ្លងផុតពីដំណាក់កាលសង្គ្រោះបន្ទាន់ មកកាន់ដំណាក់កាលមានហូបគ្រប់គ្រាន់ និងបានធ្វើសមាហរណកម្មសេដ្ឋកិច្ចចូលក្នុងសេដ្ឋកិច្ចតំបន់ និងសេដ្ឋកិច្ចពិភពលោក ដែលទទួលបានលទ្ធផលគួរជាទីមោទនៈ។
ដើម្បីឈានទៅសម្រេចគោលដៅខាងលើ ក្រសួងអភិវឌ្ឍន៍ជនបទ បន្តខិតខំរៀបចំ និងពង្រឹងយន្តការសម្រប សម្រួលជាមួយដៃគូអភិវឌ្ឍន៍នានា ដើម្បីជំរុញការអនុវត្តយុទ្ធសាស្ត្រចតុកោណដំណាក់កាលទី ២ ប្រកបដោយចីរភាព។ បន្ថែមពីលើនេះ ក្រសួងអភិវឌ្ឍន៍ជនបទ នឹងបន្តពង្រឹងការយកចិត្តទុកដាក់អនុវត្តផែនការសកម្មភាពអភិបាលកិច្ចរបស់ រាជរដ្ឋាភិបាលដោយផ្ដោតការយកចិត្តទុកដាក់ទៅលើការពង្រឹងសមត្ថភាព ការកែប្រែឥរិយាបថ និងទម្លាប់ការងារដើម្បី បង្កើនគុណភាព និងប្រសិទ្ធិភាពនៃការផ្ដល់សេវាសាធារណៈដែលជាកត្តាសំខាន់ក្នុងការបង្កើនជំនឿទុកចិត្តរបស់ប្រជាពលរដ្ឋ ដែលជាអ្នកប្រើប្រាស់សេវាមកលើរដ្ឋបាលសាធារណៈ ។ កិច្ចការនេះគឺជាអាទិភាពដ៏សំខាន់បំផុត សំដៅឆ្លើយតបដោយ ផ្ទាល់ចំពោះតម្រូវ ការដ៏ទទូចរបស់ប្រជាជនកម្ពុជា ជាពិសេសក្នុងបរិបទនៃវិបត្តិកលិយុគហិរញ្ញវត្ថុ និងសេដ្ឋកិច្ចសកល លោកនាពេលបច្ចុប្បន្ន។
