ដោយបានការអនុញ្ញាតដ៏ខ្ពង់ខ្ពស់របស់សម្តេចអគ្ឡមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ឯកឧត្ដម ជា សុផារ៉ា រដ្ឋមន្ត្រីក្រសួងអភិវឌ្ឍន៍ជនបទ នឹងអញ្ជើញចូលរួមកិច្ចប្រជុំរដ្ឋមន្ត្រីអាស៊ាន លើកទី ៦ ស្ដីពីអភិវឌ្ឍន៍ជនបទ និងការលុបបំបាត់ភាពក្រីក្រ ដែលនឹងប្រព្រឹត្តទៅនៅថ្ងៃទី ២៧ ខែឧសភា ឆ្នាំ ២០០៩ នៅទីក្រុងហាណូយ សាធារណរដ្ឋសង្គមនិយមវៀតណាម។
កិច្ចប្រជុំរដ្ឋមន្ត្រីអាស៊ានស្ដីពីអភិវឌ្ឍន៍ជនបទ និងការលុបបំបាត់ភាពក្រីក្រ ឡើងនៅឆ្នាំ ១៩៩៧ ក្នុងគោលបំណងពង្រឹងនិងសម្របសម្រួលកិច្ចសហប្រតិបត្តិការ ក្នុងបណ្ដា ប្រជាជាតិអាស៊ានក្នុងវិស័យអភិវឌ្ឍន៍ជនបទ និងការលុបបំបាត់ភាពក្រីក្រ ។ កិច្ចប្រជុំនេះត្រូវបាន រៀបចំឡើងរៀងរាល់ ២ ឆ្នាំម្ដង ។
កិច្ចប្រជុំលើកទី ៤ ត្រូវបានរៀបចំឡើង នៅប្រទេសសិង្ហបុរី ក្នុងខែកក្កដា ឆ្នាំ ២០០៤ ។ រីឯកិច្ចប្រជុំលើកទី ៥ ត្រូវបានធ្វើឡើងនៅទីក្រុងបាងកក ព្រះរាជា ណា ចក្រថៃឡង់ដ៍។ ឯកឧត្ដម សៅ ជីវ័ន្ត រដ្ឋលេខាធិការ ឯកឧត្ដមបណ្ឌិត ចាន់ ដារ៉ុង អគ្គនាយកបច្ចេកទេស និង លោក បណ្ឌិត ថេង ច័ន្ទសង្វារ នាយកខុទ្ទកាល័យ និងជាអគ្គនាយករងរដ្ឋបាល និងហិរញ្ញវត្ថុ នឹងអម ដំណើរឯកឧត្ដមរដ្ឋមន្រ្តីទៅចូលរួមក្នុងកិច្ចប្រជុំនេះ។
ចេញផ្សាយដោយខុទ្ទកាល័យ
ថ្ងៃទី ៣០ ខែមេសា ឆ្នាំ ២០០៩
