ថ្មីៗនេះ​លោក ផាន់ សាភឿន​ ប្រធាន​នាយកដ្ឋាន​សេដ្ឋកិច្ច​ជនបទ​នៃ​ក្រសួង​អភិវឌ្ឍន៍​ជនបទ​អញ្ជើញ​ជា​គណៈអធិបតី​​​​​​​​​​​​​​​​​ ក្នុង​ការ​បើក​វគ្គ​ផ្សព្វផ្សាយ​អំពី​ឡ​ជីវឧស្ម័ន/ចង្រ្កាន​នាង​កង្រី​​​​​​​​និង​ការ​ផ្ដួចផ្ដើម​មុខ​របរ​​នៅ​សា​លា​ស្រុក​បាធាយ​ ខេត្ត​កំពង់ចាម ​ដោយ​មាន​ក្រុម​បច្ចេកទេស​​ក្រសួង​ និង​មន្ទីរ​អភិវឌ្ឍន៍​ជនបទ​ខេត្ត​កំពង់​ចាម ​ជា​ច្រើន​រួប ព្រម​ទាំង​លោក​មេភូមិ​ មេឃុំ​ សមាជិក​ក្រុម​ប្រឹក្សា​ឃុំ សរុប​ទាំង​អស់​ ៦៥ ​នាក់។

នា​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ថ្ងៃទី​១២​​​​​​​​​​​​​​​​​​​,១៣ខែ​តុលា​ឆ្នាំ​២០០៩ ​ឯកឧត្ដម ​ឡឹក ​ដុលណាល់​​ អនុរដ្ឋ​លេ​ខាធិការក្រសួង​អភិវឌ្ឍន៍ជនបទ រួមទាំងលោក ម៉ា សុវណ្ណា ប្រធាននាយកដ្ឋានផែនការ និង​ទំនាក់​ទំនង​សា​ធារណៈ និងលោក ឌូ សួស្ដី ប្រធានមន្ទីរ​អភិវឌ្ឍន៍​ជនបទ​ខេត្ត​ក្រចេះ​ អញ្ជើញជាគណៈអធិបតីក្នុងពិធីបើក និងបិទ​​វគ្គ​បណ្ដុះ​បណ្ដាលស្ដីពីកិច្ចដំណើរ​ការ​រៀប​ចំផែនការ​យុទ្ធសាស្រ្ត​ថវិកា​រយៈពេលមធ្យម ២០១០​ដល់​ ២០១២​​ និងផែន​ការ​ថវិកា​ឆ្នាំ ២០១០ ​របស់​ក្រសួង​អភិវឌ្ឍន៍ជនបទ ​​​​​​​​​​​​​​​​​នៅ​​មន្ទីរ​​អភិវឌ្ឍន៍​ជនបទខេត្តក្រចេះ ។

នារសៀល​ថ្ងៃទី ០៦ ​ខែ​វិច្ឆិកា ​ឆ្នាំ​ ២០០៩​ នៅទីស្តីការ​ក្រសួង ឯកឧត្ដម ជា សុផារ៉ា ​រដ្ឋមន្តី្រ​ក្រសួង​អភិវឌ្ឍន៍​​ជនបទ ​បាន​ទទួលជួបសវនាការ​ជាមួយលោកPutu Kamayana នាយកធនាគារ​អភិវឌ្ឍន៍​អាស៊ីថ្មី​ប្រចាំ នៅ​ព្រះរាជាណាចក្រ​កម្ពុជា។
ឯកឧត្ដម ជា សុផារ៉ា បានសម្តែង​នូវការ​ស្វាគមន៍ និងអបអសាទរ​ចំពោះ​លោកPutu Kamayana​ដែល​​បាន​ទទួល​ដំណែង​ជានាយក​ធនាគារអភិវឌ្ឍន៍​អាស៊ីថ្មី​ប្រចាំ​ នៅព្រះរាជាណាចក្រកម្ពុជា​ធ្វើឲ្យ​កិច្ច​សហប្រតិ​បត្តិការនេះ​កាន់តែ​ មានភាពល្អ​ប្រសើរ​ឡើង។